Jʉt, echî 1:3 - Ejagham New Testament

³ Atem í ḿbə́ŋé, n sîk oto bəre kə́n ń séŋ nwet mbâ eyəné ka nchot nnyi esémém nji e séme. Kən ḿbə́ŋé a kpíghi ə̂m bəre ń séŋ ń góre ên bəre deê ó nôk ên obhô ó sôn ka nchot Obhasi nnyi a nyaŋê obhô a káre ane abhê se a ri ison ábho.

Jʉt, echî 1:3 ပူးပေါင်းရင်းမြစ်များ

Etûm ágbán~í jisos, echî 17:3

A tóŋá jáé se Krayis, nne nnyo Obhasi a túmi se a bhá yim ngun á sém, a fonê ka eyéném oseŋe, a kpô a nyə́me ka ekʉ̂. A sə́rá ábho se, “Jisos nnyó, nnyo ń səra ên áno mfá, nâ a ri Krayis ányo.”

Etûm ágbán~í jisos, echî 18:28

Ka nan? A fíri nchot Obhasi na ane Jus ka ochî atem-ane, a kô érûm, a ri a tóŋá jáé ka nwet Obhasi se Jisos nâ a ri Krayis, nne nnyo Obhasi a túmi se a bhá yim ngun á sém.

Etûm ágbán~í jisos, echî 20:27

Echî aŋ? Mme ń ka bé bəre n kâ sə́re ên chénchén nji Obhasi a wóme ên ó yîm, na ekpak a wóme ên ó jóe.

Etûm ágbán~í jisos, echî 28:28

Pol a kpô chot se, “Məŋê ên mân sê Obhasi a tûm otîp obhê mbâ ajéné. Ḿbə́ne nâ ó kí yim ane á sém. Ajéné mbá nâ á kí yuk otîp mbí.” [

Etûm ágbán~í jisos, echî 4:12

Məŋê ên sê kən nne a sém ka obhí, á chiŋa mbâ Jisos, mbá etat cháŋ. Ka ngun ndə́m, mbiŋ etat cháŋ nnyi Obhasi a karê se a yim ane á sém, é ká chiŋi ńnyə́ne.”

Etûm ágbán~í jisos, echî 6:7

Ka ekpak njí, nchot Obhasi a kə̂t a jabhá. Ka Jerusarem, ane mba á tóbha Jisos á kə̂t á chəma ka ofú ka ofú. Kpe etî-etî akará-agore Obhasi á kâm fə́ne na ńnyə́ne.

Etûm ágbán~í jisos, echî 9:13

Ananiyas a táme se, “Ntûfâm, ane etî-etî á səre esə́re Sol nnyó. Á səre ekpak í ndibhí nnyi nne nnyó a yimî na ane abhâ ka Jerusarem.

Etûm ágbán~í jisos, echî 9:22

Kən Sol a kə̂t a soná oson ka nchot Obhasi. A yîm ane Jus ka Damakus á nə́me, ekpak á táma yê cháŋ, ka a kí toŋe jáé se Jisos nâ a ri Krayis, nne nnyo Obhasi a túmi se a bhá yim ngun á sém.

1 Ane korin, echî 15:3

Mfoné-mfoné ndûm ejûm nji n sə́re ên ka ekpak á sə́re ə̂m fə́ne a ri se: ka ekpak á séŋe ka nwet Obhasi, Jisos Krayis a kpóe ka echî ejə́ré.

Ane garasiya, echî 2:5

Kən é ka karé ábho obhô kpe ka ofú bhə́t, ka é wom sê mfoné nchot Obhasi a sí ên ka ekpak a dʉ mbâ Obhasi.

Ane garasiya, echî 3:28

Nne nnyo á kí saŋ cháŋ, kpe o ri nne Jus, kpe o ri njéné, kpe nsʉ́ŋ, kpe mmon, kpe nne-nkáé, kpe nne-ndûm. Ên chénchén a ri ejûm jə́t na Jisos Krayis.

Ane garasiya, echî 6:11

Kêp ên ekpatə́m osêŋ mbí. Mme ḿfoné nâ ń seŋa na obhámé obhô.

Ane efesus, echî 1:1

Nwet nnyí a dʉ mbâ amé, Pol, nnyo Obhasi a sáŋe ka okot obhê se ń jóe ḿgbán i Jisos Krayis. N séŋe n tûm mbâ ane Obhasi ka Efesus. Ên nâ ó ki ên ḿbə́ŋé na Jisos Krayis son-son.

Ane firipi, echî 1:1

Nwet nnyí a dʉ mbâ êt, Pol na Timoti, ane-etûm í Jisos Krayis. E séŋe e tûm mbâ chénchén ane Obhasi ka Firipi mba o chəmê ên na Jisos Krayis. E séŋe e tûm fə́ne ane-echî echəme atóbhá Jisos na ane mba á nyáŋa ábho.

Ane firipi, echî 1:27

Kpe bhaghé ejûm é fábhe, deê ekpin ejə́né é jóe ka ekpak esə́re Jisos Krayis é kpíi ên. Kpe ń jóe ágo na ên, kpe ń ka joé, tîk n yúghá sê o ri ên ḿbə́ŋé eyəné yə́t, sê o ri ágo o noghá ên fə́ne noŋ nne yót sê otîp ogyebhá-ḿbə́ŋé Obhasi ó jî ochî.

Ane korose, echî 1:2

nâ e séŋe e tûm mbâ atem-abhon-í-nnyen ka Korose. Ó ka fon ên akôp, o kî ên ḿbə́ŋé na Jisos Krayis son-son. Deê Obhasi Ńsé owəré a tóŋé ên onobhá-eji, a karé ên fə́ne enare.

