Jon, echî 5:3 - Ejagham New Testament

³ Njok ane bimaŋé ka mkpak ka mkpak á chə́me á nûŋ ka ánarâna mmá. Atáná-amə̂t, abhə́né, ane mba abhô na akát á kpo, á rî áfo. [Á chighá sê ayép á jʉ́ŋ.

Jon, echî 5:3 ပူးပေါင်းရင်းမြစ်များ

Matiyu, echî 15:30

Nji a kumî, ane etî-etî á bhak mbâ eye na ane emaŋé. Mba abhə́né oo, atáná-amə̂t oo, akpóá-akát na kpe akpóá-abhô, achí na mkpak emaŋé etî-etî. Nji á kóe ane mbá á bhak áfo ka ochî Jisos, a yîm ábho chénchén, á sôn.

Matiyu, echî 4:24

Esə́re ejê é jábhe ebhát í Siriya ndə́m. Ka obhô mbí, ane á kəna ane-emaŋé ábho á bhak se a yim ábho á sôn. Ane mba ojê ó kára oseŋe, mba á gbôk ichʉk, abhə́né, mba á fóne bimaŋé ka mkpak ka mkpak, Jisos a yîm ábho á sôn.

Luk, echî 7:22

A táme mân atóbhá Jon se, “Choŋ osə́ré ên Jon achot mma ó yen ên na mma ó yuk ên. Ó yen ên atáná-amə̂t, á yen mbá. Abhə́né, á rui ngyím. Amaŋá-ofunum, á son. Ayághá-atûŋ, á kí yuk mbá. Ane mba á kpóe, á chəbhe njəm ka ekpin. Akpák ane, á yuk otîp ogyebhá-ḿbə́ŋé Obhasi.

Jon, echî 5:2

Nnyo-mbá etat ń dî kən ó gyé eték, á bhiŋá sê Nnyo-mbá Obhúi. Eji ayép eyumúm é rî ka nnyo-mbá mmí á bhiŋá ka eyum ane Ibru sê Besayida. É fóne ngûm énarâna érôn nnyi ane á yoá biji.

Jon, echî 5:4

Echî aŋ? Ka ebhú ka ebhú, énjel Obhasi a kə́ bha a bhâ nyíŋi ayép. Ndaŋa-mbá nne emaŋé nnyo a kí gye ayép mmá nji á nyiŋí, kpe bhaghé emaŋé nâ é nógha yê a kí son.]

Ane rom, echî 8:25

Kən sê é chîk ejûm é fôn, kpe jen kpe jen, é chighá áno na ḿbə́ŋé eyəré nyamḿ kən e fôn ńjə́ne.

Jems, echî 5:7

Atem-abhon-í-nnyen, kə̂p ên mân ḿbə́ŋé, chik ên Ńtâ Jisos Krayis a bhá. Kére ên noŋ nyima-ebhin a kí kəp ḿbə́ŋé a chighá se ebhin ejê é kúí, iyîm í nôp. A kí kəp ḿbə́ŋé a chighá se mfín i mbúta a sí, édî é kúí.