Jon, echî 2:11 - Ejagham New Testament

¹¹ Nâ ndaŋa-mbá eriŋ nji Jisos a tóŋe. A tóŋe ńjə́ne ka eték í Kana ka ebhat í Gariri se ane á yén ekpatə́m ikom ifê na ejík. Ágbán abhê á bhâ kî mân ḿbə́ŋé na yê mfoné-mfoné ekíím.

Jon, echî 2:11 ပူးပေါင်းရင်းမြစ်များ

Jon, echî 1:14

Nne nnyo a ri nná eyum, a chə́bhe mân nne noŋ êt, a bhâ kúmi na êt. E yên ekpatə́m eyúp ejê nji é súi na onobhá-eji, áfúbhí ka etím cháŋ. Eyúp njí a ri eyúp nji Mmon yót nnyo Obhasi Ńsé a fonê.

Jon, echî 1:17

Ejûm nji Obhasi a túmi na Mosis a ri ebhín. Nji a túmi na Jisos Krayis a ri onobhá-eji na mfoné nchot eye.

Jon, echî 1:43

Ofú ábhi ó kpó chiŋ ntem-ofú, Jisos a yə̂p a kí ji nnyi Gariri. A yên nne-ndûm etat a kamá se Firip. Nne-ndûm nnyó a dʉ eték í Besayida, noŋ Andru na Pita. Jisos a sə́re yê se, “Bhák é jî.”

Jon, echî 1:50

Jisos se, “Ó kam ka n sə́re wâ bəre n yéne wâ ka ndə́p i fîk, kən tîk o yên iyîm mbi í fáŋe í chíŋi mbí mfá.”

Jon, echî 10:41

Ane etî-etî á bhak mbâ eye. Sê, “Jon á ka tóŋé eriŋ okpógha-biji kpe jə́t, kən chénchén nji a chorê a kpê na nne nnyó é rî ka echî.”

Jon, echî 11:15

Kən ka echî ejə́né, é gyebhe ə̂m nji ń ka joé ágo ebhú a kpóe. Echî aŋ? Mfá-mfá tîk o kî ên mân ḿbə́ŋé nono na mme. Deê ên kpá é jî ágo.”

Jon, echî 11:47

Nji á sə́re ábho, ane echəme Farasi na ane-echî akará-agore Obhasi, á bhîŋ echəme Atáŋá-eték. Nji á chə́me, á kí bhəp sê, “É bhak oyim nan na nne nnyó ka ntûm okpógha-biji nnyi á yimá nná?

Jon, echî 12:18

Nâ ńjə́ne njok ane á fábhe sê á bhá kpúghí yê, ka á yuk eriŋ okpógha-biji nji a tóŋe.

Jon, echî 12:37

Kpe na biriŋ okpógha-biji etî-etî mbi Jisos a tóŋe ane Jus á yên, á ká ki ḿbə́ŋé na yê.

Jon, echî 12:41

Asaya a chorê nchot nnyí, ka a yên ejík í Jisos kən a kí chot fə́ne a kpek na yê.

Jon, echî 14:13

Ebhú ń ji, ejûm-ejûm nji ó kí bhəp ên ka mbiŋ amé, n kí yim o fôn ên ńjə́ne, ejík é jóe é káre Ńsé ka obhô Mmon owe.

Jon, echî 16:27

Echî ḿ bó bhəp ka echî ejə́né é rî sê Obhasi Ńsé yê ḿfoné a fôn okot na ên, ka ó fon ên okot na mme. Ó kam ên fə́ne sê n dʉ mbâ eye m bák.

Jon, echî 16:30

É məŋe mân mfá-mfá sê ó məŋe chénchén ejûm, echî nji e kí kpo bhəp wâ kpe ejûm cháŋ. Ńji é yim êt é kam sê we o dʉ mbâ Obhasi o bhák.”

Jon, echî 2:1

Mfín a kpo to a chíŋ ébháe, erom ebháé é gbô ka eték í Kana ebhat í Gariri. Nnyen i Jisos a jak erom njí.

Jon, echî 2:23

Nji Jisos a nyə́ne ka Jerusarem ka edíím erom í Ntə̂m Osʉ́ŋ, ane etî-etî á kî ḿbə́ŋé na yê. Echî aŋ? Á yéne ntûm okpógha-biji nnyi á yimá.

