Jon, echî 3:5 - Ejagham New Testament

⁵ Jisos se, “Deê ń sə́ré wâ ka etʉri bəre nne kpe yót cháŋ nnyo a kí gye otúi Obhasi nji á ká ji yê ka ayép na Ntʉgantʉ Obhasi.

Jon, echî 3:5 ပူးပေါင်းရင်းမြစ်များ

Matiyu, echî 18:3

A sə́re mân ábho se, “Deê ń sə́ré ên bəre nne nnyo á ka yóŋé ḿbə́ŋé eye, a joé jáé noŋ nnyi mmonche, á bhó yen otúi Obhasi bhúghí-bhúghí.

Matiyu, echî 19:24

N kí kpo səre ên bəre é ká yuŋi mfoŋ echóé a chíŋ ka mfúk ḿbíabə́n, noŋ é kí yuŋi nne-ntí a gyé otúi Obhasi.”

Matiyu, echî 21:31

“Ka ifə́né íkíkéré, nnyón ka abhon mbá ábháe nnyo a yimî ejûm nji ńsé a wóme?” Chénchén ane á táme sê, “Nnyo nne-nkúí.” Á kpó to á táme, Jisos a sə́re ábho se, “Deê ń sə́ré ên bəre ane-akáé-ejen na abhə́bhá-ntí-echî mba ó kera ên sê ane chichi, tîk á gyê otúi Obhasi kən ên ó sí ên ágo.

Matiyu, echî 28:19

Choŋ ên mân ka nték i ngun chénchén, yim ên ane á tóp ə̂m. Fûk ên ábho ayép ka mbiŋ i Ńsé na Mmon na nnyi Obhasi Ebhare Ntʉgantʉ.

Matiyu, echî 3:11

“Mme n kí fuk ên a ri ayép ka etóŋóm sê ó yóŋe ên ḿbə́ŋé ó maghe ên obhí obhə́né. Kən nne nnyo a kə́ bha ə̂m mbá-njəm a fâŋ a chíŋi ə̂m. Nne nnyó a kí su ên ḿbə́ŋé na Obhasi Ebhare Ntʉgantʉ na erəmta-ngûn. Ń ka bhik nnyo n kí kən kpe iyîm-akát ibhê.

Matiyu, echî 5:20

N kí səre ên mân bəre kən nne a yén otúi Obhasi, ekpin ejê é rî é jóe ka nnyen-i-mbá é chíŋí ekpak nji atóŋá-ebhín na ane echəme Farasi á yíma.”

Mak, echî 10:14

Nji Jisos a yéne ábho á yimá erû njí, é yâm yê kpe-eji. A bhîŋ ábho a sə́re se, “Deê abhonche á bhá mbâ amé, ka kpó taŋé ên ábho. Echî aŋ? A ri ane mba á fóne ḿbə́ŋé jáé noŋ abhon ntʉ́ghi mbá, nâ á gyêk ka otúi Obhasi.

Mak, echî 16:16

Nne nnyo á ki ḿbə́ŋé na Obhasi, a fûk ayép, tîk a sêm. Nnyo á ka kí, tîk á kími ngom á káre yê.

Mak, echî 9:47

Ájoé eyə̂t ejâ é kí kak wâ ka obhí, kpaghê ńjə́ne yighî. É nop é chiŋ sê ó yén otúi Obhasi na eyə̂t jə́t na nji ó fôn amə̂t ábháe á kâk wâ ka erəmta-ngûn.

Luk, echî 13:24

“Kpe énê, deê a nok ka nnyen onogha-ejûm a chíŋ ka mbá nnyi a chébhe ochép, ka n kí səre ên bəre ane etî-etî tîk á nôk sê á chíŋ á gyé, kən á bhó gye.

Luk, echî 13:3

Áno asík! Kən deê ń sə́ré ên bəre ó ka maghé ên obhí obhə́né, o kí kpo ên fə́ne chénchén noŋ ábho.

Luk, echî 13:5

Áno asík! Kən deê ń sə́ré ên bəre ó ro maghé ên obhí obhə́né, o kí kpo ên fə́ne noŋ ábho.”

Jon, echî 1:13

Á ká chəbhé abhon Obhasi sê á dʉ̂ agyʉ́ŋ mát. Á ká chəbhé sê á ji nne ojí, na sê á dʉ̂ ndə́p-i-njû.

Jon, echî 3:3

Kən Jisos a táme yê se, “Deê ń sə́ré wâ ka etʉri bəre nne kpe yót cháŋ nnyo a kí gye otúi Obhasi nji á nyə́ne á ká kpo ji yê.”

