Jon, echî 17:8 - Ejagham New Testament

⁸ Nan? Ḿ kpi ábho okpígha-ejûm mbi ó dʉ̂ mbâ eya. Á ko ḿbə́ne, á məŋe ka etʉri sê n dʉ mbâ eya m bák. Á kam sê we nâ o túmi ə̂m.

Jon, echî 17:8 ပူးပေါင်းရင်းမြစ်များ

Matiyu, echî 13:11

Jisos a táme ábho se, “Obhasi a káre ên aron se ó mə́ŋe ên ejûm ebhə̂t nji é rî ka otúi ósô, kən ane mba ngá, á ká karé.

Jon, echî 12:49

Nâ noŋ é kí fap, ka ń ka chot ka ikom ifámé. A ri Obhasi Ńsé yê ḿfoné nnyo a túmi ə̂m nâ a karê ə̂m ikom se ń chôt.

Jon, echî 14:10

Átíŋ we Firip ó ka kam se mme na Ńsé a ri nne yót?” A sə́re mân ágbán abhê se, “Məŋê ên sê chénchén nji n sə́re ên é ká dʉ mbâ amé. A ri Ńsé nnyo a ri na mme nâ á yimá áno etûm ejê.

Jon, echî 15:15

Ń do kpó bhiŋ ên bəre ágbán abhámé, ka ḿgbán á bhó məŋé ejûm nji Ńsé a kí yim. N kí bhiŋ ên bəre atem, ka ń səre ên chénchén nji n yúghi mbâ Ńsé omé.

Jon, echî 16:27

Echî ḿ bó bhəp ka echî ejə́né é rî sê Obhasi Ńsé yê ḿfoné a fôn okot na ên, ka ó fon ên okot na mme. Ó kam ên fə́ne sê n dʉ mbâ eye m bák.

Jon, echî 16:30

É məŋe mân mfá-mfá sê ó məŋe chénchén ejûm, echî nji e kí kpo bhəp wâ kpe ejûm cháŋ. Ńji é yim êt é kam sê we o dʉ mbâ Obhasi o bhák.”

Jon, echî 17:14

Ń səre ábho nji o sə́re ə̂m se ń sə́ré. Ka obhô mbí, ngun a kô ábho ka ebhan, ka á rî noŋ mme, á ká joé ane ngun.

Jon, echî 17:18

Ekpak nji we o túmi ə̂m ka ngun nâ ekpak nji mme eróŋ ń tum ábho ka ngun.

Jon, echî 17:21

N kí goré bəre deê ábho chénchén á jóe nne yót. Ńsé, ekpak nji mme n di na we, we fə́ne o rî na mme, deê ábho chénchén á chə̂m na êt é chə́bhe nne yót. Tîk ngun á kâm sê we nâ o túmi ə̂m.

Jon, echî 17:23

N kí chəm biji na ábho é jóe nne yót noŋ we o ri na mme. Ka ekpak njí, chénchén ábho tîk á chə́bhe nne yót, achât á bhó joé. Ngun tîk á mə́ŋe mân sê we nâ o túmi ə̂m. Á mə́ŋe fə́ne sê ó kot ábho noŋ o korê ə̂m.

Jon, echî 17:3

Ekpin ótúm-ótúm nji é rî sê ngun á mə́ŋe wâ noŋ mfoné-mfoné Obhasi, á mə́ŋe ə̂m fə́ne, Jisos Krayis, nnyo we o túmi.

Jon, echî 3:17

Á ka túm Mmon owe se a bhá bhibhi achot ka ngun. A túmi yê se a bhá joé nne nnyo a kí yim ngun á sém.

Jon, echî 3:33

Kpe énê nnyo á kam na otîp obhê a kí toŋe jáé se nchot Obhasi a ri ka echî.

Jon, echî 6:68

Kən ḿgbán owe yót a kamá se Simun Pita a táme se, “Ntûfâm, e kí kpo maghé wâ é jî mbâ énê? We nâ o fonê nchot nnyi a kí karé ekpin ótúm-ótúm.

Jon, echî 8:42

Jisos se, “Ebhú sê Obhasi nâ a ri Ńsé owəné ka etʉri, kə́n o fôn ên okot na mme, ka n dʉ mbâ Obhasi m bák mfá. Mme asík ka biji ibhámé n sə́re bəre n kə́ bha. Yê nâ a túmi ə̂m.”

1 Ane korin, echî 11:23

Echî aŋ? Nji n kóe mbâ Ńtâ Jisos nâ n karê ên fə́ne. N sə́re ên bəre kən á bhá gúri Ńtâ Jisos, ka nkúbhi atʉ́ áma, a kô édî,

1 Ane korin, echî 15:1

Atem-abhon-í-nnyen, eê ń tît ên nchot otîp ogyebhá-ḿbə́ŋé Obhasi mbi n sə́re ên nná. Ta o kâm ên na otîp mbí, o gyími ên na ḿbə́ne o jak ên ochî.

1 Ane tesaronika, echî 2:13

E kí kup Obhasi chénchén ebhú fə́ne. Echî aŋ? Nji e kóe otîp obhê e bhák mbâ eyəné, o yûk ên, o kâm ên na ḿbə́ne. O tábhe ên ka a ri eyum Obhasi ka etʉri, ó ka kéré ên se a ri nji ane ngun. A ri eyum Obhasi njí nâ é yimá etûm ka ḿbə́ŋé, ên mba o kíi ên ḿbə́ŋé na yê.

1 Ane tesaronika, echî 4:1

Atem-abhon-í-nnyen, kən é jéghe osêŋ mbí, e kí seŋ nchot ekpin nji e kpíi nná ên sê é gyébha Obhasi ka ḿbə́ŋé. É məŋe sê o ri ên ágo ka ekpin áji, kən êt e kí ko mbiŋ i Ńtâ Jisos é góre ên sê ó yîm ên ekpin njí é jî ochî.

1 Jon, echî 4:14

Ka amə̂t amə́ré e yên Mmon Obhasi, nâ ńjə́ne e kí səre ên fə́ne noŋ atî-isê sê Obhasi Ńsé a tûm Mmon owe ka ngun nnyí se a bhá yim ane á sém.

Ndem~i jon, echî 1:1

Achot í nwet nnyí a ri mma Jisos Krayis a tóŋe jáé mbâ ḿgbán owe Jon. A ri Obhasi yê ḿfoné nâ a karê Jisos achot mmá se a tóŋé ágbán abhê, kən Jisos a tûm áno énjel a bhá toŋe Jon. Achot í nchane á rî á kpê na nji é kí fap ka mkpât ebhú.