Jon, echî 3:18 - Ejagham New Testament

¹⁸ Kpe énê nnyo á ki ḿbə́ŋé na Mmon Obhasi á bhó bhibhi yê, kən nne nnyo á ka kí, ta á bhibhi yê kpúú. Echî aŋ? Á ka kí ḿbə́ŋé na Mmon yót-ayorâ nnyo Obhasi a fonê.

Jon, echî 3:18 ပူးပေါင်းရင်းမြစ်များ

Mak, echî 16:16

Nne nnyo á ki ḿbə́ŋé na Obhasi, a fûk ayép, tîk a sêm. Nnyo á ka kí, tîk á kími ngom á káre yê.

Jon, echî 1:12

Kən ane mba á kóe yê, á kî ḿbə́ŋé na yê, a káre ábho ikom se á chə́bhe abhon Obhasi.

Jon, echî 1:18

Kpe nne nnyo a nok oyén Obhasi cháŋ. Kən Mmon owe yót-ayorâ nnyo a ri Obhasi Mmon nâ a yimî se ane á mə́ŋe Obhasi. Mmon nnyó nâ a ri obhô-orûm obhê.

Jon, echî 20:31

Kən e séŋe áno mbí mfá sê ó kâm ên sê Jisos a ri Krayis, nne nnyo Obhasi a túmi se a bhá yim ngun á sém. Yê nâ a ri Mmon Obhasi. Nji ó yuŋ ên ḿbə́ŋé o kî ên na yê, o kí fon ên ekpin.

Jon, echî 3:16

“Obhasi a fôn okot na ane kpe-eji nji ta a tûm Mmon owe yót-ayorâ ka ngun se kpe énê nnyo á yuŋ ḿbə́ŋé a kî na yê a kâ kpô a tán, kən a fon ekpin ótúm-ótúm.

Jon, echî 3:36

Kpe énê nnyo á yuŋ ḿbə́ŋé a kî na Mmon Obhasi, a kí fon ekpin ótúm-ótúm. Nne nnyo se yê á bhó yuk Mmon Obhasi, á bhó fon ekpin njí. Nji a kí fon a ri oyámá-ḿbə́ŋé Obhasi.

Jon, echî 5:24

“Deê ń sə́ré ên ka etʉri bəre kpe énê nnyo a kí yuk nji ń chorá nná, a yûŋ ḿbə́ŋé a kî na yê nnyo a túmi ə̂m, a fôn ekpin ótúm-ótúm. Á bhó gyimi ka ochî esup, a yáŋe ekʉ̂ a gyê ka ekpin.”

Jon, echî 6:40

Ka etʉri, ejûm nji Ńsé omé a wóme é rî sê, kpe énê nnyo a yéne Mmon owe, a yûŋ ḿbə́ŋé a kî na yê, a kí fon ekpin ótúm-ótúm. Mme tîk n yîm yê a chə́bhe njəm ka ekpin ka nsígha-njəm ofú.”

Jon, echî 6:47

Deê ń sə́ré ên ka etʉri bəre nne nnyo a yuŋî ḿbə́ŋé a kî na mme, a kí fon ekpin ótúm-ótúm.

Ane rom, echî 5:1

É yen sê ḿbə́ŋé nnyi e kíi na Obhasi nâ a yimî yê a kô ekpin ejə́ré se é rî ka nnyen-i-mbá. Mfá-mfá mân e ri ka ekone na yê ka obhô Ntûfâm owəré Jisos Krayis.

Ane rom, echî 8:1

Nâ mân nne kpe nnyón nnyo a chəmê na Jisos Krayis, Obhasi á bhó bhibhi yê.

Ane rom, echî 8:34

Énê mân nnyo kə́n a fíri se á gbo? Nne cháŋ. Echî aŋ? Jisos Krayis a ri ágo a gorá Obhasi ka echî ejə́ré. A ri Jisos nnyó nnyo a kpóe ka echî ejə́ré, kən Obhasi a yimî yê fə́ne a nyə́me ka ekʉ̂, a karê yê ekumi ejík mkpe obhô-orûm obhê.

Ane ibru, echî 12:25

Nok ên o kâ táŋe ên Obhasi nnyo á chorá áno. Echî aŋ? Ájoé ane éməné á ká be ta á sém nji á táŋe yê nnyo a sə́re ábho ka nsi nnyí se á kó ebhú, êt é bhó bhik ebéém ta é sém ájoé é taŋe yê nnyo a ri ka ósô a sə́rá êt se é kó ebhú.

Ane ibru, echî 2:3

Ájoé mân é bhó yuk ekpatə́m otîp mbí, mbi ó kí yim êt e sêm, e kí yim nan á bhó kpəré êt? Ńtâ Jisos nâ a raŋê mbá a sə́re otîp mbí, ane mba á yúghi yê fə́ne á tóŋe êt sê achot mmá á rî ka echî.

Ane ibru, echî 3:19

E kí yen mân sê ane mbá á ká bhik osí eji oyoá-biji Obhasi, ka á ká ki ḿbə́ŋé na yê.

1 Jon, echî 3:23

Obhasi a sə́re êt se, deê é yûŋ ḿbə́ŋé é kí na Mmon owe Jisos Krayis, e kôt fə́ne atem ka ekpak nji Jisos a sə́re êt.

1 Jon, echî 4:9

Obhasi a tóŋe okot obhê mbâ eyəré nji a túmi Mmon owe yót-ayorâ nnyo a fonê se a bhá ka ngun a bhá karé êt ekpin.

1 Jon, echî 5:10

Ka ekpak njí, nne nnyo a yuŋî ḿbə́ŋé a kî na Mmon Obhasi, a kâm na atî-isê Obhasi mbá, a fî ka ḿbə́ne. Kən nne nnyo á ro kam na atî-isê mbá, nâ a kô Obhasi noŋ nne-áfúbhí, ka nâ a kô se achot mma Obhasi a sə́re noŋ ntî-isê a kpê na Mmon owe cháŋ ka echî.

1 Jon, echî 5:12

Kpe énê nnyo á fon Mmon owe ka ḿbə́ŋé a fôn ekpin njí, kən se áno asík, ekpin njí á bhó fon.