Jon, echî 2:16 - Ejagham New Testament

¹⁶ Kən a kpô sí mbâ agurá-mbʉ́í, a sə́re ábho se, “Kə́n ên ḿmə́ne, fáp ên mfá. O kâ yîm ên njû Ńsé omé éré ogəm!”

Jon, echî 2:16 ပူးပေါင်းရင်းမြစ်များ

Matiyu, echî 21:12

Jisos a jî gyê ka ókʉ́rí achot Obhasi. A kpo to a gyé, a yên ane ogəm, mba gurúm á gurá, mba namám á namá. A gyê ábho ebhímím. A chóe iyîm mbi ane mba á jéna ogəm í ntí eyóŋóm, a tûp ka nsi, na ḿfə́m ane mba á gúra mbʉ́í.

Matiyu, echî 21:13

A sə́re ane se, “Á séŋe se Obhasi se, ‘Njû amé a ri eji á góra ə̂m,’ kən ó kpighi ên ńnyə́ne a chə́bhe njû anyághá-ajʉ̂.”

Matiyu, echî 22:5

Kən ane mbá kpe nne ábho nnyo a kpô fon ebhú na erom njí cháŋ. Kpe énê a chə́bhe a kérá a ri amê afoghe. Yót a yə̂p a jak yê ebhin, nnyo tat a jak ka njû ogəm eye.

Mak, echî 11:17

A róghe mân ane ekpíím achot se, “Á séŋe sê Obhasi se, ‘Tîk á bhîŋ njû amé sê eji nték i ngun chénchén á kára ə̂m agore.’ Kən ó kpighi ên ńnyə́ne a chə́bhe njû anyághá-ajʉ̂.”

Luk, echî 2:49

Kən Jisos a táme se, “Ó nora ên kpá ə̂m jen? Ó ka riŋí ên sê m fonê ka eyimím etûm í Ńsé omé a?”

Jon, echî 10:29

Ńsé omé nnyo a karê ḿbə́ne mbâ amé a fâŋ a chíŋi kpe bhaghé ejûm, nne fə́ne nnyo a kí jʉ ḿbə́ne mbâ eye cháŋ.

Jon, echî 2:15

A kô aríghí nâ íkpá, a bhîm chénchén obhúi mbí na ofoŋ ka ókʉ́rí mbí. A róme átí mma ayóŋá-ntí á kíi á yoŋa ntí ábho, a tûp ka nsi, ntí ń nyáne.

Jon, echî 20:17

Kən Jisos a sə́re yê se, “Yighî ə̂m obhô, ka n nyə́ne ń ka ji mbâ Ńsé omé ka ósô. Kən choŋ osə́ré ane abhámé se n kí chəbhé njəm mbâ yê nnyo a ri Ńsé omé na owəné eróŋ. Yê nnyo a ri Obhasi omé na obhə́né eróŋ.”

Jon, echî 5:17

Kən Jisos a sə́re ábho se, “Ńsé omé á yimá etûm chénchén ebhú, mme eróŋ n di ń yîm ka ekpak njí.”

Jon, echî 8:49

Jisos se, “Ń ka fon ojê, ń jigha Ńsé omé kən o kí wom ó bhíbhí ên mbiŋ amé.

1 Timoti, echî 6:5

É bhâk fə́ne na áfírí chénchén ebhú. Ntʉ́ghi ane mbá, óbhə́ŋé ábho ó bhip, á ká kpo məŋé mfoné nchot Obhasi. Á kéra sê a ri ka nchot Obhasi nâ á kí fon ntí.

2 Pita, echî 2:3

Ka ntuŋ ábho akpíghá-ane achot áfúbhí mbá á kí yim orʉrí etî-etî ka achot mma á púi opu á səra ane. Nne nnyo a kí taŋ ábho ta a tʉ́ri biji kpúú, yê nnyo a kí bhibhi ábho a ri mbít, a kí yen ábho.