Jon, echî 7:32 - Ejagham New Testament

³² Ane Jus mba echəme Farasi á yûk ogəm mbi ane á gə́ma Jisos. Á jak mân á jî chə̂m ndə́p na ane-echî akará-agore Obhasi, á tûm abhábhá-ókʉ́rí achot Obhasi á jí fî yê.

Jon, echî 7:32 ပူးပေါင်းရင်းမြစ်များ

Matiyu, echî 12:14

Ebhú a yimî nne nnyó a sôn, ane echəme Farasi mbá á mághe á jî ekubhi ekpak nji á kí yui Jisos.

Matiyu, echî 23:13

“Tîk é bhîp é chîŋ na ên, ane áfúbhí, atóŋá-ebhín na ane echəme Farasi! Ó gbʉa ên ane mbá á kâ gyê otúi Obhasi, ên áfoné egyéém ó bhó gye na kpe ó kâm ên ane etat mba á nógha egyéém, á gyé.

Matiyu, echî 26:58

Pita a tóbhá ábho nyáŋé-nyáŋé ta a gyê ka ókʉ́rí ntûfâm nnyó. A gyê éré njí a jî kúmi na abhábhá-ókʉ́rí a yén nji-nji á kí yim na Jisos.

Jon, echî 11:46

Kən etʉ̂ ábho á jak mbâ ane echəme Farasi á jî sə́re ejûm nji Jisos a yimî.

Jon, echî 12:19

Kən ane echəme Farasi á kpó yen áno, á kə̂t á chorá ábho-ábhô sê, “To ó yen ên sê enoghóm ejə́ré é kí tan otán. Yên noŋ ngun ndə́m á tóbha nne nnyó.”

Jon, echî 18:3

Juda a kô mân ane mba ane-echî akará-agore Obhasi na echəme ane Farasi á túmi, a bhák ka eji njí. Ane mbá á rî ane-enok na abhábhá-ókʉ́rí Obhasi. Á bháe na iyîm enok, á fî átʉ́ríkáŋ, á nyóe ńsáé.

Jon, echî 7:30

A kpo to a chot áno, ane á nôk yê efiím kən kpe nne nnyo a kí raŋ yê obhô cháŋ, ka ebhú ejê é nyə́ne é ká si.

Etûm ágbán~í jisos, echî 5:26

Ntûfâm abhábhá-ókʉ́rí achot Obhasi á yə̂p mân na ane abhê á jî kô ágbán í Jisos mbá á bhak. Á ka yim ka ikom, ka á kí be sê ane á kâ tûp ábho na atáé ka obhô ágbán mbá.