1 Ane tesaronika, echî 2:2

Ó məŋe ên sê kən é bhá ágo nnyi eték ejə́né, ane á kare êt onyʉk, á tu êt ka eték í Firipi kpe-eji, ka echî nchot Obhasi. Kən Obhasi owəré a káre êt osoná-ḿbə́ŋé se é sə́ré ên otîp ogyebhá-ḿbə́ŋé obhê kpe noŋ ane etî-etî á ká wom áno sê á yén êt na amə̂t.

1 Timoti, echî 1:18

Mmon omé, Timoti, ḿ maghe ebhín njí ka obhô obhâ. M maghê ka ekpak akará-otîp Obhasi á chóre ta ka ebhú áji á kpê na we. Echî é rî sê ó top nchot ábho, tîk o mə́ŋe onok enok etûm Obhasi.

1 Timoti, echî 6:12

Nok énoê enok ka nchot i Jisos nnyi o kamê, ó fôn érûm nji é kí karé wâ ekpin nji ótúm-ótúm. A ri ekpin njí nâ Obhasi a bhiŋî wâ ka ebhú áji. Nâ ebhú o sə́re jáé se o kamê na Jisos, ane etî-etî á gyími wâ ntî-isê.

2 Timoti, echî 1:13

Deê ó fíi nnyen achot mma m kpíi wâ nono, á jóe wâ noŋ eriŋ nji o kí top. Ka ikom í Jisos Krayis, deê ó kə́t o korá atem-ane, o kík fə́ne ḿbə́ŋé na yê.

Tayitus, echî 1:4

N séŋe n tûm wâ, Tayitus, mfoné-mfoné mmon omé ka ḿbə́ŋé nnyi e kíi na Obhasi. Deê Obhasi Ńsé owəré na Jisos Krayis nnyo a yimá êt e sémá á tóŋé wâ onobhá-eji, á káre wâ fə́ne enare.

Ane ibru, echî 13:22

Atem-abhon-í-nnyen, n kí goré ên bəre ó nâ ên biji ó yúk ên otîp obhámé mbí, mbi ó ká ti otí.

Ane ibru, echî 6:9

Kən atem í ḿbə́ŋé, kpe noŋ é chorá áno, é ka fon efup na ên, é məŋe sê tîk o fôn ên enare Obhasi nji é kí yim ên é sém.

1 Pita, echî 5:12

A ri Siras nnyo ń yen bəre ntem-mmon-i-nnyen ka etʉri nâ a kaghê ə̂m obhô, e sêŋ nwet nnyí. N séŋe bəre ń kâk ên ikom, ń sə́ré noŋ ntî-isê bəre nchot nnyí a ri mfoné-mfoné onobhá-eji Obhasi. Fiî ên ka ńnyə́ne, obhô ó sôn.

2 Pita, echî 1:1

Nwet nnyí a dʉ mbâ amé, Simun Pita, ka ḿgbán i Jisos Krayis nnyo ń tʉgha. Ń tuma ńnyə́ne mbâ ên mba ó ki ên ḿbə́ŋé na Jisos noŋ êt eróŋ. Ḿbə́ŋé ekíím nnyí a ri ekpatə́m ejûm mbâ eyəré chénchén. E kíi ḿbə́ŋé nnyí ka obhô Jisos nnyo á yimá iyîm ka nnyen-i-mbá. Yê a ri Obhasi nnyo á yimá êt e sémá.

2 Pita, echî 2:21

É nóbhe kə́n ane ntʉ́ghi mbá á kâ mə́ŋe nchot ekpin ka nnyen-i-mbá, na nji á məŋe á kpô chəp njəm á kare ebhín Obhasi nji á káre ábho.

Jʉt, echî 1:1

Nwet nnyí a dʉ mbâ amé Jʉt nnyo mmon-i-nnyen i Jems kən nyima-etûm nnyo Jisos Krayis. N kí tum mbâ ên mba Obhasi a bhîŋ se ó jóe ên ane abhê. Obhasi Ńsé a kôt ên. Jisos Krayis a kí bhabhe ên.

Jʉt, echî 1:17

Atem ógbá, tit ên ka ḿbə́ŋé eyəné ejûm nji ágbán í Ńtâ Jisos Krayis á tóe sê tîk é fâp.

Jʉt, echî 1:20

Kən ên, atem ógbá abhámé, deê ó gyê ên biji ibhə́né na nchot Obhasi. Nchot nnyí á ka fon akôp. Kó ên ikom Obhasi Ebhare Ntʉgantʉ goré ên Obhasi.

Ndem~i jon, echî 12:11

Á tábhe yê érûm na agyʉ́ŋ í Mmon-i-njo-mbúi ányo na otîp fə́ne mbi atî-isê Mmon-i-njo-mbúi á káre. Ane mbá mba á kpóe nná á ká ko ekpin ábho sê nâ ejûm etat.

Ndem~i jon, echî 2:10

Ka fôn ên efup ka oseŋe mbi o kə́ bha oyén ên. Ńgyê Satan a kə́ bha okak etʉ̂ ên ka ókúmí, á gáe ên. O kí yen ên oseŋe ka mfín ófó. Kən kpe o yéne ên oseŋe nan, ka yíghi ên ḿbə́ŋé na mme kpe o kí kpo ên okpó. Ó ro yighí ên ḿbə́ŋé, tîk n káre ên ekpin ótúm-ótúm noŋ itam érûm ifə́né.