Jʉt, echî 1:1 - Ejagham New Testament

¹ Nwet nnyí a dʉ mbâ amé Jʉt nnyo mmon-i-nnyen i Jems kən nyima-etûm nnyo Jisos Krayis. N kí tum mbâ ên mba Obhasi a bhîŋ se ó jóe ên ane abhê. Obhasi Ńsé a kôt ên. Jisos Krayis a kí bhabhe ên.

Jʉt, echî 1:1 ပူးပေါင်းရင်းမြစ်များ

Matiyu, echî 10:3

Firip na Batromiyu na Tomas na Matiyu nnyo mbə́bha-ntí-echî. Jems nnyo mmon-i-nnyen Afiyus. Dadiyus fə́ne a ri ka ekam.

Matiyu, echî 13:55

Mmon i nkúma-njû nnyó nná asík á? To nnyen owe a ri Meri? Cháŋ abhon-í-nnyen abhê a ri mba Jems na Jusep na Simun na Juda a?

Mak, echî 3:18

Mba ngá a ri, Andru na Firip na Batromiyu na Matiyu na Tomas na Jems nnyo mmon Afiyus na Dadiyus na Simun etat fə́ne nnyo kpe ekʉ̂ a kâm ka okot eték ejê,

Mak, echî 6:3

Nkúmá-njû nnyó nná asík a? To a ri mmon i Meri nnyó nná, to abhon-í-nnyen abhê mba ane-arûm a ri Jems na Josis na Juda na Simun, mba ane-akáé fə́ne to á kúma mfá na êt?” Ane mbá á jîŋ yê mân na oyámá-ḿbə́ŋé.

Luk, echî 6:16

A sâŋ fə́ne Juda nnyo mmon i Jems na Juda Iskariyot nnyo a bhâ gúri yê.

Jon, echî 12:26

Nne nnyo á wóm ə̂m etʉ́ghʉ́m, a ri a tóp ə̂m. Chénchén ágbán abhámé á kí joé ka eji mme ḿfoné n di. Ńsé omé tîk a jíghi nne nnyo a kí tʉk ə̂m.”

Jon, echî 14:22

Juda, kən Juda Iskariyot asík, a bhə̂p Jisos se, “Ntûfâm, o kí yim nan ó tóŋé êt ekpin ejâ nji ngun ndə́m á bhó yen?”

Jon, echî 15:16

Ên asík o sáŋe ə̂m, mme nâ n sáŋe ên n tûm bəre ó jí yîm ên etûm ejámé. Etûm nji o kí yim ên, é bhó bhip ka ótúm-ótúm. Ka ekpak njí, Ńsé omé tîk a káre ên kpe bhaghé ejûm nji o bhə́bhe ên yê ka mbiŋ amé.

Jon, echî 17:15

Ń ka goré wâ bəre ó yíghi ábho ka ngun nnyí kən ń gorá bəre o kâ kâm Ntûfâm Obhí a yim ábho ejûm.

Jon, echî 17:17

Deê ó kó mfoné nchot ó tʉ̂ ábho á gyé wâ ka biji. Nchot eya nâ a ri mfoné nchot.

Jon, echî 17:19

Ka echî ábho ń kare biji ibhámé mbâ eya bəre ábho fə́ne á káre biji á jóe mfoné-mfoné ane abhâ.”

Jon, echî 6:39

Ńgyê ejûm nji nne nnyo a túmi ə̂m á korá. Se ka ane mba yê a karê ə̂m, n kâ yîm kpe yót a tán. Se fə́ne kpe á kpóe okpó, deê ń kó ábho á bhá ka ekpin ka nsígha-njəm ofú.

Etûm ágbán~í jisos, echî 1:13

Nji á síi njû nnyi á kúma, á gyʉ̂t á jak ka ábho mmon-i-njû ka ósô enyóŋ. Á rî ábho ófó na yót, Pita na Jon na Jems na Andru na Firip na Tomas na Batromiyu na Matiyu na Jems nnyo mmon Afiyus na Simun nnyo á chóra sê kpe ekʉ̂ kə́n a kâm ka okot eték ejê na Juda nnyo mmon i Jems etat.

