Jon, echî 7:1 - Ejagham New Testament

¹ Ḿma á kpó to á chíŋ, Jisos a jená a fárá nték i Gariri. Kən á ka ji ebhat í Judiya, ka atúi-ofâm ane Jus á kí wom á yúí yê.

Jon, echî 7:1 ပူးပေါင်းရင်းမြစ်များ

Matiyu, echî 10:23

Ájoé á karé ên oseŋe ka eték jə́t, bê ên choŋ nji tat. Deê ń sə́ré ên bəre kən ó yîm ên etûm ejə́né ka nték i Isrel chénchén, Mmon-i-ntem-nne a bhâ.

Matiyu, echî 21:38

Kən á kpó yen mmon nnyó, á sə́re atem sê, ‘Ńgyê ndígha-ekʉ̂. Bhák é yúí yê, tîk e fôn iyîm í ńsé.’

Mak, echî 11:18

Ane-echî akará-agore Obhasi na atóŋá-ebhín á yûk nchot eye nnyí, kən á fôn efup kpe-eji. Echî aŋ? Okpígha-ejûm obhê ó yim ekam ane ndə́m nji á tóbha yê á fon okpógha-biji. Á róghe mân enóróm mbá nnyi á kí yui yê.

Jon, echî 1:19

Ńgyê nchot nnyi a fábhe Jon ka nnyo noŋ ntî-isê. Atúi-ofâm ane Jus ka eték í Jerusarem á tûm akará-agore Obhasi na ane ndə́p-i-njû Libhayi sê á jí bhə́p yê a sə́ré ábho ekpak í nne nnyo yê a ri.

Jon, echî 4:3

Nji Jisos a kpô yúk se ane echəme Farasi á məŋe nchot nnyí, a mághe kpá Judiya a chə́bhe njəm nnyi Gariri.

Jon, echî 4:54

Nâ osúí biriŋ íbháe mbi Jisos a tóŋe nji a maghê Judiya a jak nnyi Gariri.

Jon, echî 6:1

Ńji é kpó chiŋ, Jisos a yáŋe a jak njəm aya Gariri. Á bhíŋa ebhú etat sê aya Tiberiyas.

Jon, echî 7:11

Atúi-ofâm ane Jus á róghe yê ewómóm ka erom njí sê, “Nne nnyó a ri fan?”

Jon, echî 7:13

Kən kpe nne nnyo a kí chot jáé cháŋ, ka á kí fup atúi-ofâm ane Jus.

Jon, echî 7:19

To Mosis a karê ên ebhín, kən kpe nne owəné nnyo á kik ebhín cháŋ. Ó woma ên jen ó yúí ên ə̂m?”

Jon, echî 7:25

Etʉ̂ ane Jerusarem á róghe echoróm sê, “Nne nchane nná asík nnyo á wóma nná á yúí a?

Jon, echî 7:35

Atúi-ofâm ane Jus mân á róghe atem ebhə́bhə́m sê, “Nne nnyó á jak fan nji é bhó yen yê? A kí ji ka nték ajéné nnyi ane Jus á rî tîk? A kí ko achot amê a jí kpi ajéné tîk?

Jon, echî 8:37

Ḿ məŋe bəre ên a ri biyábhé-abhon Abraham, kən o kí wom ên ó yúí ə̂m, ka nchot amé kpe yə́t nnyi a gyée ên ka echî cháŋ.

Jon, echî 8:40

Kən ńgyê mme n gyím n sə́rá ên mfoné nchot nnyi a dʉ mbâ Obhasi, kən o kí wom ó yúí ên ə̂m. Abraham á bhó yim ntʉ́ghi ekpin njí.

Etûm ágbán~í jisos, echî 10:38

Kən Obhasi a karê Jisos nnyo nne Nasaret nnyó, Ebhare Ntʉgantʉ na ikom. Jisos nnyó á jená ka ngûm a yimá ono, a yimá ane chénchén mba Satan á seŋá á soná, ka Obhasi a ri na yê.