Mak, echî 1:8 - Ejagham New Testament

⁸ Mme n kí fuk ên a ri ayép, kən nne nnyó a kí su ên ḿbə́ŋé na Obhasi Ebhare Ntʉgantʉ.”

Mak, echî 1:8 ပူးပေါင်းရင်းမြစ်များ

Matiyu, echî 3:11

“Mme n kí fuk ên a ri ayép ka etóŋóm sê ó yóŋe ên ḿbə́ŋé ó maghe ên obhí obhə́né. Kən nne nnyo a kə́ bha ə̂m mbá-njəm a fâŋ a chíŋi ə̂m. Nne nnyó a kí su ên ḿbə́ŋé na Obhasi Ebhare Ntʉgantʉ na erəmta-ngûn. Ń ka bhik nnyo n kí kən kpe iyîm-akát ibhê.

Mak, echî 1:7

A sə́re ane se, “Nne nnyo a kə́ bha mbá-njəm a fâŋ a chíŋi ə̂m. Ń ka bhik nnyo n kí sere m kpât kpe aríghí iyîm-akát ibhê.

Mak, echî 1:9

Ebhú áji Jisos a mághe Nasaret ka ebhat í Gariri, a jak mbâ Jon se a fúk yê ayép. Jon a kô yê a fûk ayép ka aya Jodan.

Luk, echî 3:16

Kən Jon a sə́re ábho se, “Mme n kí fuk ên a ri ayép, kən nnyo a faŋê a chíŋi ə̂m a kə́ bha. Ń ka bhik nnyo n kí kpat kpe arík iyîm-akát ibhê. Nne nnyó a kí fuk ên na Obhasi Ebhare Ntʉgantʉ na erəmta-ngûn.

Jon, echî 1:26

Kən Jon se, “Nchot amé tîk? Mme n kí fuk ane a ri ayép, kən nne owəné etat a ri nnyo ó ka məŋé ên.

Jon, echî 1:33

Kə́n ń ka məŋé yê təm nji Obhasi nnyo a túmi ə̂m se ḿ bá fúk ane ayép a sə́re ə̂m se, ‘Nne nnyo ó yen Ebhare Ntʉgantʉ omé a bhâ jóe na yê, a ri yê áno. Yê nâ a kí su ane ḿbə́ŋé na ńtʉgântʉ amé.’

Etûm ágbán~í jisos, echî 1:5

Jon a kóe ayép a fûk ane ayép, kən kpe mfín á bhó rap, tîk á fûk ên ayép a ri na Obhasi Ebhare Ntʉgantʉ.”

Etûm ágbán~í jisos, echî 10:45

Ane Jus mba á kíi ḿbə́ŋé na Jisos, mba á bháe na Pita nnyi Jopa, é mân ábho biji kpe-eji nji á yéne sê Obhasi a kə̂p Ebhare Ntʉgantʉ mbâ ajéné eróŋ.

Etûm ágbán~í jisos, echî 2:17

Obhasi a chorê se, ‘Ka nsígha-njəm ebhú n kí karé Ntʉgantʉ omé a súi a fûk mbâ ane chénchén. Abhon abhə́né mba ane-arûm na ane-akáé tîk á kará otîp obhámé. Ên abhon aguŋi, tîk n chôt mbâ eyəné ka ndem, ên ane-akúí, tîk n káre ên fə́ne arem.

Etûm ágbán~í jisos, echî 2:4

Obhasi Ebhare Ntʉgantʉ a súi ábho ka biji, á róghe echoróm nyum i nték etat nnyi á ká məŋé. É dʉ̂ ka ikom mfi Ntʉgantʉ a karê ábho.

1 Ane korin, echî 12:13

Kpe noŋ etʉ̂ ejə́ré e ri ane Jus, etʉ̂ Jus asík, etʉ̂ ejə́ré asʉ́ŋ, etʉ̂ asʉ́ŋ asík, é chəbhe nne yót ka ebhú e fúghi ayép ka Obhasi Ebhare Ntʉgantʉ nnyó yót. A ri Ebhare Ntʉgantʉ nnyó yót nâ a ri êt ka ḿbə́ŋé.