Jon, echî 15:4 - Ejagham New Testament

⁴ Nâ yâk ên mân na mme, mme fə́ne tîk n yâk na ên. Ekpak nji ndâp á bhó joé ka biji ibhê ta a bhá chiŋ a kap, a ri a yák na esə́n-étí, ên eróŋ ó bhó bhik ên ekabhám ta o yâk ên na mme.

Jon, echî 15:4 ပူးပေါင်းရင်းမြစ်များ

Matiyu, echî 12:33

“Kən nne a fon nnyen i nkap ka étí, étí áji é rî é jóe nono. Étí nkap é ro joé nono, nkap eye fə́ne á bhó nop. Ane á kí riŋí étí ka nkap nnyi a kí dʉ ka ńjə́ne.

Luk, echî 8:15

Nnyi a gboê mân ka nsi édî nâ ane mba á kí yuk otîp Obhasi, á tábhe ḿbə́ne na ḿbə́ŋé ábho jáé, á kaghá biji sê á nôk ta á káre nnyen i nkap.”

Jon, echî 14:20

Ofú ábhi ó si, tîk o mə́ŋe ên mân sê mme na Ńsé a ri nne yót. O kí məŋé ên fə́ne sê mme na ên a ri nne yót.

Jon, echî 17:23

N kí chəm biji na ábho é jóe nne yót noŋ we o ri na mme. Ka ekpak njí, chénchén ábho tîk á chə́bhe nne yót, achât á bhó joé. Ngun tîk á mə́ŋe mân sê we nâ o túmi ə̂m. Á mə́ŋe fə́ne sê ó kot ábho noŋ o korê ə̂m.

Jon, echî 6:56

Nne nnyo á di biji ibhámé, a gwô agyʉ́ŋ amámé, ekpin ejê é rî na mme, mme fə́ne n di ka ekpin ejê.

Jon, echî 8:31

Jisos a sə́re mân ane Jus mba á yúŋi ḿbə́ŋé á kî na yê se, “Nne nnyo á yim ka ekpak ń səra ên nâ a ri mfoné-mfoné ntóbhá omé.

Etûm ágbán~í jisos, echî 11:23

Nji Banabas a jiî, a yên yê ḿfoné se Obhasi a tóŋe onobhá-eji na ábho, é gyébhe yê kpe-eji. A kâk ábho ḿbə́ŋé á gyími na Ńtâ Jisos na osoná-ḿbə́ŋé.

Etûm ágbán~í jisos, echî 14:22

Á jená á fará ngûm nnyí á kaghá atóbhá Jisos ḿbə́ŋé. Á səra ábho sê á kâ mághe nchot Obhasi. Sê a ri achot mma á tə́ma áno ábho etî-etî nâ nne a ri a yén kən a gyé otúi Obhasi.

2 Ane korin, echî 13:5

Deê ó kép ên kpá biji ibhə́né, ó yén ên ájoé o ri ágo o fik ên ka ḿbə́ŋé nnyi o kíi ên na yê. Gaê kpá biji ibhə́né. Ó bhó yen ên tîk sê Jisos a ri na ên a? Áfo təm nâ ó gbo ên egaé áji.

Ane garasiya, echî 2:20

A ri noŋ m kpóe na Jisos Krayis ka ego. Nâ mfá-mfá, ekpin nji m fonê, ejámé asík, kən a ri nji Krayis nnyo a ri ə̂m ka biji. Ḿ foná ekpin njí mfá-mfá ka ń ki ḿbə́ŋé na Mmon Obhasi nnyo a korê ə̂m, a káre ekpin ejê se ń sém.

Ane efesus, echî 3:17

N kí goré yê bəre a yim Jisos Krayis a joé ka ḿbə́ŋé eyəné, ka ó ki ên ḿbə́ŋé na yê. N kí goré fə́ne bəre deê ó kôt ên atem. Ó kot ên atem, o kí gyimi ên akát á sî nsi noŋ étí nji arʉk amê á gye ka nsi nnyen egyéém. O kí son ên noŋ njû nnyi ndéné a sonê oson.

Ane firipi, echî 1:11

Tîk o fôn ên ekpin nji é rî ka nnyen-i-mbá nji é dʉ̂ mbâ Jisos Krayis, kən ejík na nkat í jóe í káre mbâ Obhasi.

Ane korose, echî 1:23

É kí joé ka ekpak njí ájoé ó ka maghé ên ḿbə́ŋé ekíím na yê, o rî ên son-son, ache ó ka chághé ên ka achot amê. Tîk é jóe fə́ne ka ekpak njí, ájoé ó ka tʉ ên biji ó yíghi ka ejûm nji a kpíi ên na ekpak á sə́re ka otîp ogyebhá-ḿbə́ŋé obhê. Otîp mbí mbi á sə́re nná mbâ ane chénchén ka ngun, nâ mme, Pol, n chə́bhe áno n sə́rá.

Ane korose, echî 1:27

Obhasi nâ a korê se yê a yim ngun a mə́ŋe sê otîp obhê mbi ó jóe nná ka ebhə̂t a ri mfoné-mfoné ekpatə́m ejûm. Otîp mbí ó rî sê Jisos Krayis a ri ên ka ḿbə́ŋé. Nâ é fap sê tîk o kúmi ên na yê ka eji ejík.

Ane korose, echî 2:6

Nâ mân ka ekpak nji o kóe ên Jisos Krayis sê nâ Ntûfâm owəné, choŋ ên ochî, yimâ ên ekpin nji é kí toŋe sê ó chəm ên na yê.

1 Ane tesaronika, echî 3:5

Mme Pol, ń ka kpó kəp ḿbə́ŋé, nâ ńjə́ne n yighî Timoti n tûm bəre a bhá yen ájoé ḿbə́ŋé eyəné á nyə́ne na Jisos. A ri n kí fup bəre Satan a kâ yîm ó yíghi ên ḿbə́ŋé, etûm ejə́ré é tán ka chichi.

Ane ibru, echî 10:39

Kən êt é ka joé mbá á tʉ̂k áno biji, á kpok á tana. Êt é ki ḿbə́ŋé é sem.

1 Jon, echî 2:6

Ájoé ó səre se ekpin ejâ é kí kət na yê, deê ó mə́ŋe se o ri ágo o yimá ekpin ekan-ékân noŋ Jisos Krayis a yimî.

2 Jon, echî 1:9

Kpe énê nnyo á bhó top okpígha-ejûm í Krayis, kən a kí toŋâ se yê a mə́ŋe a chîŋ, nâ á ka fon Obhasi ka ḿbə́ŋé. Kən nne nnyo a kí tobhâ okpígha-ejûm mbí, nâ a fonê Obhasi Ńsé na Mmon owe ka ḿbə́ŋé.