Jon, echî 3:3 - Ejagham New Testament

³ Kən Jisos a táme yê se, “Deê ń sə́ré wâ ka etʉri bəre nne kpe yót cháŋ nnyo a kí gye otúi Obhasi nji á nyə́ne á ká kpo ji yê.”

Jon, echî 3:3 ပူးပေါင်းရင်းမြစ်များ

Matiyu, echî 16:17

Nji Simun a táme nná nchot nnyí, Jisos a sə́re yê se, “Simun, mmon i Jona, ogyebhá-ḿbə́ŋé ó rî na we. Nchot eya nnyi o táme nná a jî fə́ne ka mbá, nne asík a sə́re wâ, é ká chiŋi Ńsé omé nnyo a ri ka ósô.

Matiyu, echî 19:24

N kí kpo səre ên bəre é ká yuŋi mfoŋ echóé a chíŋ ka mfúk ḿbíabə́n, noŋ é kí yuŋi nne-ntí a gyé otúi Obhasi.”

Matiyu, echî 21:31

“Ka ifə́né íkíkéré, nnyón ka abhon mbá ábháe nnyo a yimî ejûm nji ńsé a wóme?” Chénchén ane á táme sê, “Nnyo nne-nkúí.” Á kpó to á táme, Jisos a sə́re ábho se, “Deê ń sə́ré ên bəre ane-akáé-ejen na abhə́bhá-ntí-echî mba ó kera ên sê ane chichi, tîk á gyê otúi Obhasi kən ên ó sí ên ágo.

Matiyu, echî 5:18

Deê ń sə́ré ên bəre ta ósô na nsi í chîŋ, kpe mmon ikóé ebhín yót nnyo á kí yighí cháŋ, ta chénchén é jên ka ekpak ebhín í nchane é fíi.

Mak, echî 10:14

Nji Jisos a yéne ábho á yimá erû njí, é yâm yê kpe-eji. A bhîŋ ábho a sə́re se, “Deê abhonche á bhá mbâ amé, ka kpó taŋé ên ábho. Echî aŋ? A ri ane mba á fóne ḿbə́ŋé jáé noŋ abhon ntʉ́ghi mbá, nâ á gyêk ka otúi Obhasi.

Mak, echî 9:47

Ájoé eyə̂t ejâ é kí kak wâ ka obhí, kpaghê ńjə́ne yighî. É nop é chiŋ sê ó yén otúi Obhasi na eyə̂t jə́t na nji ó fôn amə̂t ábháe á kâk wâ ka erəmta-ngûn.

Jon, echî 1:13

Á ká chəbhé abhon Obhasi sê á dʉ̂ agyʉ́ŋ mát. Á ká chəbhé sê á ji nne ojí, na sê á dʉ̂ ndə́p-i-njû.

Jon, echî 1:5

Ebhát njí é kí ya ka eji ejírim, kən ejírim é ká nok ńjə́ne obhuí.

Jon, echî 1:51

A sə́re mân chénchén ábho áfo se, “Deê ń sə́ré ên ka etʉri bəre tîk o yên ên ósô ó rə́bhe, baénjel á gyʉra á bhəra á bhak mbâ Mmon-i-ntem-nne.”

Jon, echî 12:40

“Obhasi a toê se, Ń tane ábho amə̂t, ḿ bəm ábho ḿbə́ŋé á kâ yên mbá, á kâ fôn íkíkéré ka ḿbə́ŋé. N dô yim áno eê, kə́n á kpíghi á tôp ə̂m, n yîm ábho á sôn.”

Jon, echî 3:4

Nikodemus a táme se, “Á kí kpo yim nan á jí ékúí nne? Tîk a kpô gye oya nnyen á jí yê ka osúí ntə̂m ébháe a?”

2 Ane korin, echî 4:4

Mbâ ábho áfo, ntûfâm obhí ka ngun nnyí á tane ábho ḿbə́ŋé. Ábho mba á ká ki ḿbə́ŋé na Jisos, á gbʉ́í ábho á kâ yên ebhát nji é rî ka otîp ogyebhá-ḿbə́ŋé. Otîp mbí ó tóŋe ejík í Jisos Krayis nnyo a ri ejímí Obhasi.

