Jon, echî 17:1 - Ejagham New Testament

¹ Jisos a kpo man nchot eye, a yûŋ echî a kêp ósô, a góre Obhasi se, “Ńsé, ebhú é si, yim Mmon owa a fon ejík kən a yîm ejík é bhá mbâ eya.

Jon, echî 17:1 ပူးပေါင်းရင်းမြစ်များ

Mak, echî 14:41

Jisos a mághe ábho a jak. Ebhú a chəbhê njəm ka osúí ntə̂m ésá, a bhə̂p ábho se, “O nyə́ne o yáá ên eyô, o yoá ên biji a? É bhik. Ebhú é si. Ńgyê, á guri Mmon-i-ntem-nne mbâ ane abhí.

Luk, echî 18:13

“Kən mbə́bha-ntí-echî nnyo a gyím ńgô nyáŋé-nyáŋé, ósô á ka kép, a bhî echî ka nsi na nsôn, a kí goré Obhasi se, ‘Obhasi, ri ə̂m nsôn, nyima-obhí noŋ mme.’

Luk, echî 22:53

Ka mfín na mfín, n kúmi na ên ka ókʉ́rí achot Obhasi, o rô fi ên ə̂m jen? Kən atʉ́ mmá a ri ebhú ejə́né na ebhú ikom í Satan, ntûfâm ejírim.”

Jon, echî 11:4

Nji Jisos a yúghi otîp mbí, a chôt se, “Á bhó kpo ka emaŋé njí, kən ejík tîk é jóe é káre Obhasi. Ka obhô emaŋé njí, Mmon Obhasi tîk a fôn ejík.”

Jon, echî 11:41

Á yíghi ntáé nnyí ka nnyo oyəm. Jisos a yûŋ mân amə̂t a kêp ósô, a chôt se, “Ńsé, ń kup wâ ka ó kam na mme.

Jon, echî 12:23

Nji á sə́re yê, a chôt se, “Ebhú é si mân nji á kí karé Mmon-i-ntem-nne ejík.

Jon, echî 13:1

Erom í Ntə̂m Osʉ́ŋ é kət ofú bhə́t. Jisos a mə́ŋe se ebhú é si nji yê a kí maghé ngun nnyí a chəbhé njəm mbâ Ńsé owe. Ka ekumi ejê ka ngun, á korá ane abhê. A korê ábho a jéghe ojeghé.

Jon, echî 16:32

Deê ń sə́ré ên bəre ebhú é kə́ bha, ń tô bəre ta é si chén nji á kí chat ên, kpe énê a jak eye mbá. O kí maghé ên ə̂m átíŋ. Kən ń ka joé mme átíŋ, ka Obhasi Ńsé a ri na mme.

Jon, echî 7:30

A kpo to a chot áno, ane á nôk yê efiím kən kpe nne nnyo a kí raŋ yê obhô cháŋ, ka ebhú ejê é nyə́ne é ká si.

Jon, echî 7:39

Ayép mma Jisos á chorá áno a ri ńtʉgântʉ Obhasi nnyo ane mba á yuŋ ḿbə́ŋé á kî na yê á kí fon. Ta é si ebhú njí, ane á nyə́ne á ká fon ńtʉgântʉ nnyó, ka Obhasi a nyə́ne á ka yuŋ Jisos a karé ekumi otúi.

Jon, echî 8:20

A ri ka ebhú nji Jisos á kpik ane achot ka ókʉ́rí achot Obhasi nâ a chorê achot mmá chénchén. A gyím kpít na eji á kîk ntí a chorá, kən kpe nne nnyo a raŋê yê obhô cháŋ. Echî aŋ? Ebhú ejê é nyə́ne kpá é ká si.

Etûm ágbán~í jisos, echî 3:13

A ri Obhasi Abraham na Isak na Jakop, Obhasi ásé abhə́ré nâ a yimî etûm njí a jíghi ḿgbán owe Jisos. Ḿgbán nnyó nâ o gbîp ên nná o káre ên sê á yúí. O táŋe ên yê kpe ka ebhú Piratus a wóme a nyaŋé yê obhô.

1 Pita, echî 1:21

Ka obhô Jisos Krayis nnyó, ó ki ḿbə́ŋé na Obhasi. A ri Obhasi nâ a yimî yê a nyə́me ka ekʉ̂, a káre yê ejík. Nâ ńjə́ne ó ki ên ḿbə́ŋé na Obhasi, ó məŋe ên sê yê nâ tîk a káre ên nji ó chígha ên.