Jon, echî 17:9 - Ejagham New Testament

⁹ “N kí goré wâ ka echî ábho. Ń ka goré mbâ ngun ndə́m, é ká chiŋi mba o karê ə̂m, ka a ri ane abhâ.

Jon, echî 17:9 ပူးပေါင်းရင်းမြစ်များ

Luk, echî 22:32

Kən ń gore Obhasi bəre deê a kak wâ obhô o kâ yíghi ḿbə́ŋé na yê. Ó chəbhé njəm mân mbâ amé, deê ó kâk atem abhâ osoná-ḿbə́ŋé.”

Luk, echî 23:34

[Jisos a chôt mbâ eye se, “Ńsé, ri nsôn su obhí ábho, ka á ká məŋé ejûm nji á yíma áno.”] Ane-enok mbá á kô ḿfô eye á tûp ebháŋé á mə́ŋe ekpak á kí kirí á kó.

Luk, echî 8:34

Nji ane mba á bhábha akûk áma á yéne nji é fábhe, á bê, á jak, á jî sə́re ka eték na mbin chénchén á fáre.

Jon, echî 14:16

Tîk m bə̂p Ńsé omé a tûm ên nkagha-ên-obhô nnyo a kí toŋe ên mfoné nchot Obhasi jáé. Nne nnyó a kí joé na ên ka ótúm-ótúm.

Jon, echî 17:2

We nâ o karê ə̂m ikom í ngun nnyi ndə́m se ń káre ekpin ótúm-ótúm mbâ chénchén ane mba o karê ə̂m.

Jon, echî 17:20

Jisos a góre Obhasi se, “Ane mbá ḿbáne-mbanê asík nâ ń gorá wâ, n kí goré fə́ne mbâ mba tîk á kî ḿbə́ŋé na mme ebhú á yuk otîp ane mbá.

Jon, echî 17:6

Jisos a góre Obhasi se, “Ń yim ane mba o kóe ka ngun nnyí o káre ə̂m, á məŋe wâ. We nâ o fonê nná ane mbá kən o kô o káre ə̂m. Ane mbá á kí yim ka ekpak o wóme.

Jon, echî 6:37

Kpe énê nnyo Ńsé omé a karê mbâ amé, a kə́ bha mbâ amé. Nne fə́ne kpe nnyón nnyo á bhak mbâ amé, ḿ bó bhim yê a chəbhé njəm.

Jon, echî 6:39

Ńgyê ejûm nji nne nnyo a túmi ə̂m á korá. Se ka ane mba yê a karê ə̂m, n kâ yîm kpe yót a tán. Se fə́ne kpe á kpóe okpó, deê ń kó ábho á bhá ka ekpin ka nsígha-njəm ofú.

Ane ibru, echî 7:25

Ka obhô mbí, a bhîk eyimím ane chénchén mba á kí top yê á jená á kpira Obhasi, á sém bhúghí-bhúghí. Ka nan? Yê ngá a gyím chénchén ebhú ka étíŋanti Obhasi na nne, a tʉrá achot ane mbâ Obhasi.

Ane ibru, echî 9:24

Ka nan? Jisos Krayis á ka gyé ka eji nji ane á yími na abhô sê eji Obhasi nji é fóŋe ofóŋé mfoné-mfoné ńjə́ne. A gyée ka mfoné-mfoné eji nji ka ósô. Mfá-mfá yê nâ a chəbhê a fábhá ka ochî Obhasi ka obhô obhə́ré.

1 Jon, echî 5:19

É məŋe sê êt e ri ka obhô Obhasi kpe noŋ Satan a fonê áno ikom ka ngun ndə́m.

Ndem~i jon, echî 12:9

Á tûp ndûm i nnyam achî anígisá nnyí ka nsi. Nnyam nnyí a ri etəm í nnyô nnyi ta ka éməné á bhíŋa nná sê Ndûm i Nne-mbí, na kpe ebhú tat sê Satan. Yê nâ á rirá ane chénchén ka ngun. Á tûp yê ka nsi. Á tûp fə́ne ágbán abhê, á tôp yê.

Ndem~i jon, echî 13:8

Sê chénchén ane mba á rî ka ngun á kí jighi yê, é ká chiŋi ane mba á séŋe mbiŋ ábho ta ka eróghá-ndə́p í ngun ka nwet ekpin. Mmon-i-njo-mbúi nnyo á yúi nná a ri mfoné nwet nnyí.

Ndem~i jon, echî 20:15

Nne kpe nnyón nnyo á ká seŋ mbiŋ eye ka nwet ekpin nnyí, á tûp yê ka erəmta-ngûn njí nji é fáŋe noŋ aya.