Jon, echî 3:4

Nikodemus a táme se, “Á kí kpo yim nan á jí ékúí nne? Tîk a kpô gye oya nnyen á jí yê ka osúí ntə̂m ébháe a?”

Etûm ágbán~í jisos, echî 2:38

Pita a sə́re ábho se, “Deê nne owəné kpe nnyón a yóŋé ḿbə́ŋé a maghé obhí obhê, a fúk ayép ka mbiŋ i Jisos Krayis. Tîk Obhasi a rî nsôn a sû obhí obhê. Tîk a káre ntʉ́ghi nne ányo Obhasi Ebhare Ntʉgantʉ noŋ ekəp.

Etûm ágbán~í jisos, echî 3:19

Taŋê ên mân obhí obhə́né, tôp ên Obhasi a su ḿbə́ne a yighí, ó fôn ên onará-ḿbə́ŋé ka ochî obhê.

Ane rom, echî 14:17

Echî aŋ? Otúi Obhasi, édî áji ńjə́ne-njənê na aməm egwóóm asík, kən a ri otúi ekpin eyimím ka nnyen-i-mbá. A ri otúi ekone na ogyebhá-ḿbə́ŋé nâ Obhasi Ebhare Ntʉgantʉ á kará.

Ane rom, echî 8:2

Echî aŋ? Ebhín nji Ntʉgantʉ Obhasi a kaghê êt ka ḿbə́ŋé é kare êt ekpin ka obhô Jisos Krayis. É kpat êt é yighi ka ebhín obhí eyimím na nji ekʉ̂.

1 Ane korin, echî 15:50

Atem-abhon-í-nnyen, deê ń sə́ré ên bəre ngu-biji na agyʉ́ŋ í bhó joé ka otúi Obhasi. Ejûm nji é kí cha fə́ne é bhó joé na nji é bhó cha.

1 Ane korin, echî 2:12

Ntʉgantʉ nnyo e fonê mfá-mfá, nnyo ngun asík, a ri nnyo Obhasi a túmi se é mə́ŋe chénchén ekəp í ḿbə́ŋé nji yê a karê êt.

1 Ane korin, echî 6:11

Nâ noŋ etʉ̂ ên o ri ebhú áji. Kən ka mbiŋ i Ńtâ Jisos Krayis na ka obhô Obhasi Ebhare Ntʉgantʉ, á sû ên á yighi ka obhí mbí. Á sâŋ ên sê o kâ fôn ên akôp, Obhasi a kô ekpin ejə́né se é rî ka nnyen-i-mbá.

Ane garasiya, echî 6:15

Na ó kím nkîm, na o kâ kîm, áji ejûm asík. Nji é rî ejûm a ri sê Obhasi a yîm êt é chəbhe ane afê.

Ane efesus, echî 5:26

Se yê a yim atóbhá echəme ejê, á kâ fôn ekpin akôp ka ochî Obhasi nji a kóe eyum í nnyo ejê a sû ábho á bhât na ayép.

1 Pita, echî 1:2

Obhasi Ńsé nâ a sáŋe ên ka ejûm nji yê a wóme kən a yîm ên. A sáŋe ên se ka ikom Ebhare Ntʉgantʉ owe, ó ka kpó fon ekpin akôp. A sáŋe ên fə́ne se ó yúk ên Jisos Krayis, a su ên na agyʉ́ŋ amê. Deê Obhasi a tóŋé ên chénchén onobhá-eji obhê, a karé fə́ne chénchén enare.

1 Pita, echî 3:21

Enyáŋám njí ka ayép, á kí ko égyé noŋ ayép efúghúm mma á kí yim ên ó sém. Ayép Obhasi á ká joé sê ó yighi akôp ka biji noŋ nne á yumí nná ayép. Á rî ejûm nji ó chimi ó kare Obhasi na ḿbə́ŋé eya jáé. Ayép efúghúm á kí yim wâ o sêm ka obhí obhâ ka obhô enyəmə́m nji Jisos Krayis a nyəmê ka ekʉ̂.

1 Jon, echî 2:29

Nji ó məŋe ên sê ekpin í Krayis é rî ka nnyen-i-mbá, nâ ó məŋe ên fə́ne sê nne kpe nnyón nnyo ekpin ejê é rî ka nnyen-i-mbá a chə́bhe mmon Obhasi.

1 Jon, echî 5:1

Kpe énê nnyo á kam se Jisos nâ a ri Krayis, nne nnyo Obhasi a túmi se a bhá yim êt é sém, a chə́bhe mmon Obhasi. Nne fə́ne kpe nnyón nnyo á kot ńsé nne, a kí kot mmon eróŋ.