Jon, echî 4:10 - Ejagham New Testament

¹⁰ Jisos se, “Ebhú sê ó məŋé ekəp nji Obhasi á kará, o mə́ŋe fə́ne nne nnyo á bhəbha wâ áno ayép, kə́n we nâ o kí bhəp ə̂m ń káre wâ ayép mma á kára ekpin.”

Jon, echî 4:10 ပူးပေါင်းရင်းမြစ်များ

Luk, echî 11:13

Ájoé ên, ka ane abhí, ó riŋi ên ekpak o kí karé ên iyîm ino mbâ abhon abhə́né, ó kere ên mân sê Ńsé owəné nnyo a ri ka ósô á bhó karé Ebhare Ntʉgantʉ owe mbâ ane mba á bhə́bhe yê a?”

Jon, echî 16:3

Á kí yim ên achot mmá, ka kpe Ńsé omé, kpe mme ḿfoné, á ká məŋé.

Jon, echî 17:3

Ekpin ótúm-ótúm nji é rî sê ngun á mə́ŋe wâ noŋ mfoné-mfoné Obhasi, á mə́ŋe ə̂m fə́ne, Jisos Krayis, nnyo we o túmi.

Jon, echî 3:16

“Obhasi a fôn okot na ane kpe-eji nji ta a tûm Mmon owe yót-ayorâ ka ngun se kpe énê nnyo á yuŋ ḿbə́ŋé a kî na yê a kâ kpô a tán, kən a fon ekpin ótúm-ótúm.

Jon, echî 4:14

Kən nne nnyo á gwo ayép mma ń kará yê, a rô kpo joé ka ekot ayép. Ayép mma n kí karé yê á kí joé noŋ njû-ayép nnyi ayép á fə́ma á kará ekpin ótúm-ótúm.”

Jon, echî 6:35

Kən Jisos a sə́re ábho se, “Mme nâ n di édî ekpin. Nne nnyo á bha mbâ amé, njaé a rô kpó yam yê bhúghí-bhúghí. Nne nnyo á yuŋ ḿbə́ŋé a kî na mme, a rô fon ekot kpe ka ejûm jə́t.

Jon, echî 6:51

Mme nâ n di édî nji é kára ekpin. N dʉ mbâ Obhasi m bák ka nsi. Kpe énê mân nnyo á di édî njí, a kí fon ekpin ótúm-ótúm. Édî njí a ri biji ibhámé mbi n kí karé bəre ane ngun á fôn ekpin.”

Etûm ágbán~í jisos, echî 9:11

Ntûfâm a sə́re yê se, “Duî ngyím choŋ ka mbá nnyi á bhíŋa áno sê Mbá Tə́níní. Choŋ ka njû Juda, bhə̂p nne Tasus etat nnyo á kamá se Sol. A ri ágo a gorá Obhasi.

Ane rom, echî 8:32

Ka eji Obhasi á ka ri Mmon owe nsôn, a kô yê a káre se a kpó ekʉ̂, êt chénchén é fôn ekəp, deê é kâm mân sê ka eji a karê êt ntʉ́ghi ekəp njí, tîk á bhó taŋé êt ekarám kpe jen nji yê a kíi êt.

1 Ane korin, echî 1:30

A ri ka obhô Obhasi nâ é chəm áno biji na Jisos Krayis. Yê nâ a yimî se Jisos Krayis a yim êt é mə́ŋe mfoné-mfoné oməŋá-ejûm. A ri ka obhô Jisos nâ Obhasi a kô êt fə́ne se ekpin ejə́ré é rî ka nnyen-i-mbá. A yîm êt é chəbhe ane abhê, a yîm êt é sem.

1 Ane korin, echî 10:4

Á gwô ayép Obhasi mma á fábha ka eránám Obhasi nji é jak na ábho. Eránám áji a ri Jisos Krayis yê ḿfoné.

2 Ane korin, echî 9:15

Deê ekûp é jóe é káre Obhasi ka ekəp ejê nji é ka məŋé kpe esə́rə́m!

Ane efesus, echî 2:8

É dʉ̂ áno ka obhô onobhá-eji obhê nâ a yîm ên o sêm nji o kíi ên ḿbə́ŋé na Jisos Krayis. Ên áfoné asík o yimî ên sê ó sém, a ri ekəp Obhasi.

Ane ibru, echî 6:4

Ane á rî mba ta á məŋe obhí na ono, á fon ekəp Obhasi á chəm biji na Obhasi Ebhare Ntʉgantʉ, kən á bhâ táŋe Obhasi. A ri ejûm eyúŋi ka esə́rə́m ntʉ́ghi ane mbá á yóŋé ḿbə́ŋé á mághe obhí ábho.

1 Jon, echî 5:20

É məŋe fə́ne eróŋ sê Mmon Obhasi a bhâ. Nji a bháe, a káre êt aron se é mə́ŋe mfoné-mfoné Obhasi. Mfoné Obhasi nchane, nâ ekpin ejə́ré é rî na yê. É rî eróŋ na Mmon owe Jisos Krayis. Ńgyê mfoné Obhasi nchane, yê nâ á kará êt ekpin ótúm-ótúm.

Ndem~i jon, echî 21:6

A chôt se, “Á yim á jeghe. Mme nâ n di Ndaŋa-mbá, mme nâ n di Ntə́ma-njəm. Mme nâ n di Eróghá-ndə́p, mme nâ n di Ejeghé. Ane mba á rî ka ekot-ayép, n kí karé ábho á gwó noŋ ayép mma á kóe ka ńchí, eji ayép á fə́ma. Ḿ bó bhəp kpe ejûm.

Ndem~i jon, echî 22:17

Obhasi Ebhare Ntʉgantʉ na Nkáé mfê Mmon-i-njo-mbúi Obhasi, á kí bhiŋ sê, “Bhák.” Kpe énê nnyo á yuk, a ri a chot se, “Bhák.” Kpe énê nnyo a ri ka ekot-ayép, deê yê a bhá. Ka okot obhê, deê a kô ayép ekpin, kpe ejûm á bhó karé.

Ndem~i jon, echî 7:17

Echî aŋ? Mmon-i-njo-mbúi ányo nnyo a ri áno ka eji ekumi otúi njí nâ a kí bhabhe ábho. A kí ko ábho a jak ka ńchí ayép, eji ayép mma á kára ekpin á fə́ma. Obhasi tîk a fôn mân chénchén obhə́bhe ka amə̂t ábho, kpe ékáré jə́t á bhó maghé.”