Jon, echî 15:2 - Ejagham New Testament

² Kpe nnyə́n ndâp nnyi á bhó kap, Ńsé omé a kí gbut a yíghi. A tʉ́ri ndâp nnyi á kabhá okap se a kap a kpe okpe.

Jon, echî 15:2 ပူးပေါင်းရင်းမြစ်များ

Matiyu, echî 13:12

Echî aŋ? Nne nnyo a fonê ofon, á kí kpe yê é chíŋi mân obhô, kən yê nnyo á ka fon, kpe mkpât nnyi a fonê áno, á kí tabhé.

Matiyu, echî 13:33

A kpô túp egan etat a káre ábho se, “Otúi Obhasi ó rî noŋ yîs nnyi nne-nkáé a kí yim brêt a kô a kpê na fráwa brêt, a chə́bhe ta a nʉ̂t a súi ngûm.”

Matiyu, echî 15:13

Jisos a táme ábho se, “Kpe njə́n étí nji Ńsé omé ka ósô á ka bhe, á kí yəp á bhûm.

Matiyu, echî 21:19

A yên étí fîk ka mkpe mbá, a yáre a jak a jí kep ájoé kpe ejûm é rî, yê a bhóŋ a dí. Kən a kpô sí ka ndə́p étí ányi, kpe ejûm ka ósô á ka yén təm ájé-ájê áma. A sə́re étí njí se, “Nkap ó ro kpo fon ta ngun a mân.” Nji a chorê nná, etʉri-étʉ́ri áji, étí njí é kpô é mân oman.

Matiyu, echî 25:29

Echî aŋ? Kpe bhaghé nne nnyo a fonê ofon, á kí kpe yê é chíŋi mân obhô. Kən yê nnyo á ka fon, kpe mkpât nnyi a fonê áno, á kí tabhé.

Matiyu, echî 3:10

Kpe mfá-mfá, efúk é rî ka obhô nji á kí gbut átí na arʉk-arʉk, á túp ka nsi. Kpe njə́n étí mân nji é ká kap nnyen i nkap, á kí gbut á túp ka erəmta-ngûn.

Matiyu, echî 3:12

A fî nchekere nnyi tîk a châk átép a yíghi ka nkap eye. Á chak, a kí ko mfoné nkap a kî ka ókpáré, a ríghi átép ka ngûn mmi etánám, ḿ bó tan.”

Matiyu, echî 7:19

Kpe njə́n étí mân nji é ká kap nnyen i nkap, á kí gbut á túp ka erəmta-ngûn.

Mak, echî 4:20

Mân ane mba tat mba á yúghi otîp mbí, á kâm nnyen ekamám na ḿbə́ŋé ábho á rî noŋ nkap nnyi a gboê ka nsi-édî, kən a kâp fə́ne ka ńgyímí ka ńgyímí. Nji á bhóŋe, etʉ̂ nsə́n a káre aməghe esam njəm ófó, etʉ̂ nsam ésá, etʉ̂ nsam érôn.”

Luk, echî 8:13

Nnyi a gboê ka ngûm atáé-átáe nâ ane mba á kí yuk otîp Obhasi, á kô ḿbə́ne na ogyebhá-ḿbə́ŋé. Kən otîp mbí ó bhó fon arʉk ka ḿbə́ŋé ábho. Ekamám ábho é bhó rap mbá. Ka nan? Ebhú egaé é bha, á kí tʉ biji.

Jon, echî 15:1

Jisos se, “Mme nâ n di mfoné-mfoné esə́n-étí, Ńsé omé ntʉrá-tʉ́rá.

Jon, echî 15:16

Ên asík o sáŋe ə̂m, mme nâ n sáŋe ên n tûm bəre ó jí yîm ên etûm ejámé. Etûm nji o kí yim ên, é bhó bhip ka ótúm-ótúm. Ka ekpak njí, Ńsé omé tîk a káre ên kpe bhaghé ejûm nji o bhə́bhe ên yê ka mbiŋ amé.