Etûm ágbán~í jisos, echî 20:32

“Mfá-mfá n kí karé ên ka obhô Obhasi na ka obhô otîp onobhá-eji obhê. Ḿbə́ne nâ ó kí yim ên ó kúi ka achot Obhasi, ó káre ên fə́ne enare nji yê Obhasi a kíi mbâ ane abhê chénchén.

Etûm ágbán~í jisos, echî 27:23

Ka atʉ́ mma á chíŋi nná égyé, Obhasi omé nnyo ń jigha a tûm énjel owe yót a bhâ gyími ə̂m ka mkpe biji a sə́re ə̂m se,

Ane rom, echî 1:1

Nwet nnyí a dʉ mbâ amé, Pol, nnyo n di nne-etûm i Jisos Krayis. Obhasi nâ a sáŋe ə̂m a tûm noŋ ḿgbán i Jisos se ń yîm etûm otîp ogyebhá-ḿbə́ŋé ejê.

Ane rom, echî 1:6

Ên eróŋ o ri ên ka ekam ane mba á sáŋe nná sê á chə̂m na Jisos Krayis.

Ane rom, echî 16:18

Echî é rî sê, ntʉ́ghi ane mbá á bhó yim etûm mbâ Ntûfâm owəré Jisos Krayis. Á yíma ka obhô ekot ábho. Na ogyebhé eyum í nchot ábho, á bhik erirím ane mba á ká məŋé nchot obhí.

Ane rom, echî 6:22

Kən mfá-mfá ó sem ên ka achot obhí, ó gbo ên osʉ́ŋ ó kare Obhasi. Orʉrí obhə́né ka etím a ri ekpin nji ó kare ên biji chénchén mbâ Obhasi, ó fon ên ekpin ótúm-ótúm.

Ane rom, echî 8:30

Mba Obhasi a sáŋe, a bhîŋ se á jóe ane abhê. Mba yê a bhiŋî, a yíghi ábho se á fon ekpin ka nnyen-i-mbá. Mba yê a yighî, a kâm se á jóe na yê ka ekpatə́m ejík ejê.

Ane rom, echî 9:24

Êt a ri ane nchane mba Obhasi a sáŋe ta ebhú áji. Á ka sáŋ mbâ ane Jus átíŋ, a sáŋe fə́ne mbâ ane nték ajéné.

1 Ane korin, echî 1:2

nâ e séŋe e tûm mbâ echəme ane Obhasi nji é rî ágo Korin. E túmi fə́ne mbâ ane chénchén mba Jisos Krayis a yimî se á kâ fôn akôp, á bhîŋ ábho sê ane Obhasi. E túmi eróŋ mbâ ane chénchén, kpe á rî ka fan, mba á kí bhiŋ mbiŋ i Ntûfâm Jisos Krayis. Yê nâ a ri Ntûfâm ábho na owəré eróŋ.

1 Ane korin, echî 6:11

Nâ noŋ etʉ̂ ên o ri ebhú áji. Kən ka mbiŋ i Ńtâ Jisos Krayis na ka obhô Obhasi Ebhare Ntʉgantʉ, á sû ên á yighi ka obhí mbí. Á sâŋ ên sê o kâ fôn ên akôp, Obhasi a kô ekpin ejə́né se é rî ka nnyen-i-mbá.

Ane efesus, echî 5:26

Se yê a yim atóbhá echəme ejê, á kâ fôn ekpin akôp ka ochî Obhasi nji a kóe eyum í nnyo ejê a sû ábho á bhât na ayép.

1 Ane tesaronika, echî 2:12

E kâk ên ḿbə́ŋé, e kâk ên ikom, e tʉ́ŋá ên fə́ne sê ó yîm ên ekpin nji é kí gyebhé Obhasi ka ḿbə́ŋé, Obhasi nnyo a bhiŋî ên se ó fôn ên eji ka otúi obhê na ejík ejê.

1 Ane tesaronika, echî 5:23

Deê Obhasi, nnyo á kará enare, a su ên ó gyímí ên kpe akôp cháŋ ka achot chénchén. Deê yê a yim ên kpe akôp nne owəné a kâ fôn ka ńtʉgântʉ, ka ḿbə́ŋé na ka ekpin fép tata ebhú áji é sî nji Ńtâ Jisos Krayis a kə́ bha.