2 Ane korin, echî 5:17

Nâ mân kpe énê nnyo a chə̂m na Jisos Krayis, a chə́bhe ejûm efê, nji təm é chiŋ, nji fê é bha.

Ane garasiya, echî 6:15

Na ó kím nkîm, na o kâ kîm, áji ejûm asík. Nji é rî ejûm a ri sê Obhasi a yîm êt é chəbhe ane afê.

Ane efesus, echî 2:1

Deê é chôt é kpê na ên. Ofú ábhi, o ri ên noŋ o kpóe ên okpó ka achot Obhasi. É dʉ̂ ka osoná-echî obhə́né na obhí.

Tayitus, echî 3:5

e sêm. Á ka yim êt e sêm ka é yim nnyen ejûm kpe jə́t, kən a yimî ka nsôn nnyi a fonê na êt. E séme ka ikom Ebhare Ntʉgantʉ owe nnyo a suî obhí obhə́ré a yíghi se a kpó ji êt ka ekpin efê.

Jems, echî 3:17

Kən oməŋá-ejûm ósô ó ká fon akôp. Nâ ndaŋa-mbá ejûm. Ó jóa fə́ne na ekone, ó joá nyamḿ, ó toŋa onobhá-eji, ó rik nsôn. Ó məŋá ḿbə́ne ka ntûm i nno. Ó ká fon áfúbhí, ó bhó bhibhi ntem.

1 Pita, echî 1:3

Deê é káre ejík mbâ Obhasi Ńsé, Ńsé Ntûfâm owəré Jisos Krayis. Ka ekpatə́m nsôn eye, a káre êt ekpin efê nji a yimî Jisos a nyə́me ka ekʉ̂. Ńji é yim êt é məŋe sê yê nâ a fonê êt.

1 Jon, echî 2:29

Nji ó məŋe ên sê ekpin í Krayis é rî ka nnyen-i-mbá, nâ ó məŋe ên fə́ne sê nne kpe nnyón nnyo ekpin ejê é rî ka nnyen-i-mbá a chə́bhe mmon Obhasi.

1 Jon, echî 3:9

Nne nnyo a chə́bhe mmon Obhasi, obhí á bhó yimâ, ka ejímí Obhasi é rî yê ka biji. Ntʉ́ghi nne ányo á bhó kət ka obhí eyimím, ka Obhasi a ri Ńsé owe.

1 Jon, echî 5:1

Kpe énê nnyo á kam se Jisos nâ a ri Krayis, nne nnyo Obhasi a túmi se a bhá yim êt é sém, a chə́bhe mmon Obhasi. Nne fə́ne kpe nnyón nnyo á kot ńsé nne, a kí kot mmon eróŋ.

1 Jon, echî 5:18

É məŋe sê kpe énê nnyo a chə́bhe nne Obhasi á bhó kət ka obhí eyimím, ka Mmon Obhasi a ri ágo a bhábhá yê se Satan a kâ néme yê.

1 Jon, echî 5:4

Ka nan? Kpe nnyón nne nnyo a chə́bhe mmon Obhasi ta a râŋ mbá kpá a fôn érûm ka enok ejê na obhí ka nsi nnyí. Nji é kí karé êt érûm njí a ri ḿbə́ŋé ekíím na Jisos.

Ndem~i jon, echî 3:14

A chorê se, “Sêŋ sə́re énjel nnyo á bhabha echəme atóbhá abhámé ka Layodisiya a sə́ré ábho se, ‘Ḿfa nâ nchot nnyi a dʉ ka nnyo nne nnyo á bhíŋa nná sê A ri Áno. Yê a ri mfoné-mfoné ntî-isê nnyo á bhó yoŋe eyum. Yê a ri Ntûfâm iyîm chénchén mbi Obhasi a yimî.’ ”