Jon, echî 8:12 - Ejagham New Testament

¹² Jisos a kpô sə́ré ane se, “Mme nâ n di ebhát ngun. Kpe énê nnyo á top ə̂m a kí fon ebhát nji é kí karé yê ekpin. Ntʉ́ghi nne ányo a rô kpo yim ekpin noŋ nne nnyo a ri ka ejírim.”

Jon, echî 8:12 ပူးပေါင်းရင်းမြစ်များ

Jon, echî 12:46

M báe ka ngun nnyí noŋ ebhát bəre kpe énê nnyo a yuŋî ḿbə́ŋé a kî na mme a kâ kə̂t ka ejírim.

Jon, echî 9:5

Nji n di mfá ka ngun, mme nâ n di áno ebhát í ngun.”

Jon, echî 12:35

Jisos se, “Yê nnyo a ri ebhát, á bhó joé na ên ebhú é râp. Nne a jen mfá-mfá nji ebhát é nyə́ne na ên, o kâ kúmi ên ejírim é gbô. Nne nnyo á jená ka ejírim á bhó məŋé mbá á jak.

Matiyu, echî 5:14

“O ri ên noŋ ebhát í ngun. Eték nji á gbée ka ńchí egúí, é ká joé ka ebhə̂t.

Jon, echî 3:19

Ńgyê noŋ á kí bhibhi nne nchot. Ebhát é bha ka ngun, kən ane á kóra ekpin ejírim, á ka kot ebhát, ka á yíma iyîm ibhí.

2 Pita, echî 2:4

Baénjel mba á yími obhí, Obhasi á ka maghé ábho, a tûp ábho ka ngun ekpatə́m oseŋe. Á fîn ábho ágo na ejírim á chígha ofú Obhasi a kí taŋ ngun.

Etûm ágbán~í jisos, echî 13:47

Ńgyê ebhín nji Ńtâ Obhasi a karê se, ‘Ń ki wâ bəre ó jóe noŋ ebhát mbâ ajéné, ó tóŋe mbá ngun ndə́m á sém.’ ”

Etûm ágbán~í jisos, echî 26:23

Á sə́re sê Krayis, nne nnyo Obhasi a túmi a bhá yim ngun á sém, a ri a yén oseŋe. Sê yê nâ a kí joé ndaŋa-mbá ka enyəmə́m ka ekʉ̂. Sê á nyəmé ka ekʉ̂, a kí karé mân ebhát mbâ ane Jus, é kpê na ajéné.”

Jon, echî 14:6

Jisos se, “Mme nâ n di mbá. Mme a ri mfoné nchot Obhasi. Mme a ri ekpin. Nne kpe yót nnyo a kí si mbâ Ńsé nji á ka chíŋ mbâ amé cháŋ.

Jon, echî 7:17

Kpe énê nnyo á kam se yê tîk a yîm ka ekpak nji Obhasi a wóme, tîk a mə́ŋe ájoé achot mmá ḿ kpik ane á dʉ̂ mbâ amé, na kpe ebhú tat mbâ Obhasi.

Ndem~i jon, echî 21:24

Ane ngun á kí yen mbá á jên ka ebhát eték njí. Atúi-ofâm í ngun á kí ko ejík ábho á bhak ka ńjə́ne.

Luk, echî 2:32

Nne nnyó nâ ebhát nji é kí toŋe ajéné mbá eya, é bhak na ekpatə́m ejík mbâ ane abhâ, Isrel.”

Jʉt, echî 1:13

Á rî noŋ ébhúghí-aya, ka á kí juŋi biji á rə́bhe ndə́p ábho á mághe fóŋ na ísonê noŋ mfî nnyi aya á mághe ka akpe ebhú ébhúghí-aya é juŋí. Á rî noŋ ńdʉnândʉ-ósô mmi ń kət ń jobha ojóp ta fə́ne Obhasi a kâk ábho ka ekpatə́m ejírim ta ka ótúm-ótúm.

2 Pita, echî 2:17

Ane mbá á rî noŋ abhon ayép mba á kut. Á rî noŋ átʉ́k í ngurobhú mma ekpatə́m í mfêp a sûm. Obhasi a kî ábho eji ka ejírim nji é chíŋi obhô.

Jʉt, echî 1:6

Yê nâ a karê baénjel abhê ekpatə́m eji ekumi, kən baénjel mba tat á ká jighi eji ekumi ábho. Á kpíghi njəm á káre ngûm ekumi ábho. Ka obhô mbí, a bháŋe ábho ka ótúm-ótúm a fîn ka ejírim, á chîk esup ábho ka ntə́ma-njəm ofú. Esup njí tîk é bhîp ábho.

Jon, echî 12:36

Kî ên ḿbə́ŋé na ebhát njí, nji é nyə́ne nná na ên, ó chə́bhe ên abhon ebhát.” Nji Jisos a kpô sə́ré ábho nchot nnyí, a mághe a jî wôm eji a bhə̂t.

1 Jon, echî 1:6

Ájoé é to sê êt é chəm biji na Obhasi, kən e nyə́ne e yimá achot abhí noŋ ane á rî ka ejírim, áfo nâ é səre áfúbhí ka nchot i nnyo eyəré na ka oyima-ejûm obhə́ré.