Mak, echî 1:1 - Ejagham New Testament

¹ Ḿfa a ri eróghá-ndə́p otîp ogyebhá-ḿbə́ŋé mbi ó kpée na Jisos Krayis nnyo Mmon Obhasi.

Mak, echî 1:1 ပူးပေါင်းရင်းမြစ်များ

Matiyu, echî 14:33

Ane abhê mba á rî ka okpi, á káre Jisos ekpatə́m eyúp á chorá sê, “Ka etʉri, we a ri Mmon Obhasi.”

Matiyu, echî 17:5

Nji Pita á chorá áno, átʉ́k í ngurobhú á bhara kpóŋ, á bhúi ábho ka eji njí. Eyum é fâp ka átʉ́k áma se, “Ḿfa a ri Mmon okot omé nnyo ḿ foná ekpatə́m ogyebhá-ḿbə́ŋé. Yûk ên yê.”

Matiyu, echî 3:17

Eyum é fâp nnyi ósô sê, “Ḿfa a ri Mmon okot omé nnyo ḿ foná ekpatə́m ogyebhá-ḿbə́ŋé.”

Matiyu, echî 4:3

Satan a bhâ sə́re yê se, “Ájoé we a ri Mmon Obhasi, yim atáé mmá á kpíghí édî ó kó, ó dí.”

Luk, echî 1:35

Énjel nnyó a táme se, “Obhasi Ebhare Ntʉgantʉ tîk a bhák mbâ eya, a bhúi wâ na ikom Obhasi ósô. Ka obhô mbí, tîk á bhîŋ mmon nnyo sê Mmon Obhasi. Yê á bhó fon ekpin akôp.

Jon, echî 1:14

Nne nnyo a ri nná eyum, a chə́bhe mân nne noŋ êt, a bhâ kúmi na êt. E yên ekpatə́m eyúp ejê nji é súi na onobhá-eji, áfúbhí ka etím cháŋ. Eyúp njí a ri eyúp nji Mmon yót nnyo Obhasi Ńsé a fonê.

Jon, echî 1:34

Na amə̂t amámé, mme Jon, ń yen. Nâ ńjə́ne mân n kí səre ên bəre nne nnyó a ri Mmon Obhasi.”

Jon, echî 1:49

Nataniye a chôt mân se, “Ntóŋá, we a ri Mmon Obhasi ka etʉri. We a ri ntûfâm ane Isrel.”

Jon, echî 20:31

Kən e séŋe áno mbí mfá sê ó kâm ên sê Jisos a ri Krayis, nne nnyo Obhasi a túmi se a bhá yim ngun á sém. Yê nâ a ri Mmon Obhasi. Nji ó yuŋ ên ḿbə́ŋé o kî ên na yê, o kí fon ên ekpin.

Jon, echî 3:16

“Obhasi a fôn okot na ane kpe-eji nji ta a tûm Mmon owe yót-ayorâ ka ngun se kpe énê nnyo á yuŋ ḿbə́ŋé a kî na yê a kâ kpô a tán, kən a fon ekpin ótúm-ótúm.

Jon, echî 6:69

Êt fə́ne é ki ḿbə́ŋé na we. É məŋe sê we a ri obhô-orûm Obhasi. O dʉ mbâ eye o bhák.”

Etûm ágbán~í jisos, echî 1:22

É róghé nná ta ka ebhú Jon a fúghi yê ayép ta é sî ebhú á kóe yê á jak nnyi ósô. Nne ntʉ́ghi nnyó a ri a chəm êt noŋ ntî-isê ekʉ̂ enyəmə́m nji Ńtâ Jisos a nyəmê.”

Etûm ágbán~í jisos, echî 13:24

Kən Jisos nnyó a bhá, Jon a raŋê mbá a sə́re ane Isrel se á yóŋé ḿbə́ŋé, á mághe obhí ábho, á fûk ayép.

Ane rom, echî 8:3

Eyighím njí nji ebhín í Mosis é ká məŋé oyim, ka êt a ri ane, ekpak etat cháŋ, Obhasi yê ḿfoné a yîm ńjə́ne. A yimî ńjə́ne nji a túmi Mmon owe nnyo á jíi yê ka nne noŋ êt mba e ri ka ekpin obhí. Ka biji Mmon owe mbi á kúmi ka ego, Obhasi a bhíbhi obhí esup.

Ane rom, echî 8:32

Ka eji Obhasi á ka ri Mmon owe nsôn, a kô yê a káre se a kpó ekʉ̂, êt chénchén é fôn ekəp, deê é kâm mân sê ka eji a karê êt ntʉ́ghi ekəp njí, tîk á bhó taŋé êt ekarám kpe jen nji yê a kíi êt.