Jon, echî 3:2

Atʉ́ mát ntûfâm nnyó a jak mbâ Jisos a jî chôt na yê se, “Ntóŋá, é məŋe sê we a ri nne nnyo Obhasi a túmi se ó bhá kpí ane achot. Nne kpe yót cháŋ nnyo a kí məŋé oyim ntûm okpógha-biji nnyi ó yimá nná təm Obhasi a ri na yê.”

Jon, echî 4:3

Nji Jisos a kpô yúk se ane echəme Farasi á məŋe nchot nnyí, a mághe kpá Judiya a chə́bhe njəm nnyi Gariri.

Jon, echî 4:46

Jisos a jak mân ka eték í Kana ka Gariri. Kana nâ eji nji yê a kpíghi nná ayép ka aməm. Ntûfâm yót ka mba á fíi otúi eték a ri ka Kapanom. Mmon owe nnyo nne-ndûm a ri a maŋá omaŋé.

Jon, echî 4:54

Nâ osúí biriŋ íbháe mbi Jisos a tóŋe nji a maghê Judiya a jak nnyi Gariri.

Jon, echî 5:23

Se ngun ndə́m á jíghí Mmon noŋ á jígha yê. Nne nnyo á ka jíghí Mmon nâ á ka jíghí Ńsé nnyo a túmi Mmon.”

Jon, echî 6:14

Ane mba á rî áfo, á kpó yen etûm okpógha-biji njí, á róghe echoróm sê, “Ka etʉri, ḿfa a ri nkara-otîp nchane nnyo á tóe sê tîk a bhák ka ngun.”

Jon, echî 6:2

Njok ekam ane á tôp yê á jak, ka á yen ntûm okpógha-biji nnyi á yimá na ane bimaŋé.

Jon, echî 6:26

Jisos se, “Deê ń sə́ré ên ka etʉri bəre ó woma ên ə̂m áno, ka o díi ên édî o gyʉ́ri ên. Ó bhó wom ên ə̂m ka ntûm okpógha-biji nnyi ń yimá.

Jon, echî 6:30

Á kpô bhə́p yê sê, “Bhaghé etûm okpógha-biji nji kə́n o yîm mfá kən é yén é kâm na we. O kí yim bhaghé ejûm?

Jon, echî 7:31

Kən ábho etî-etî á kî ḿbə́ŋé na yê. Á bhəbha biji sê, “Ebhú nne nchane nnyo Obhasi a kí tum á bha, a kí kpo yim bhaghé ntʉ́ghi ntûm okpógha-biji nnyi a kí chiŋi nnyi nne nnyó a yimî nná?”

Jon, echî 9:16

Etʉ̂ ane echəme Farasi sê nne nnyo á yim ejûm ntʉ́ghi njí á bhó joé nne Obhasi ka á ka jíghí ofú oyoá-biji. Kən etʉ̂ fə́ne sê, “Nyima-obhí kpe yót nnyo a kí yim ntʉ́ghi ntûm okpógha-biji nnyí cháŋ.” Achât á bhâ gbô áfo ábho-ábhô.

2 Ane korin, echî 3:18

Êt mân fép, na ochî obhə́ré, nji é bhúi cháŋ, amə̂t amə́ré á kébha ejík í Ńtâ Jisos. Ejík njí é kí yoŋâ êt e fóŋá yê ka ejík, ka ngyím na ngyím. É dʉ̂ mbâ Ntûfâm nnyo a ri Ntʉgantʉ Obhasi.

2 Ane korin, echî 4:17

Echî aŋ? Mô mkpât oseŋe nnyo é yena nná ka ekîm ebhú njí, tîk ó bhak êt na ekpatə́m ejík ka ótúm-ótúm. Ejík nji é kí faŋ nji e kí bhuí oseŋe mbí obhuí.

2 Ane korin, echî 4:6

A ri Obhasi nnyó nâ a chorê nná se, “Deê ebhát é gbô ka ejírim.” Obhasi nnyó nâ a kaghê êt ebhát ka ḿbə́ŋé se é jóe ebhát oməŋá-ejûm nji é kí toŋe êt ekpak ejík ejê é rúna ka ekpin í Jisos Krayis.

1 Jon, echî 5:13

Achot mma ń seŋ nná fép, ń noghá bəre ên mba o yuŋî ên ḿbə́ŋé o kî na Mmon Obhasi ó ríŋi ên sê ó fon ên ekpin nji ótúm-ótúm.