2 Timoti, echî 1:9

Yê nâ a yimî êt e sêm, a sáŋe êt se é jóe ane abhê. É ká joé sê e yimî ejûm eno, kən é dʉ̂ ka ekpak yê a kére. É dʉ̂ fə́ne ka onobhá-eji obhê. Ta a tóŋe êt onobhá-eji mbí ka ekpin í Jisos Krayis kən kpe ngun a róghé.

2 Timoti, echî 4:18

Tîk a yíghi ə̂m fə́ne ka chénchén obhí mbi ane á kéra á kpek na mme. Tîk a kô ə̂m tebhee a jak ka eji ekumi otúi ejê. Deê ejík é jóe é káre yê ka ótúm-ótúm. Áno.

Ane ibru, echî 3:1

Atem-abhon-í-nnyen, ó fon ên nkiri ka ebhiŋím nji Obhasi a bhiŋî êt ka ósô. Kô ên mân Jisos Krayis noŋ ḿgbán nnyo Obhasi a túmi se a bhá joé ntûfâm akará-agore ka ḿbə́ŋé nnyi e kíi na Obhasi.

Jems, echî 1:1

Mme Jems, ka nne-etûm Obhasi na Ńtâ Jisos Krayis, n kí kup ane Obhasi chénchén mba á rî ka ngûm ka ngûm, ngun ndə́m.

1 Pita, echî 1:2

Obhasi Ńsé nâ a sáŋe ên ka ejûm nji yê a wóme kən a yîm ên. A sáŋe ên se ka ikom Ebhare Ntʉgantʉ owe, ó ka kpó fon ekpin akôp. A sáŋe ên fə́ne se ó yúk ên Jisos Krayis, a su ên na agyʉ́ŋ amê. Deê Obhasi a tóŋé ên chénchén onobhá-eji obhê, a karé fə́ne chénchén enare.

1 Pita, echî 1:5

Ka ḿbə́ŋé nnyi o kíi ên na Jisos Krayis, Obhasi na ikom ifê a kí bhabhe ên, ejûm é bhó yim ên ta ebhú é sî nji a kí yim ên ó sém. Esémém njí é kí joé ebhú ngun a mân.

1 Pita, echî 2:9

Kən ên a ri ane mba Obhasi a sáŋe. Ên nâ akará-agore mba ó tʉgha ên Obhasi nnyo a ri Ntûfâm owəné. Ekpin ejə́né é ká fon akôp ka ochî obhê. A sáŋe ên noŋ abhê ane a yíghi ka ejírim se ó sə́ré ên ane ekpatə́m í ntûm i nno nnyi yê a yimî. A sáŋe ên se ó jên ên ka ebhát ejê nji é rî ane a ri ókerê.

1 Pita, echî 5:10

Ó yen ên mân oseŋe ka mkpât ebhú, Obhasi tîk a káre ikom, a yîm ên o sôn, o fôn ên arʉk ka nsi. Yê nnyo a fonê onobhá-eji chénchén, nâ a bhiŋî ên se ó chə̂m ên na Krayis ka ekpin ótúm-ótúm.

2 Pita, echî 1:1

Nwet nnyí a dʉ mbâ amé, Simun Pita, ka ḿgbán i Jisos Krayis nnyo ń tʉgha. Ń tuma ńnyə́ne mbâ ên mba ó ki ên ḿbə́ŋé na Jisos noŋ êt eróŋ. Ḿbə́ŋé ekíím nnyí a ri ekpatə́m ejûm mbâ eyəré chénchén. E kíi ḿbə́ŋé nnyí ka obhô Jisos nnyo á yimá iyîm ka nnyen-i-mbá. Yê a ri Obhasi nnyo á yimá êt e sémá.

Jʉt, echî 1:21

Kî ên biji nyamḿ ka okot Obhasi nji ó chighá ên áno sê ntûfâm í Jisos Krayis, ka nsôn eye, a karé ên ekpin ótúm-ótúm.

Jʉt, echî 1:3

Atem í ḿbə́ŋé, n sîk oto bəre kə́n ń séŋ nwet mbâ eyəné ka nchot nnyi esémém nji e séme. Kən ḿbə́ŋé a kpíghi ə̂m bəre ń séŋ ń góre ên bəre deê ó nôk ên obhô ó sôn ka nchot Obhasi nnyi a nyaŋê obhô a káre ane abhê se a ri ison ábho.