Jon, echî 3:2 - Ejagham New Testament

² Atʉ́ mát ntûfâm nnyó a jak mbâ Jisos a jî chôt na yê se, “Ntóŋá, é məŋe sê we a ri nne nnyo Obhasi a túmi se ó bhá kpí ane achot. Nne kpe yót cháŋ nnyo a kí məŋé oyim ntûm okpógha-biji nnyi ó yimá nná təm Obhasi a ri na yê.”

Jon, echî 3:2 ပူးပေါင်းရင်းမြစ်များ

Matiyu, echî 22:16

Á tûm etʉ̂ ane mba á tóbha ábho na mba á tóbha Erot á jî bhə̂p Jisos sê, “Ńsé, é məŋe sê, we áfúbhí ó bhó chot, ó chorá ka echî ekpak ejûm nji Obhasi á woma mbâ ane ngun, ó bhó kep nne ka ochî. Ńgyímí nne, ó bhó koŋ.

Matiyu, echî 23:7

Á kóra sê ane á kubha ábho na ejík ka ndûm éré, á bhiŋá ábho sê, ‘Ńsé! Ńsé!’

Matiyu, echî 23:8

“Deê o kâ kâm ên se ane á bhiŋá ên sê, ‘Ńsé! Ńsé!’ Echî aŋ? Ên fép a ri abhon-í-nnyen atem. Ńsé owəné a ri yót.

Mak, echî 12:14

Nji ane mbá á bháe mbâ Jisos, á bhə̂p yê sê, “Ńsé, é məŋe sê we áfúbhí ó bhó chot, ó bhó kep nne ka ochî. Ńgyímí nne ó bhó koŋ. Ó səra ane ka etʉri ejûm nji Obhasi a wóme nne a yîm. Kən sə́ré êt kpá, nâ-ngá é rî nono sê é káre ntí-echî mbâ Ntûfâm i Rom, kən é ká nop!”

Jon, echî 1:38

Jisos a kpíghi echî a yên noŋ á tóbha yê. A bhə̂p ábho se, “Ó woma ên jen?” Á táme sê, “Rabayi, we ó kumá fan?” (Rabayi nâ se ńsé nnyo á kpik ane achot.)

Jon, echî 10:38

Kən nne á məŋé se ń yimá a ri etûm í Ńsé omé, deê a kam na ńjə́ne kpe a rô kam na mme. Nne á kam na etûm njí, tîk a mə́ŋe mân ka etʉri se Obhasi Ńsé a ri na mme, mme eróŋ n di na yê.”

Jon, echî 12:37

Kpe na biriŋ okpógha-biji etî-etî mbi Jisos a tóŋe ane Jus á yên, á ká ki ḿbə́ŋé na yê.

Jon, echî 14:10

Átíŋ we Firip ó ka kam se mme na Ńsé a ri nne yót?” A sə́re mân ágbán abhê se, “Məŋê ên sê chénchén nji n sə́re ên é ká dʉ mbâ amé. A ri Ńsé nnyo a ri na mme nâ á yimá áno etûm ejê.

Jon, echî 15:24

N dô yim ntûm nnyi nne etat á ka nok oyim asík, nne ábho nnyo kə́n á kí səre se a yîm obhí cháŋ. Kən mfá-mfá á yen ntûm nnyi n yimî, á chəm á chəbhe á bhaná ə̂m na Ńsé omé.

Jon, echî 2:11

Nâ ndaŋa-mbá eriŋ nji Jisos a tóŋe. A tóŋe ńjə́ne ka eték í Kana ka ebhat í Gariri se ane á yén ekpatə́m ikom ifê na ejík. Ágbán abhê á bhâ kî mân ḿbə́ŋé na yê mfoné-mfoné ekíím.

Jon, echî 20:16

Jisos se, “Meri!” Meri a kpíghi fə́ne a táme ka Ibru se, “Raboni.” Nâ se, “Ntóŋá.”

Jon, echî 3:26

Atóbhá Jon á jî sə́re yê sê, “Ntóŋá, o nyə́ne o tirá nne nnyo o ri nná na yê njəm aya Jodan nnyi ńgô a? Nne nnyo o chorê nná nchot o kpê na yê. Ńgyê yê á fugha ane ayép. Kpe énê a chə́bhe mân a jak mbâ eye.”

Jon, echî 4:31

Ágbán í Jisos ngá á rî á gorá ńsé ábho sê a kó mô ejûm a dí.

Jon, echî 5:36

Kən ḿ fon ntî-isê ka biji ibhámé nnyo a sonê a chíŋi kpe otî-isê mbi Jon a gyími ə̂m. Otî-isê mbí a ri ntûm nnyi ń yimá. Ntûm nnyí Ńsé omé a karê ə̂m se ń yîm. Ntûm nnyí nâ a gyím ə̂m ntî-isê se Obhasi Ńsé nâ a túmi ə̂m.

Jon, echî 6:2

Njok ekam ane á tôp yê á jak, ka á yen ntûm okpógha-biji nnyi á yimá na ane bimaŋé.

Jon, echî 7:31

Kən ábho etî-etî á kî ḿbə́ŋé na yê. Á bhəbha biji sê, “Ebhú nne nchane nnyo Obhasi a kí tum á bha, a kí kpo yim bhaghé ntʉ́ghi ntûm okpógha-biji nnyi a kí chiŋi nnyi nne nnyó a yimî nná?”

Jon, echî 9:16

Etʉ̂ ane echəme Farasi sê nne nnyo á yim ejûm ntʉ́ghi njí á bhó joé nne Obhasi ka á ka jíghí ofú oyoá-biji. Kən etʉ̂ fə́ne sê, “Nyima-obhí kpe yót nnyo a kí yim ntʉ́ghi ntûm okpógha-biji nnyí cháŋ.” Achât á bhâ gbô áfo ábho-ábhô.

Etûm ágbán~í jisos, echî 10:38

Kən Obhasi a karê Jisos nnyo nne Nasaret nnyó, Ebhare Ntʉgantʉ na ikom. Jisos nnyó á jená ka ngûm a yimá ono, a yimá ane chénchén mba Satan á seŋá á soná, ka Obhasi a ri na yê.

Etûm ágbán~í jisos, echî 2:22

Pita a kpô chot se, “Ane Isrel, yûk ên nchot nnyi n kí chot. Obhasi a tóŋe se yê nâ a túmi Jisos nnyo nne Nasaret. A tóŋe ka ikom mfi a karê yê se a yîm ntûm okpógha-biji na biriŋ ka étíŋanti ejə́né. Ên áfoné o yên.

Ane firipi, echî 1:14

Ókúmí obhámé ó kak etî-etî atem-abhon-í-nnyen osoná-ḿbə́ŋé nji ta á kí kpi ane otîp ogyebhá-ḿbə́ŋé Obhasi, efup á ro kpó fon.