7 Deê efup é kâ yîm ên ebhú ó yuk ên agûn enok noŋ á kí gbo, o yûk ên esə́re enok nji é kə́ bha mbá-ochî. Iyîm ábhi í fóne ka efábhám, kən áji é ká fap sê nâ ntə̂m a sî.
É bhip é chiŋi ochíŋ na ngun nnyí nji iyîm í rî mbi í kí yim nne a yighí ḿbə́ŋé na Obhasi. Iyîm mbí í rî ka efábhám, kən tîk é bhîp é chîŋ na ntʉ́ghi nne ányo nnyo a kí yim ḿbə́ne í fáp.
Tîk nték a yə̂m enok na atem, atúi á nôk na atem atúi. Ngun tîk a kə̂t a nyiŋá onyiŋí ka ngûm ka ngûm. Ekpatə́m í njaé tîk a bhák ka ngun. Kən iyîm mbi chénchén í rî noŋ eróghá-ndə́p ojî mbi ó kí nok nne-nkáé.
Ḿ maghe ên enare, a ri enare ejámé nâ m maghê ên áno. Ń kare ên enare ejámé nji ngun á ká bhik ekarám. Deê efup é kâ yîm nne, ka fon ên nsae ka ḿbə́ŋé.
A tóŋá jáé se Krayis, nne nnyo Obhasi a túmi se a bhá yim ngun á sém, a fonê ka eyéném oseŋe, a kpô a nyə́me ka ekʉ̂. A sə́rá ábho se, “Jisos nnyó, nnyo ń səra ên áno mfá, nâ a ri Krayis ányo.”