Jon, echî 4:34 - Ejagham New Testament

³⁴ Kən Jisos a sə́re ábho se, “Édî ejámé a ri eyúghúm nne nnyo a túmi ə̂m na ejeghém etûm nji a túmi ə̂m se ḿ bá yîm.

Jon, echî 4:34 ပူးပေါင်းရင်းမြစ်များ

Matiyu, echî 26:39

A mághe mân ábho áfo, a tə̂n ochî. A gbô a bhúi ochî ka nsi a kí goré Obhasi se, “Ńsé, ájoé kə́n é jên, yim oseŋe mbí ó fúní ə̂m. Kən deê é dʉ̂ ka okorá-ḿbə́ŋé obhâ, ekpak nji mme n wóme asík.”

Matiyu, echî 3:15

Kən Jisos a táme se, “Deê é jóe ekpak njí, ka mfá-mfá deê é yîm chénchén nji Obhasi a wóme.” Jon a kâm mân.

Matiyu, echî 9:19

Jisos a tə̂m fə́ne a rúi ngyím a jak na nne-ndûm nnyó. Atóbhá abhê á tôp yê á jak.

Luk, echî 15:10

N kí səre ên bəre ka ekpak njí eróŋ, baénjel ka ósô á kí fon ogyebhá-ḿbə́ŋé ekpatə́m nji nyima-obhí yót á fon nsôn a yóŋe ḿbə́ŋé a mághe obhí obhê.”

Luk, echî 19:10

Echî é rî sê Mmon-i-ntem-nne a bháe owóm ane mba á táne otán, a yim ábho á sém.”

Luk, echî 2:49

Kən Jisos a táme se, “Ó nora ên kpá ə̂m jen? Ó ka riŋí ên sê m fonê ka eyimím etûm í Ńsé omé a?”

Jon, echî 17:4

Ń yim mbiŋ eya a fôn ejík ka nsi nnyí, ka ejeghém etûm nji o túmi ə̂m ḿ bá yîm.

Jon, echî 19:28

Ḿma á kpó chiŋ, Jisos a mə́ŋe se nchot a mân. Ka ejeghém achot mma á séŋe ka nwet Obhasi a chôt se, “Ayép á kí kot ə̂m.”

Jon, echî 19:30

Nji a gwóe aməm mmá a chôt se, “A mân.” A bhî echî ka nsi, a sére.

Jon, echî 4:32

Kən Jisos a táme ábho se, “Ḿ fon édî nji kpe nne owəné nnyo a məŋê cháŋ.”

Jon, echî 5:30

Jisos se, “Kpe ejûm jə́t nji n kí yim ka ikom ifámé cháŋ. Ekpak nji n kí taŋ ngun nâ ekpak nji Ńsé omé Obhasi a sə́re ə̂m se ń táŋ. Nâ otáŋá-nchot obhámé ó rî ka mbá. Ḿ bó yim nji é bhíghi ə̂m ka ḿbə́ŋé, kən ń yimá nji yê nnyo a túmi ə̂m a wóme.

Jon, echî 5:36

Kən ḿ fon ntî-isê ka biji ibhámé nnyo a sonê a chíŋi kpe otî-isê mbi Jon a gyími ə̂m. Otî-isê mbí a ri ntûm nnyi ń yimá. Ntûm nnyí Ńsé omé a karê ə̂m se ń yîm. Ntûm nnyí nâ a gyím ə̂m ntî-isê se Obhasi Ńsé nâ a túmi ə̂m.

Jon, echî 6:33

Ka nan? Édî nji Obhasi á kará a ri nne nnyo á dʉk ka ósô se a bhá karé ekpin ka ngun nnyí.”

Jon, echî 6:38

Echî aŋ? N dʉ mbâ Obhasi Ósô, m bák. Ń ka bhá bəre ḿ bá yîm nji é kóre ə̂m ka ḿbə́ŋé, kən m báe bəre ḿ bá yîm nji é kóra nne nnyo a túmi ə̂m.

Jon, echî 8:29

Yê fə́ne nnyo a túmi ə̂m a ri na mme, á ka maghé ə̂m átíŋ, ka ń yimá kpe jen nji é gyébha yê ka ḿbə́ŋé.”

Etûm ágbán~í jisos, echî 20:35

Ka chénchén iyîm, ń toŋe ên bəre eyimím etûm áno, e fonê enyáŋám ane mba á ká fon ikom. Nne a tirá a ri se Ńtâ Jisos a chôt se, ‘O kí fon ogyebhá-ḿbə́ŋé nji ó kará ane ekəp ó chíŋi nji ane á kí karé wâ.’ ”

Ane ibru, echî 12:2

Nji e kí bhenâ ên, deê e kébhá ên Jisos nnyo a ri ndaŋa-mbá, nnyo fə́ne a kí yim êt é tʉ́ri obhik ka ḿbə́ŋé nnyi e kíi na Obhasi. Ka obhô ogyebhá-ḿbə́ŋé mbi Obhasi a kíi yê, a kâm ekʉ̂ ka ego na ekpatə́m ísonê. Mfá-mfá a kun ágo ka ekumi ejík mkpe obhô-orûm Obhasi ka ekumi otúi Obhasi.