Jon, echî 15:3

Kən ên, ta á tʉri á ki na otîp mbi ń kará ên nná.

Jon, echî 15:6

Kpe énê nnyo á ka kə́t na mme, a ri noŋ ndâp-étí nnyi á gbut á yighi. A kí kpo. Arâp chénchén mma á gbut nná, á kí chəmé á tûp ka ngun, á ríghi.

Jon, echî 15:8

Ájoé o kí fon ekpin nji Obhasi a korê, tîk ejík é jóe mbâ Ńsé omé. Ka ekpak njí, o kí joé ên ane mba á kí top ə̂m.

Jon, echî 17:12

Ebhú n di na ábho n kí bhabhe ábho na ikom í mbiŋ eya nnyi o karê ə̂m. Ḿ fi ábho nnyen efiím, kpe nne ábho yót á ka tán é ká chiŋi nnyo a fonê ka etánám. A tân fə́ne noŋ á séŋe ka nwet eya.

Ane rom, echî 11:17

Ên ane nték ajéné, o ri ên noŋ arâp mma á dʉ̂ ka étí órif nji é kúa ka etə́m, kpe nne nnyo a bheê cháŋ. Á gbut arâp étí órif nji nne a bheê obhe, á yighi, á ko arâp mma étí nji nne á ka bhe, á to. Mfá-mfá ó chəm ên o kí di ên onono mbi ó dʉ̂ ka étí nji nne a bheê obhe. Étí njí é rî nâ enare nji Obhasi a karê ane Jus.

Ane rom, echî 11:22

Deê ó mə́ŋe ên mân sê ebhú etat Obhasi a kí toŋe onobhá-eji. Kən ebhú etat, nsôn cháŋ. Obhasi á bhó toŋe nsôn mbâ ane mba á gbo. Kən a kí toŋe onobhá-eji mbâ eyəné ájoé ó kət ên o tóbhá okot obhê. Kən se ó ka yim ên ka ekpak njí, tîk á gbût ên eróŋ á yíghi.

Ane rom, echî 8:28

É məŋe sê ka chénchén achot, Obhasi a kí yim onono ó tôp ane mba á kóre yê, mba yê a sáŋe a bhîŋ ka ejûm nji yê a chimî.

1 Ane korin, echî 13:1

Kpe m fonê ikom mfi n kí chot nyum i nték chénchén ka ngun, kpe ń yugha nyum i nchot baénjel, ń do fon okot na atem-ane, n di noŋ ebhuk nji é kára ejok. N di noŋ ńkánínká nnyi á bhó gyebhé eyum.

Tayitus, echî 2:14

Yê nâ a káre ekpin ejê ka echî ejə́ré se a yighí êt ka obhí chénchén, a sû ḿbə́ŋé eyəré é jóe ane abhê mba á kóra ono eyimím.

Ane ibru, echî 12:15

Nôk ên ekpak nji nne kpe yót á bhó kət nnyo á ka fon onobhá-eji Obhasi. Deê kpe oyámá-ḿbə́ŋé bhə́t ó kâ fâp, ó bhá na okpóŋe ka ekam ejə́né. Ntʉ́ghi okpóŋe mbí ó kí yim ane etî-etî á fôn ekpin akôp.

1 Jon, echî 2:19

Ane-ebhan mbá á dʉ̂ ka ekam ejə́ré, kən kpe ofú bhə́t á ká fon ḿbə́ŋé ábho yə́t na êt. Nâ ńjə́ne á mághe êt, ka ájoé sê á fóne ḿbə́ŋé yə́t na êt, kə́n á ká maghé êt. Emaghám ábho é toŋe jáé sê ábho á ká joé ane abhə́ré kpe ka ofú bhə́t.

Ndem~i jon, echî 3:19

A ri ane mba ń kot nâ ń toŋa áno obhí ábho, m kpərá ábho bəre á yóŋé ḿbə́ŋé ka etʉri, á mághe obhí ábho.