Jon, echî 3:16 - Ejagham New Testament

¹⁶ “Obhasi a fôn okot na ane kpe-eji nji ta a tûm Mmon owe yót-ayorâ ka ngun se kpe énê nnyo á yuŋ ḿbə́ŋé a kî na yê a kâ kpô a tán, kən a fon ekpin ótúm-ótúm.

Jon, echî 3:16 ပူးပေါင်းရင်းမြစ်များ

Matiyu, echî 9:13

Choŋ onok ên məŋê echî nchot nnyi Obhasi a chorê. A chorê se, ‘Onobhá-eji na ntem-nne ó faŋ ó chiŋi eyúúm onyam sê á yîm efin á káre ə̂m.’ Məŋê ên mân sê ń ka bhá ka ngun nnyí mbâ anyen-ane, m báe ane abhí.”

Mak, echî 12:6

“Nne nnyó a bhâ yíghi mân mmon okot owe a tûm. Íkíkéré ifê a ri se tîk ane mbá á jíghi mmon owe.

Luk, echî 2:14

Ekôn nji á kóna é rî sê, “Deê ejík é jóe é káre Obhasi ka ósô. Enare é kúmi fə́ne na ane ka ngun mba yê a fonê ogyebhá-ḿbə́ŋé na ábho.”

Jon, echî 1:14

Nne nnyo a ri nná eyum, a chə́bhe mân nne noŋ êt, a bhâ kúmi na êt. E yên ekpatə́m eyúp ejê nji é súi na onobhá-eji, áfúbhí ka etím cháŋ. Eyúp njí a ri eyúp nji Mmon yót nnyo Obhasi Ńsé a fonê.

Jon, echî 1:18

Kpe nne nnyo a nok oyén Obhasi cháŋ. Kən Mmon owe yót-ayorâ nnyo a ri Obhasi Mmon nâ a yimî se ane á mə́ŋe Obhasi. Mmon nnyó nâ a ri obhô-orûm obhê.

Jon, echî 1:29

Ofú ábhi ó kpó chiŋ ntem-ofú, Jon a yên Jisos a kí jen a bhák yê mbâ biji. A chôt se, “Ńgyê mmon-i-njo-mbúi Obhasi á bhak. Yê nâ á yighá obhí ane ka ngun.

Jon, echî 10:28

Ń kará ḿbə́ne ekpin ótúm-ótúm, etánám ó bhó tan, nne fə́ne kpe yót nnyo a kí jʉ ḿbə́ne cháŋ.

Jon, echî 3:15

Sê kpe énê nnyo á yuŋ ḿbə́ŋé a kî na yê a ri a fon ekpin ótúm-ótúm.”

Jon, echî 3:18

Kpe énê nnyo á ki ḿbə́ŋé na Mmon Obhasi á bhó bhibhi yê, kən nne nnyo á ka kí, ta á bhibhi yê kpúú. Echî aŋ? Á ka kí ḿbə́ŋé na Mmon yót-ayorâ nnyo Obhasi a fonê.

Jon, echî 3:36

Kpe énê nnyo á yuŋ ḿbə́ŋé a kî na Mmon Obhasi, a kí fon ekpin ótúm-ótúm. Nne nnyo se yê á bhó yuk Mmon Obhasi, á bhó fon ekpin njí. Nji a kí fon a ri oyámá-ḿbə́ŋé Obhasi.

Jon, echî 6:40

Ka etʉri, ejûm nji Ńsé omé a wóme é rî sê, kpe énê nnyo a yéne Mmon owe, a yûŋ ḿbə́ŋé a kî na yê, a kí fon ekpin ótúm-ótúm. Mme tîk n yîm yê a chə́bhe njəm ka ekpin ka nsígha-njəm ofú.”

Ane rom, echî 5:10

Ájoé ebhú nji e ri ka ebhan na Obhasi, a chə́bhe njəm a kô êt ka ekone, nji Mmon owe a kpóe ka echî ejə́ré. Mfá-mfá mân nji Mmon a ri mbít, é joe ka ekone na Obhasi, esémém ejə́ré tîk é jóe nan?

Ane rom, echî 5:8

Kən Obhasi a tóŋe êt ekpak nji yê a korê êt. Nan? A ri ebhú nji êt e nyə́ne ka obhí nâ Jisos Krayis a kpóe ekʉ̂ ka echî ejə́ré.

Ane rom, echî 8:32

Ka eji Obhasi á ka ri Mmon owe nsôn, a kô yê a káre se a kpó ekʉ̂, êt chénchén é fôn ekəp, deê é kâm mân sê ka eji a karê êt ntʉ́ghi ekəp njí, tîk á bhó taŋé êt ekarám kpe jen nji yê a kíi êt.

Ane efesus, echî 2:4

Kən Obhasi a kôt êt kpe-eji, a tóŋe êt ekpatə́m onobhá-eji obhê. Nâ ńjə́ne,

2 Ane tesaronika, echî 2:16

Ntûfâm owəré Jisos Krayis, yê ḿfoné, na Ńsé owəré Obhasi á toŋe êt okot. Ka onobhá-eji Obhasi, a káre êt okaghá-ḿbə́ŋé mbi ó bhó man, na osoná-ḿbə́ŋé se é chîk onono mbi ó kə́ bha.

Tayitus, echî 3:4

Kən ebhú nji Obhasi nnyo á yimá êt e sémá a tóŋe êt okot na onobhá-eji obhê,

Ane ibru, echî 2:9

E məŋê a ri Jisos. Obhasi, ka onobhá-eji obhê, a yimî yê a jóe ka óséré baénjel ka mô ebhú, a kpó ekʉ̂ ka obhô ane chénchén. A bhâ káre yê mân otúi se a fon ekûp na ejík ka obhô oseŋe mbi a yéne ka ekʉ̂.

1 Jon, echî 3:1

Kére ên mân ekpatə́m okot mbi Obhasi Ńsé a fonê na êt nji ta a chə́bhe a bhiŋá êt abhon abhê. Ka etʉri, êt a ri abhon Obhasi. Ane ngun á ká məŋé êt noŋ abhon Obhasi, ka kpe Obhasi Ńsé yê ḿfoné ábho á ká məŋé.

1 Jon, echî 4:19

E kí toŋe okot, ka Obhasi a râŋ mbá a tóŋe êt okot.

Ndem~i jon, echî 1:5

Ó dʉ̂ fə́ne mbâ Jisos Krayis, ntî-isê nnyo á bhó səre áfúbhí, ndaŋa-mbá Mmon ojî nnyo a nyəmê ka ekʉ̂, Ntûfâm nnyo a fonê chénchén atúi-ofâm í ngun. Deê ejík é jóe fə́ne é káre yê nnyo a tóŋe êt okot, a kô agyʉ́ŋ amê a yîm êt é sem ka obhí obhə́ré.