Mak, echî 2:2 - Ejagham New Testament

² Ane á bhak á súi njû nnyi yê a ri na éré-ere, kpe esogha-mmî cháŋ. Jisos a róghe ábho otîp ogyebhá-ḿbə́ŋé Obhasi esə́rə́m.

Mak, echî 2:2 ပူးပေါင်းရင်းမြစ်များ

Matiyu, echî 5:2

A róghe ábho ekpíím se

Mak, echî 1:14

Ka ebhú nji á kághe Jon ka ókúmí, Jisos a chə́bhe njəm a bhák ebhat í Gariri, a sə́rá otîp ogyebhá-ḿbə́ŋé Obhasi.

Mak, echî 1:33

Ane eték chénchén á chúi ka éré njû ányi.

Mak, echî 1:37

Kən á kpó to á jí yén yê ka echî-mbá, á sə́re yê sê, “Ane chénchén á kí wom wâ.”

Mak, echî 1:45

Kən á ka yim áno. A jak a róghe esə́rə́m ane jáé ejûm nji é fábhe. Esə́re Jisos é jên é jábhe ngûm. Jisos á ro kpó gye eték jáé. A kə̂t mân ka eji a jóe yê átíŋ, kən ane á kə̂t á maghá ngûm na ngûm á bhak mbâ eye.

Mak, echî 2:1

Mfín á ka rap, Jisos a chə́bhe njəm a bhák ka Kapanom. Esə́re é jên é fáre sê yê a ri ka eték.

Mak, echî 2:13

Jisos a bhə̂t a jak ka mkpe aya Gariri, ekam ane é bhak mbâ eye. A jî róghe ábho ekpíím.

Mak, echî 6:34

Nji Jisos a fábhe ka okpi, a yên ekpatə́m ekam ane njí, a fôn nsôn kpe-eji na ábho, ka á rî noŋ ojô-obhúi mbi ó ká fon nne nnyo á bhabha ábho. A róghe ábho ekpíím iyîm etî-etî.

Luk, echî 12:1

Ekam ane é chəme é ti é chiŋ ta etʉ̂ ane á roghe atem echemém. Jisos a kpíghi kpá mbâ atóbhá abhê a sə́re se, “Kó ên ebhú na yîs nnyi ane echəme Farasi á kágha ka brêt ábho. Yîs nnyí a ri ekpin áfúbhí.

Luk, echî 5:17

Ofú bhə́t Jisos a kí kpi ane achot Obhasi. Etʉ̂ atóŋá-ebhín na ane echəme Farasi mba á dʉ̂ Jerusarem na ebhat í Judiya na abhon í nték chénchén ebhat í Gariri, á kûn áfo. Ikom í Ńtâ Obhasi í rî na yê, kpe bhaghé emaŋé a kí yim é mân.

Luk, echî 8:1

Nji achot mmá á chíŋi, Jisos a jên a fáre ka nték nnyi yúp na abhon í nték a sə́rá otîp ogyebhá-ḿbə́ŋé otúi Obhasi. Ágbán abhê ófó na ábháe á jená na yê.

Luk, echî 8:11

“Ḿfa nâ echî egan í nyima-ebhin. Nkap nnyí nâ otîp Obhasi.

Etûm ágbán~í jisos, echî 11:19

Nchot i Stibhen nnyi ta á yúi yê nná, a bhák na ekpatə́m í nchot mbâ atóbhá Jisos. Ka echî njí, á bê á jak ka nték i Fonesiya, Sayiprus na Antiyok. Á jená ka ngûm nnyí á səra otîp ogyebhá-ḿbə́ŋé mbâ ane Jus átíŋ.

Etûm ágbán~í jisos, echî 14:25

Á kpó man esə́rə́m otîp ogyebhá-ḿbə́ŋé mbí ka Pega á jak nnyi Atariya.

Etûm ágbán~í jisos, echî 16:6

BaPol á jak ebhat í Frijiya na Garasiya. Obhasi Ebhare Ntʉgantʉ á ka kam se á kpí achot Obhasi ka ebhat Esiya.

Etûm ágbán~í jisos, echî 8:25

Pita na Jon á kâ, á kpik ane achot í Ńtâ Obhasi á sə́re iyîm chénchén mbi a yimî mbâ ábho. Á chə́bhe mân njəm nnyi Jerusarem. Nji á jâk ka mbá, á kpik ane otîp ogyebhá-ḿbə́ŋé ka nték i Samariya etî-etî.

Ane rom, echî 10:8

Nji é rî ka etím a ri sê, “Otîp Obhasi ó ká rap mbá na we, ó rî ka nnyo imâ na ḿbə́ŋé eya.” Otîp mbí a ri ḿbə́ŋé ekíím na Jisos. E sə́re ên nná sê,

2 Timoti, echî 4:2

sə́re ane nchot Obhasi. Jen sə́re ane, na á gyée wâ ka eték oo, na á kâ gyê oo, kpî ane ńnyə́ne. Yim ábho á mə́ŋe sê á gbo, fáme ábho á mághe achot abhí, kaghâ ábho ḿbə́ŋé. Nji o kí kpi ábho iyîm mbí, kə́bhá ḿbə́ŋé.