Jon, echî 6:57 - Ejagham New Testament

⁵⁷ Mfoné Obhasi Ńsé nnyo á kará ekpin nâ a túmi ə̂m. Yê nâ á kará ə̂m ekpin. Kpe énê fə́ne nnyo á di ə̂m, n kí karé yê ekpin njí.

Jon, echî 6:57 ပူးပေါင်းရင်းမြစ်များ

Matiyu, echî 16:16

Pita nnyo á kamá fə́ne se Simun a táme yê se, “We a ri Krayis, nne nnyo Obhasi a túmi se a bhá yim ngun á sém. We nâ o ri Mmon i mfoné-mfoné Obhasi.”

Jon, echî 14:19

É kət mkpât ebhú, ngun á ro kpó yen ə̂m. Kən ên tîk o yéná ên ə̂m. Ka eji n kí fon ekpin ka ótúm-ótúm, ên fə́ne tîk o fôn ên.

Jon, echî 14:6

Jisos se, “Mme nâ n di mbá. Mme a ri mfoné nchot Obhasi. Mme a ri ekpin. Nne kpe yót nnyo a kí si mbâ Ńsé nji á ka chíŋ mbâ amé cháŋ.

Jon, echî 17:21

N kí goré bəre deê ábho chénchén á jóe nne yót. Ńsé, ekpak nji mme n di na we, we fə́ne o rî na mme, deê ábho chénchén á chə̂m na êt é chə́bhe nne yót. Tîk ngun á kâm sê we nâ o túmi ə̂m.

Jon, echî 3:17

Á ka túm Mmon owe se a bhá bhibhi achot ka ngun. A túmi yê se a bhá joé nne nnyo a kí yim ngun á sém.

Jon, echî 5:26

Nan? Ńsé nnyo a ri nâ njû ekpin a yîm fə́ne se Mmon a jóe njû ekpin.

Jon, echî 6:29

A táme se, “Ńgyê etûm nji Obhasi a wóme ên se ó yîm. Yuŋ ên ḿbə́ŋé kî na nne nnyo yê a túmi.”

Jon, echî 6:38

Echî aŋ? N dʉ mbâ Obhasi Ósô, m bák. Ń ka bhá bəre ḿ bá yîm nji é kóre ə̂m ka ḿbə́ŋé, kən m báe bəre ḿ bá yîm nji é kóra nne nnyo a túmi ə̂m.

1 Ane korin, echî 15:22

Ka obhô ochəma-biji na Adam, ane chénchén á kí kpo, nâ noŋ fə́ne kpe nnyón nne a kí nyəmé ka ekʉ̂ ka obhô ochəma-biji na Jisos Krayis.

1 Ane korin, echî 15:45

Á séŋe sê, “Ndaŋa-mbá nne nnyo Obhasi a yimî ka nsi, Adam, a bhâ fôn ekpin.” Kən Adam nnyo a kpô bhá ka nsígha-njəm a ri Jisos. Yê nâ a ri ńtʉgântʉ nnyo á kará ekpin.

2 Ane korin, echî 13:4

Echî aŋ? Noŋ nne á kûm yê ka ego, kən ka ikom Obhasi yê a ri mbít égyé. Noŋ ane fə́ne é chəm na Jisos Krayis, kən a ri ka ikom Obhasi mfi e fonê ka ekpin ejê nâ e kí joé na ên.

Ane garasiya, echî 2:20

A ri noŋ m kpóe na Jisos Krayis ka ego. Nâ mfá-mfá, ekpin nji m fonê, ejámé asík, kən a ri nji Krayis nnyo a ri ə̂m ka biji. Ḿ foná ekpin njí mfá-mfá ka ń ki ḿbə́ŋé na Mmon Obhasi nnyo a korê ə̂m, a káre ekpin ejê se ń sém.

1 Ane tesaronika, echî 1:9

Kpe bhaghé énê a kí səre ekpak o fiî ên êt ebhú e bháe ejen ágo. Á kí səre ekpak nji o maghê ên ajom amə́né ó tóp ên Obhasi, sê o kí tʉk ên yê nnyo a ri mfoné-mfoné Obhasi nnyo á kará ekpin.

Ane ibru, echî 9:14

Ájoé nâ noŋ é rî, kən mân agyʉ́ŋ í Jisos Krayis! Kpe akôp á ka fon ka ochî Obhasi, a kpô ekʉ̂ ka echî ejə́ré ka ikom Obhasi Ebhare Ntʉgantʉ nnyo á bhó kpo bhúghí-bhúghí. A sû êt a yíghi ka obhí mbi ó kə́ bha êt na ekʉ̂, se é yîm etûm é káre mfoné-mfoné Obhasi.

1 Jon, echî 4:9

Obhasi a tóŋe okot obhê mbâ eyəré nji a túmi Mmon owe yót-ayorâ nnyo a fonê se a bhá ka ngun a bhá karé êt ekpin.