Jon, echî 3:34 - Ejagham New Testament

³⁴ Yê nnyo Obhasi a túmi á chorá achot Obhasi, ka Obhasi a káre yê ńtʉgântʉ eye chénchén.

Jon, echî 3:34 ပူးပေါင်းရင်းမြစ်များ

Matiyu, echî 12:18

“Ḿfa nâ ḿgbán nnyo n sáŋe, ḿgbán nnyo n korê. Ka obhô obhê, n kí fon ekpatə́m ogyebhá-ḿbə́ŋé. Tîk n káre yê ńtʉgântʉ amé. Yê fə́ne nâ a kí yim ngun ndə́m á mə́ŋe ekpak nji n kí taŋ ábho.

Luk, echî 4:18

“Ntʉgantʉ Ńtâ Obhasi a ri ə̂m ka biji, ka a sáŋe ə̂m se ń jên ń sə́ré otîp ogyebhá-ḿbə́ŋé mbâ akpák ane. A tûm ə̂m se ḿ bá sə́ré ane mba á rî ka osʉ́ŋ kpe mbə́n se tîk á yíghi ábho, n sə́re fə́ne atáná-amə̂t se tîk á kpô yén mbá. A túmi ə̂m fə́ne se ḿ bá yíghi ane mba atem-ane á kára oseŋe, ka oseŋe mbí,

Jon, echî 1:16

Ka onobhá-eji obhê mbi ó sui ó fuk, a káre êt ofa ka mkpak ka mkpak.

Jon, echî 15:26

Nkagha-ên-obhô tîk a bhák, nnyo a kí rəbhé mfoné nchot Obhasi a tóŋe ên. Ntʉgantʉ nnyó a dʉ mbâ Ńsé omé. Tîk n tûm ên yê. A ri Ntʉgantʉ nnyó nâ a kí gyimi ə̂m ntî-isê.

Jon, echî 16:7

Kən ḿ bó səre ên áfúbhí. Ń jak áno ka onono obhə́né. Ka nan? Ń do ji, Nkagha-ên-obhô nnyó á bhó bha. Ń ji, tîk n tûm yê a bhák mbâ eyəné.

Jon, echî 3:17

Á ka túm Mmon owe se a bhá bhibhi achot ka ngun. A túmi yê se a bhá joé nne nnyo a kí yim ngun á sém.

Jon, echî 5:26

Nan? Ńsé nnyo a ri nâ njû ekpin a yîm fə́ne se Mmon a jóe njû ekpin.

Jon, echî 7:16

Kən a táme ábho se, “Achot mmá ḿ kpik nná á ká dʉ mbâ amé, á dʉ̂ mbâ nne nnyo a túmi ə̂m.

Jon, echî 8:40

Kən ńgyê mme n gyím n sə́rá ên mfoné nchot nnyi a dʉ mbâ Obhasi, kən o kí wom ó yúí ên ə̂m. Abraham á bhó yim ntʉ́ghi ekpin njí.

Jon, echî 8:47

Nne Obhasi á korá nchot Obhasi eyúghúm. Ó taŋé ên eyúghúm é rî a ri sê ên ane Obhasi asík.”

Etûm ágbán~í jisos, echî 1:2

ta é sî ebhú nji á kóe yê a jak ka ósô. Kən á bhá kô yê, ka ikom Obhasi Ebhare Ntʉgantʉ a sə́re ágbán abhê mba a sáŋe, etûm nji á kí yim ka ngun.

Etûm ágbán~í jisos, echî 10:38

Kən Obhasi a karê Jisos nnyo nne Nasaret nnyó, Ebhare Ntʉgantʉ na ikom. Jisos nnyó á jená ka ngûm a yimá ono, a yimá ane chénchén mba Satan á seŋá á soná, ka Obhasi a ri na yê.

Ane rom, echî 8:2

Echî aŋ? Ebhín nji Ntʉgantʉ Obhasi a kaghê êt ka ḿbə́ŋé é kare êt ekpin ka obhô Jisos Krayis. É kpat êt é yighi ka ebhín obhí eyimím na nji ekʉ̂.

Ane efesus, echî 3:8

Ka ane Obhasi chénchén, mme nâ ń ka fáp ofáp kpe ejûm. Kən kpe é rî áno, Obhasi a káre ə̂m ekpatə́m ekəp njí se ń sə́ré ane nték ajéné bəre onono mbi ó tíi ó chîŋ ochíŋ ó rî na Jisos Krayis.

Ane korose, echî 1:19

Echî aŋ? Obhasi nâ a korê se chénchén ekpin ejê é jóe na Mmon owe.

Ane korose, echî 2:9

A ri ka Jisos Krayis nnyo á jíi noŋ nne, nâ nne a kí yen chénchén ejímí Obhasi, kpe ejûm jə́t é bhó kət.

Ndem~i jon, echî 21:6

A chôt se, “Á yim á jeghe. Mme nâ n di Ndaŋa-mbá, mme nâ n di Ntə́ma-njəm. Mme nâ n di Eróghá-ndə́p, mme nâ n di Ejeghé. Ane mba á rî ka ekot-ayép, n kí karé ábho á gwó noŋ ayép mma á kóe ka ńchí, eji ayép á fə́ma. Ḿ bó bhəp kpe ejûm.

Ndem~i jon, echî 22:1

Énjel nnyó a kô ə̂m mân a jî tóŋe aya mma ayép ekpin, á bhara kpe ekpak. Ayép mmá á sek ka eji ekumi otúi Obhasi na nne nnyo a ri nâ Mmon-i-njo-mbúi owe.