Jon, echî 7:14 - Ejagham New Testament

¹⁴ Nji ta erom é si étíŋanti, Jisos a jî gyê ókʉ́rí achot Obhasi, a róghe ane achot ekpíím.

Jon, echî 7:14 ပူးပေါင်းရင်းမြစ်များ

Matiyu, echî 21:12

Jisos a jî gyê ka ókʉ́rí achot Obhasi. A kpo to a gyé, a yên ane ogəm, mba gurúm á gurá, mba namám á namá. A gyê ábho ebhímím. A chóe iyîm mbi ane mba á jéna ogəm í ntí eyóŋóm, a tûp ka nsi, na ḿfə́m ane mba á gúra mbʉ́í.

Matiyu, echî 26:55

A bhə̂p mân ane mba á bháe yê owúbhí se, “O bháe ên áno mme ofi na ntəme na akpûn noŋ ó tobha ên nnyágha-ejʉ̂ a? Chénchén ofú, ń kumi ka ókʉ́rí achot Obhasi m kpík ên achot, kən ó ka fi ên ə̂m jen?

Luk, echî 19:47

Kpe bhaghé ofú Jisos a ri ka ókʉ́rí mbí a kpík achot Obhasi. Ane-echî akará-agore Obhasi na atóŋá-ebhín na ane-echî ane eték í Jerusarem á noghá mbá nnyi á kí yui yê,

Jon, echî 18:20

Jisos se, “Ń chorá jáé kpe bhaghé ebhú, ngun ndə́m á yugha. Ḿ kpik achot amámé chénchén ka óchâm Obhasi na ókʉ́rí achot Obhasi. Nâ ngûm nnyi ane Jus chénchén á chə́ma. Kpe nji n chorê ka ebhə̂t cháŋ.

Jon, echî 5:14

É kpó kət, Jisos a bhâ kpúghi nne nnyo yê a yimî nná a sôn ka ókʉ́rí achot Obhasi. A sə́re yê se, “Mfá-mfá ó son, maghê mân obhí obhâ. Áno asík, ebhú tat nji é kí kpo fap na we tîk é bhîp é chíŋi ochíŋ.”

Jon, echî 7:2

Kən erom ane Jus nji á kâk ka ntəm é kpíri.

Jon, echî 7:28

Jisos a nyə́ne a kpík áfo ka ókʉ́rí achot Obhasi, kən a kûk se, “Nâ ngá ó məŋe ên ə̂m ka etʉri a? Ó məŋe ên mbá n dʉ m bák a? Ń ka bhá ka ikom ifámé. Yê nnyo a túmi ə̂m nne áfúbhí asík. Ó ka məŋé ên yê.

Jon, echî 7:37

Ntə̂m ofú erom nâ a faŋê a chíŋi ochíŋ. Ka ofú mbí títí, Jisos a gyími a kí kuk se, “Kpe énê nnyo ayép á kí kot yê, deê a bhá mme ń káre yê a gwó.

Jon, echî 8:2

Na ofú-ofú ntem-ofú, a chə́bhe njəm a jak ka ókʉ́rí achot Obhasi. Ekpatə́m ekam ane é bhâ fáre yê é kâk. A kúmi fə́ne a róghe ekpíím achot Obhasi.

Jon, echî 8:20

A ri ka ebhú nji Jisos á kpik ane achot ka ókʉ́rí achot Obhasi nâ a chorê achot mmá chénchén. A gyím kpít na eji á kîk ntí a chorá, kən kpe nne nnyo a raŋê yê obhô cháŋ. Echî aŋ? Ebhú ejê é nyə́ne kpá é ká si.