Jon, echî 2:12 - Ejagham New Testament

¹² Achot mmá á kpó to á chíŋ, Jisos na nnyen owe na abhon-í-nnyen abhê na ágbán abhê á jak nnyi Kapanom kən á ká garé oká ágo.

Jon, echî 2:12 ပူးပေါင်းရင်းမြစ်များ

Matiyu, echî 11:23

Ên ane Kapanom, o kérá ên tîk sê á kí ko ên sê ó faŋ ên ó chiŋ ochíŋ a? Baram! Á kí ko ên ńgô sê ó ka bhik ên kpe ebhighím. Ntûm okpógha-biji nnyi á yími ka eték ejə́né, á yími ka Sodom eê, kə́n eték áji é nyə́ne ta é si égyé.

Matiyu, echî 12:46

Nji Jisos a nyə́ne a chorá na ane mbá, nnyen owe na abhon-í-nnyen abhê á bhâ gyími ka éré sê á bhîŋ yê a bhá. [

Matiyu, echî 4:13

Á ka kumí Nasaret, kən a jak ka Kapanom. Kapanom a ri ka mkpe aya Gariri ka ebhat í Seburun na Natari.

Mak, echî 6:3

Nkúmá-njû nnyó nná asík a? To a ri mmon i Meri nnyó nná, to abhon-í-nnyen abhê mba ane-arûm a ri Jems na Josis na Juda na Simun, mba ane-akáé fə́ne to á kúma mfá na êt?” Ane mbá á jîŋ yê mân na oyámá-ḿbə́ŋé.

Jon, echî 2:2

Á yâk fə́ne Jisos na ágbán abhê.

Jon, echî 4:46

Jisos a jak mân ka eték í Kana ka Gariri. Kana nâ eji nji yê a kpíghi nná ayép ka aməm. Ntûfâm yót ka mba á fíi otúi eték a ri ka Kapanom. Mmon owe nnyo nne-ndûm a ri a maŋá omaŋé.

Jon, echî 6:17

Á gyê ka okpi á yáŋe á chə́bhe njəm nnyi Kapanom. Atʉ́ á si, Jisos a nyə́ne á ka bhá a kpúghí ábho.

1 Ane korin, echî 9:5

Á bhíni êt obhín sê e kâ kô ebháé Obhasi, e jená e fará na akáé abhə́ré a? Nâ noŋ Pita na ágbán í Jisos mba ngá, é kpê na abhon-í-nnyen í Jisos, á yíma.

Ane garasiya, echî 1:19

Nji n jiî, ń ka yén ḿgbán i Jisos etat é ká chiŋi Jems, nnyo mmon-i-nnyen i Ńtâ Jisos.