Jon, echî 16:3 - Ejagham New Testament

³ Á kí yim ên achot mmá, ka kpe Ńsé omé, kpe mme ḿfoné, á ká məŋé.

Jon, echî 16:3 ပူးပေါင်းရင်းမြစ်များ

Luk, echî 10:22

“Ńsé omé a mághe iyîm chénchén ka obhô obhámé. Kpe nne yót nnyo a məŋê ekpin í Mmon cháŋ, é ká chiŋi Ńsé átíŋ. Nne fə́ne kpe yót nnyo a məŋê ekpin í Ńsé cháŋ, é ká chiŋi Mmon na ane fə́ne mba Mmon a sáŋe se á mə́ŋe Ńsé owe.”

Jon, echî 15:21

“Á kí karé ên oseŋe mbí, ka ên a ri ane abhámé. Á ká məŋé yê nnyo a túmi ə̂m.

Jon, echî 15:23

Nne kpe nnyón nnyo á bhan ə̂m, nâ a bhân fə́ne Ńsé omé.

Jon, echî 17:25

“Ńsé, we nnyo ó yimá iyîm ka nnyen-i-mbá, ngun á ká məŋé wâ, kən mme ḿ məŋe wâ. Ágbán mbá eróŋ á kam sê we nâ o túmi ə̂m.

Jon, echî 17:3

Ekpin ótúm-ótúm nji é rî sê ngun á mə́ŋe wâ noŋ mfoné-mfoné Obhasi, á mə́ŋe ə̂m fə́ne, Jisos Krayis, nnyo we o túmi.

Jon, echî 8:19

Á bhə̂p mân yê sê, “Ńsé owa a ri fan?” Jisos se, “Ó ka məŋé ên ə̂m, kpe Ńsé omé ó ka məŋé ên. Ebhú sê o məŋê ên mme eê, kə́n o kí məŋé ên fə́ne Ńsé omé.”

Jon, echî 8:55

Nne owəné nnyo a noghê oməŋé yê cháŋ, kən mme ḿ məŋe. Ń səre bəre ń ka məŋé yê, n kí səre áfúbhí noŋ ên. Ḿ məŋe yê, ń yimá nji yê a wóme na ḿbə́ŋé amé yə́t.

Etûm ágbán~í jisos, echî 3:17

“Atem-abhon-í-nnyen, ḿ məŋe bəre o yimî ên, ó ka məŋé. Kpe ane-echî abhə́né á ká məŋé eróŋ.

1 Ane korin, echî 2:8

Otúi ebhú njí kpe bhə́t mbi ó mə́ŋe ḿbə́ne cháŋ. Á mə́ŋe eê, kə́n á ká kum Ntûfâm ejík ka ego.

2 Ane tesaronika, echî 1:8

Ka ofú mbí, a kə́ bha fə́ne na erəmta-ngûn, a bhá kpəré ane mba á ká məŋé Obhasi, na mba á bhó jighi otîp ogyebhá-ḿbə́ŋé obhê.

1 Timoti, echî 1:13

A kóe ə̂m se ḿ bik, á ka kí echî se ebhú áji ń chorá obhí m kpek na yê, n yúá ane abhê, n túk yê. Kən Obhasi a rî nsôn a sû obhí obhámé. Echî é rî sê ebhú áji ń ka kí ḿbə́ŋé na yê, ń ka məŋé nji ń yimá.

1 Jon, echî 2:23

Echî aŋ? Kpe énê nnyo á ka kam se Jisos a ri Mmon Obhasi, á ka fon Ńsé ka ḿbə́ŋé, kən nne nnyo á kam, a fôn Ńsé.

1 Jon, echî 3:1

Kére ên mân ekpatə́m okot mbi Obhasi Ńsé a fonê na êt nji ta a chə́bhe a bhiŋá êt abhon abhê. Ka etʉri, êt a ri abhon Obhasi. Ane ngun á ká məŋé êt noŋ abhon Obhasi, ka kpe Obhasi Ńsé yê ḿfoné ábho á ká məŋé.

1 Jon, echî 4:8

Nne kpe nnyón nnyo á ka kot ntem, nâ á ka məŋé Obhasi, ka Obhasi nâ okot.

1 Jon, echî 5:20

É məŋe fə́ne eróŋ sê Mmon Obhasi a bhâ. Nji a bháe, a káre êt aron se é mə́ŋe mfoné-mfoné Obhasi. Mfoné Obhasi nchane, nâ ekpin ejə́ré é rî na yê. É rî eróŋ na Mmon owe Jisos Krayis. Ńgyê mfoné Obhasi nchane, yê nâ á kará êt ekpin ótúm-ótúm.