Jon, echî 17:3 - Ejagham New Testament

³ Ekpin ótúm-ótúm nji é rî sê ngun á mə́ŋe wâ noŋ mfoné-mfoné Obhasi, á mə́ŋe ə̂m fə́ne, Jisos Krayis, nnyo we o túmi.

Jon, echî 17:3 ပူးပေါင်းရင်းမြစ်များ

Mak, echî 9:37

“Kpe énê nnyo á fi mmon ntʉ́ghi nnyó a kâk ka biji ka mbiŋ amé, a fiî ə̂m áno. Nne nnyo á fi ə̂m, á ka fi ə̂m, mme átíŋ, a fî fə́ne yê nnyo a túmi ə̂m ka nsi nnyí.”

Luk, echî 9:48

A sə́re mân ágbán abhê se, “Kpe énê nnyo á fi mmon ntʉ́ghi nnyó a kâk ka biji ka mbiŋ amé, a fiî ə̂m áno. Nne nnyo á fi ə̂m, á ka fi ə̂m mme átíŋ, a fî fə́ne yê nnyo a túmi ə̂m ka nsi nnyí. Məŋê ên mân sê nne ka ekam ejə́né nnyo o kí kep ên sê kpe ejûm á ka fáp nâ a ri a joé ntûfâm owəné fép.”

Jon, echî 10:36

yê ngá nâ a sáŋe ə̂m a tûm ka ngun, jen mân nji o kí səre ên sê ń tu yê ka ń səre bəre mme Mmon owe?

Jon, echî 11:42

Ḿ məŋe bəre we ó kamá na mme chénchén ebhú. Kən ń chorá áno ka obhô ane mba á gyím nná á fáre, bəre á kâm sê we nâ o túmi ə̂m.”

Jon, echî 14:26

Nkagha-ên-obhô, Obhasi Ebhare Ntʉgantʉ nnyo Ńsé tîk a tûm ka mbiŋ amé, tîk a kpî ên achot chénchén. A kí yim ên fə́ne o tirá chénchén achot mma n sə́re ên.

Jon, echî 17:18

Ekpak nji we o túmi ə̂m ka ngun nâ ekpak nji mme eróŋ ń tum ábho ka ngun.

Jon, echî 17:21

N kí goré bəre deê ábho chénchén á jóe nne yót. Ńsé, ekpak nji mme n di na we, we fə́ne o rî na mme, deê ábho chénchén á chə̂m na êt é chə́bhe nne yót. Tîk ngun á kâm sê we nâ o túmi ə̂m.

Jon, echî 17:23

N kí chəm biji na ábho é jóe nne yót noŋ we o ri na mme. Ka ekpak njí, chénchén ábho tîk á chə́bhe nne yót, achât á bhó joé. Ngun tîk á mə́ŋe mân sê we nâ o túmi ə̂m. Á mə́ŋe fə́ne sê ó kot ábho noŋ o korê ə̂m.

Jon, echî 17:25

“Ńsé, we nnyo ó yimá iyîm ka nnyen-i-mbá, ngun á ká məŋé wâ, kən mme ḿ məŋe wâ. Ágbán mbá eróŋ á kam sê we nâ o túmi ə̂m.

Jon, echî 17:8

Nan? Ḿ kpi ábho okpígha-ejûm mbi ó dʉ̂ mbâ eya. Á ko ḿbə́ne, á məŋe ka etʉri sê n dʉ mbâ eya m bák. Á kam sê we nâ o túmi ə̂m.

Jon, echî 3:17

Á ka túm Mmon owe se a bhá bhibhi achot ka ngun. A túmi yê se a bhá joé nne nnyo a kí yim ngun á sém.

Jon, echî 3:34

Yê nnyo Obhasi a túmi á chorá achot Obhasi, ka Obhasi a káre yê ńtʉgântʉ eye chénchén.

Jon, echî 5:44

O kí yim ên nan ó yûŋ ên ḿbə́ŋé ó kí na Obhasi, nji o noghá ên ngá sê ngun á kât ên. Ó maghe ên ewómóm nkat mbâ mfoné Obhasi.

Jon, echî 6:57

Mfoné Obhasi Ńsé nnyo á kará ekpin nâ a túmi ə̂m. Yê nâ á kará ə̂m ekpin. Kpe énê fə́ne nnyo á di ə̂m, n kí karé yê ekpin njí.

Jon, echî 7:29

Mme nâ m məŋê yê, ka n dʉ mbâ eye. Yê nâ a túmi ə̂m.”

Jon, echî 8:19

Á bhə̂p mân yê sê, “Ńsé owa a ri fan?” Jisos se, “Ó ka məŋé ên ə̂m, kpe Ńsé omé ó ka məŋé ên. Ebhú sê o məŋê ên mme eê, kə́n o kí məŋé ên fə́ne Ńsé omé.”

1 Ane korin, echî 15:34

Deê ó fôn ên íkíkéré ino, maghê ên obhí. A ri ekpatə́m echî eyúbhúm nji etʉ̂ ejə́né ó ka məŋé ên Obhasi.

