Mak, echî 12:1 - Ejagham New Testament

¹ Jisos a tûp mân egan se, “Nne yót a fôn ebhin-í-nkap ejê. A gbê ebhám a fáre ńjə́ne, a gbê etə́m nji á kí kumí á bhabha nkap eye ka ebhin, a tʉ́ri eji aməm eyámám. Kən a kô ane a kâk se á yimá ebhin njí á kará yê eye nkiri. A bhâ mághe a jak ejen.

Mak, echî 12:1 ပူးပေါင်းရင်းမြစ်များ

Mak, echî 13:34

É rî ekan-ékân na nne nnyo a kí ji ejen. A mághe njû eye mbâ ágbán abhê, kpe nnyón ḿgbán, a fôn obhê obhô-etûm. Nne nnyó a sə́re mbábhá nnyo-mbá se a gyímí ibhábhé.

Mak, echî 4:2

A ri na ngan nâ Jisos a kóe a kpík ábho iyîm etî-etî. Kən a kí kpi ábho se,

Matiyu, echî 25:14

A kpô gaé se, “É kí joé noŋ nne-ndûm yót nnyo a kí maghé a ji ejen, a bhiŋ ágbán abhê a kíri iyîm a káre ábho á bhábhé ta yê a bhá.

Etûm ágbán~í jisos, echî 7:38

Kən Mosis a ri ka etə́m na ásé éməné abhə́ré na chénchén ane Isrel ta ebhú áji. A jóe fə́ne na énjel nnyo a chorê mbâ eye ka Egui Sanayi. A kô esə́re Obhasi nji é kára ekpin se yê a bhá karé êt.

Luk, echî 19:12

A túbhi egan ejê se, “Ofú bhə́t, nne-ndûm etat ka ndə́p-i-njû otúi a mághe a jak eték eyúp mbá a râp, á jí yîm yê ntûfâm.

Luk, echî 15:13

“Kpe mfín á ka sí áno, nnyo mmonche nnyó a gúri iyîm ibhê chénchén a kô ntí a mághe njû. A jak ka eték etat mbá nda, a jî gyê ekpin echâk-échâk edíím na ntí mmí.

Luk, echî 8:10

A táme ábho se, “Obhasi a káre ên aron se ó mə́ŋe ên ejûm ebhə̂t nji otúi obhê, kən ane mba tat tîk á yugha a ri ka ngan. Echî é rî se, ‘Á kep, á bhó yen, á yuk, é bhó jae ábho.’ ”

Matiyu, echî 21:28

Jisos se, “Kére ên nchot nnyí. Nne yót a fôn abhon ábháe, a jî sə́re nnyo nne-nkúí se, ‘Mmon omé, choŋ oyim etûm ka ebhin égyé.’

Luk, echî 22:9

Á bhə̂p yê sê, “O wóme se é dí ejə́ré erom fan?”

Matiyu, echî 13:3

A ri na ngan nâ Jisos a kóe a kpík ábho iyîm etî-etî. Kən a kí kpi ábho se, “Ofú bhə́t, nyima-ebhin yót a jak a jí bhe nkap ka ebhin ejê.

Matiyu, echî 21:33

Jisos a sə́re ábho se, “Yûk ên egan nji tat. Mfone njû yót a fôn ebhin-í-nkap ejê. A gbê ebhám a fáre ńjə́ne. A gbê etəm nji á kí kumí á bhabha nkap eye ka ebhin. A tʉ́ri eji aməm eyámám. Kən a kô ane a kâk se á yimá ebhin njí á kará yê eye nkiri. A bhâ mághe a jak ejen.

Matiyu, echî 21:34

“Ebhú ebhin efʉʉ́m é kpó si, nne nnyó a tûm ágbán abhê se á jí kó eye nkiri ebhin á bhá káre yê.

Mak, echî 3:23

Nji Jisos a yúghi achot mmá, a bhîŋ ábho a chôt ka ngan. A bhə̂p ábho se, “Ta ó kam ên sê Satan kə́n a bê Satan a?

Mak, echî 11:33

Á táme mân Jisos sê, “É ka məŋé.” Jisos a táme fə́ne ábho se, “Mme eróŋ, ḿ bó səre ên mbâ ikom ifámé í dʉ̂ kən n yimá ntûm nnyí.”