Mak, echî 2:5 - Ejagham New Testament

⁵ Nji Jisos a yéne se ane mbá á ki ḿbə́ŋé na yê, a sə́re mbə́né nnyó se, “Mmon omé, ń di wâ nsôn ń su obhí obhâ.”

Mak, echî 2:5 ပူးပေါင်းရင်းမြစ်များ

Matiyu, echî 9:2

Ane etat á kə̂n mbə́né yót ka ekpa, á bhak sê a yim yê a son. Nji Jisos a yéne se ane mbá á ki ḿbə́ŋé na yê, a sə́re mbə́né nnyó se, “Mmon omé, ka fûp, ń di nsôn ń su obhí obhâ.”

Matiyu, echî 9:22

Nji Jisos a kpíghi a yên nne-nkáé nnyó, a sə́re yê se, “Mmon omé, ka fûp. Ḿbə́ŋé eya nnyi o kíi, a yîm wâ ó son.” Ka ngyím ányi, emaŋé nne-nkáé nnyó é mân.

Matiyu, echî 9:5

Jen nji é rî wát, esə́rə́m nne se, ‘Ń di nsôn ń su obhí obhâ,’ kən nji ń sə́ré yê bəre, ‘Duî ngyím, jen ejen?’

Mak, echî 2:6

Nji a chorê áno, atóŋá-ebhín mba á kûn áfo á róghe ebhə́bhə́m ka ḿbə́ŋé ekpak í Jisos a faŋê ḿbə́ŋé kən a kí chot noŋ yê a ri Obhasi. Sê nne etat cháŋ nnyo a fonê ikom mfi a kí ri nne nsôn a su obhí nne ka ngun é ká chiŋi Obhasi átíŋ.

Mak, echî 5:34

Jisos a sə́re yê se, “Mmon omé, ḿbə́ŋé eya nnyi o kíi na Obhasi, a yîm wâ o sôn. Deê Obhasi a joé na we, biji í nâ wâ, o kâ kpô maŋé.”

Luk, echî 5:20

Nji Jisos a yéne se á ki ḿbə́ŋé ábho na Obhasi a sôn, a sə́re mbə́né nnyó se, “Ntem, n dî wâ nsôn, n sû obhí obhâ.”

Luk, echî 8:48

Jisos a sə́re yê se, “Mmon omé, ḿbə́ŋé eya nnyi o kíi, a yîm wâ ó sem. Choŋ kʉ́ri, deê Obhasi a joé na we.”

Jon, echî 2:25

Kpe nne nnyo a kí kpo səre yê kpe ejûm a kpe na nne kpe yót cháŋ, ka yê ḿfoné a mə́ŋe ntit i ḿbə́ŋé ane.

Jon, echî 5:14

É kpó kət, Jisos a bhâ kpúghi nne nnyo yê a yimî nná a sôn ka ókʉ́rí achot Obhasi. A sə́re yê se, “Mfá-mfá ó son, maghê mân obhí obhâ. Áno asík, ebhú tat nji é kí kpo fap na we tîk é bhîp é chíŋi ochíŋ.”

Etûm ágbán~í jisos, echî 11:23

Nji Banabas a jiî, a yên yê ḿfoné se Obhasi a tóŋe onobhá-eji na ábho, é gyébhe yê kpe-eji. A kâk ábho ḿbə́ŋé á gyími na Ńtâ Jisos na osoná-ḿbə́ŋé.

Etûm ágbán~í jisos, echî 14:9

Nji nne nnyó a ri áfo a yúghá okpígha-ejûm í Pol, Pol a yên se nne nnyó a kî ḿbə́ŋé na Jisos, kə́n á yîm yê a sôn. Pol a kêp yê ka ochî,

Etûm ágbán~í jisos, echî 5:31

A káre yê ekumi otúi, mkpe obhô-orûm obhê, a tóŋe se Jisos a ri Nne-echî, a ri nne nnyo á yimá êt e sémá. Echî aŋ? Se ájoé ane Isrel abhê á yoŋe ḿbə́ŋé á mághe obhí ábho, tîk yê a rî nsôn a sû ḿbə́ne.

1 Ane korin, echî 11:30

Nâ ejûm é yími áno etî-etî ên o kí maŋâ ên, etî-etî ikom cháŋ, mba kpóóm á kí kpo.

2 Ane korin, echî 2:10

Nne nnyo ó ri ên nsôn o gyíni obhí obhê, nâ mme eróŋ ń yim áno. Nji ń di fə́ne nsôn n gyíni obhí nne, ájoé sê ń dî, n kí yim ka ochî Jisos Krayis ka obhô obhə́né.

Ane efesus, echî 2:8

É dʉ̂ áno ka obhô onobhá-eji obhê nâ a yîm ên o sêm nji o kíi ên ḿbə́ŋé na Jisos Krayis. Ên áfoné asík o yimî ên sê ó sém, a ri ekəp Obhasi.

Ane korose, echî 3:13

O kâ fúbhá ên ḿbə́ŋé. Nne á yim ên obhí, ri ên nsôn, gyinî ên ḿbə́ne. Ńtâ Jisos a rî nsôn a sû obhí obhə́né, nâ yim ên fə́ne ka ekpak njí jə́t na atem.

Jems, echî 5:15

Ntʉ́ghi egoróm njí, nji nne a kíi ḿbə́ŋé na Obhasi, é kí yim nne a sôn. Ńtâ Jisos Krayis a kí yim yê a chə́bhe njəm a bhák ka biji. Obhí mbi a yimî, Obhasi tîk a rî nsôn a sû ḿbə́ne.