1 Ane korin, echî 8:4

Nâ ka nchot edíím édî nji á jóme á káre ajom, é məŋe ên ka etʉri sê ajom a ri chichi ejûm ka nsi nnyí. É məŋe ên sê Obhasi a ri yót átíŋ.

2 Ane korin, echî 4:6

A ri Obhasi nnyó nâ a chorê nná se, “Deê ebhát é gbô ka ejírim.” Obhasi nnyó nâ a kaghê êt ebhát ka ḿbə́ŋé se é jóe ebhát oməŋá-ejûm nji é kí toŋe êt ekpak ejík ejê é rúna ka ekpin í Jisos Krayis.

Ane firipi, echî 3:10

Ejûm jə́t nji ń woma a ri eməŋə́m Jisos Krayis, ḿ mə́ŋe fə́ne ikom mfi í rî ka enyəmə́m nji yê a nyəmê ka ekʉ̂. Ń woma ń chə̂m na yê ń yén oseŋe obhê, ń chə́bhe noŋ yê ka ekʉ̂ nji a kpóe.

Ane firipi, echî 3:8

É ká joé sê kpe iyîm mbí átíŋ nâ í táne ə̂m. Chénchén iyîm a ri ntáne, é ká chiŋi ejûm jə́t nji é fáŋe é chîŋ ochíŋ. Ejûm áji é rî sê ḿ mə́ŋe Ntûfâm omé Jisos Krayis. Ka echî ejê, ḿ maghe achot áma fép mbá-njəm bəre a ri achâk, ń jen ń si yê,

1 Ane tesaronika, echî 1:9

Kpe bhaghé énê a kí səre ekpak o fiî ên êt ebhú e bháe ejen ágo. Á kí səre ekpak nji o maghê ên ajom amə́né ó tóp ên Obhasi, sê o kí tʉk ên yê nnyo a ri mfoné-mfoné Obhasi nnyo á kará ekpin.

2 Ane tesaronika, echî 1:8

Ka ofú mbí, a kə́ bha fə́ne na erəmta-ngûn, a bhá kpəré ane mba á ká məŋé Obhasi, na mba á bhó jighi otîp ogyebhá-ḿbə́ŋé obhê.

Ane ibru, echî 3:1

Atem-abhon-í-nnyen, ó fon ên nkiri ka ebhiŋím nji Obhasi a bhiŋî êt ka ósô. Kô ên mân Jisos Krayis noŋ ḿgbán nnyo Obhasi a túmi se a bhá joé ntûfâm akará-agore ka ḿbə́ŋé nnyi e kíi na Obhasi.

2 Pita, echî 1:2

Deê Obhasi a tóŋé ên ekpatə́m onobhá-eji, a karé ên enare esúi-esúi, ka ó məŋe ên yê na Ntûfâm owəré Jisos Krayis.

2 Pita, echî 1:3

Obhasi a kô ekpatə́m ikom ifê a káre êt chénchén nji e wóme kən é fôn ekpin ka ekpak yê a wóme. A yimî ka obhô eməŋə́m nji e məŋê yê. A sáŋe êt se é chə̂m, é mə́ŋe ejík na nnyen erû ejê.

2 Pita, echî 1:8

Nâ ekpin nji o fonê ên efiím. Ó fon ên fə́ne ńjə́ne esúi-esúi, é kí yim ên o jóe ên son-son, ache ó bhó chaghé ên ka nchot i Ntûfâm owəré Jisos Krayis nnyo ó məŋe ên.

1 Jon, echî 1:2

Nne nnyó a bháe a bhâ kúmi na êt, e yên ekpin ejê. Nâ echî e kí səre ên mân mfá-mfá noŋ atî-isê nne nnyó, yê nâ a ri fə́ne ekpin ótúm-ótúm. Nne nnyó a ri kpá na Obhasi Ńsé, kən Ńsé a tûm yê se a bhá kumí na êt.

1 Jon, echî 1:3

Nji e yúghi na atûŋ, e yên na amə̂t, e kí səre ên fə́ne sê ên ó chə̂m na êt ka ochəma-biji mbi e fonê na Ńsé na Mmon owe Jisos Krayis.

1 Jon, echî 2:23

Echî aŋ? Kpe énê nnyo á ka kam se Jisos a ri Mmon Obhasi, á ka fon Ńsé ka ḿbə́ŋé, kən nne nnyo á kam, a fôn Ńsé.

1 Jon, echî 4:6

Kən êt a ri ane Obhasi. Nne nnyo a məŋê Obhasi á korá nchot eyəré eyúghúm, nnyo á ka məŋé á bhó kot. Ka ekpak njí nâ e kí məŋé sê nne nnyó a fôn Ntʉgantʉ nnyo á toŋá yê ḿfoné nchot nnyi Obhasi, ńnyô a fôn ńtʉgântʉ nnyo á rirá yê.

1 Jon, echî 5:20

É məŋe fə́ne eróŋ sê Mmon Obhasi a bhâ. Nji a bháe, a káre êt aron se é mə́ŋe mfoné-mfoné Obhasi. Mfoné Obhasi nchane, nâ ekpin ejə́ré é rî na yê. É rî eróŋ na Mmon owe Jisos Krayis. Ńgyê mfoné Obhasi nchane, yê nâ á kará êt ekpin ótúm-ótúm.