Jon, echî 18:3 - Ejagham New Testament

³ Juda a kô mân ane mba ane-echî akará-agore Obhasi na echəme ane Farasi á túmi, a bhák ka eji njí. Ane mbá á rî ane-enok na abhábhá-ókʉ́rí Obhasi. Á bháe na iyîm enok, á fî átʉ́ríkáŋ, á nyóe ńsáé.

Jon, echî 18:3 ပူးပေါင်းရင်းမြစ်များ

Matiyu, echî 25:1

Jisos se, “Ebhú áji é si, otúi Obhasi ó kí joé noŋ egan abhon asop ófó etat. Ofú bhə́t asop mbá á kóe ńtʉ́ríkáŋ ábho na atʉ́ á jí kpúghi nne-ndûm yót nnyo a kí ko nkáé.

Jon, echî 13:2

A bhâ kúmi mân na ágbán abhê, á kí di édî. Ntûfâm obhí ta a kâk Juda íkíkéré ka echî se a gurí Jisos. Juda a ri mmon i Simun Iskariyot.

Jon, echî 18:12

Ekam ane-enok njí na ntûfâm ábho na abhábhá-ókʉ́rí á fî Jisos á bhôp abhô.

Jon, echî 18:18

Egyʉk é rî ebhú áji. Ágbán í ntûfâm akará-agore Obhasi na abhábhá-ókʉ́rí Obhasi á fə́ghe ngun á kúmi á fáre, á kí yobhe. Pita a jî chə̂m ábho a kí yobhe fə́ne.

Jon, echî 18:22

Nji Jisos a chorê nná, mbábha-ókʉ́rí yót nnyo a gyím áfo a sûm yê nsâp, a chôt se, “Énê a sə́re wâ se o támá ntûfâm akará-agore Obhasi nchot áno.”

Jon, echî 19:6

Nji ane-echî akará-agore Obhasi na abhábhá-ókʉ́rí Obhasi á yéne yê, á kûk káŋ káŋ káŋ sê, “Kûm yê ka ego! Kûm yê!” Piratus se, “Kô ên yê choŋ okúm ên afoné, ka ń ka yén kpe ejûm ebhí jə́t nji a yimî.”

Jon, echî 7:32

Ane Jus mba echəme Farasi á yûk ogəm mbi ane á gə́ma Jisos. Á jak mân á jî chə̂m ndə́p na ane-echî akará-agore Obhasi, á tûm abhábhá-ókʉ́rí achot Obhasi á jí fî yê.

Etûm ágbán~í jisos, echî 1:16

“Atem-abhon-í-nnyen, nji á séŋe ka nwet Obhasi é kpê na Juda é rî é fáp ka ekpak nji Debhit a chorê éməné ka ikom Obhasi Ebhare Ntʉgantʉ. A ri Juda nâ a kóe ane á bhâ fî Jisos,

Etûm ágbán~í jisos, echî 10:1

Nne-ndûm yót a ri ka Sesariya a kamá se Konerus. A ri ntûfâm ane-enok ka Rom mba á bhíŋa sê Ekam Itariya.