Jon, echî 14:3 - Ejagham New Testament

³ Ń ji, ń jí tʉ́ri eji ń kí ên. Tîk n chə́bhe njəm m bâ kô ên o jóe ên na mme, ka eji n di.

Jon, echî 14:3 ပူးပေါင်းရင်းမြစ်များ

Jon, echî 12:26

Nne nnyo á wóm ə̂m etʉ́ghʉ́m, a ri a tóp ə̂m. Chénchén ágbán abhámé á kí joé ka eji mme ḿfoné n di. Ńsé omé tîk a jíghi nne nnyo a kí tʉk ə̂m.”

Jon, echî 14:28

“Ń səre ên bəre n kí ji, kən tîk n chə́bhe njəm m bák mbâ eyəné. Ájoé ó kot ên ə̂m, kə́n o kí fon ên ogyebhá-ḿbə́ŋé nji ó yuk ên sê n kí ji mbâ Ńsé omé, ka Ńsé omé a fâŋ a chíŋi ə̂m.

Jon, echî 14:4

Ó məŋe ên noŋ o kí yim ên kən ó sí ka eji ń jak.”

Jon, echî 17:24

“Ńsé, n kí wom bəre ábho mbá mba o karê ə̂m á jóe na mme ka eji n di kən á yena ejík nji o karê ə̂m, ka o korê ə̂m okot kən kpe ngun a róghé.

Etûm ágbán~í jisos, echî 1:11

Á bhə̂p ágbán mbá sê, “Ane-arûm í Gariri, o gyím ên jen o kébhá ósô? Jisos nnyó yót nnyo á kóe áno á jak nnyi ósô, a kí kpo chəbhé njəm a bhá ka ekpak nji o yéne ên yê áno a jak.”

Ane rom, echî 8:17

Ka eji e ri abhon abhê, tîk e fôn énoê iyîm mbi yê a kíi mbâ ane abhê. Tîk e chə̂m fə́ne na Jisos Krayis e fôn nji Obhasi a kíi yê. E kí chəm na Jisos Krayis ka bhaghé ngyím? Ájoé é fon nkiri ka oseŋe obhê, e kí fon fə́ne nkiri ka ogyebhá-ḿbə́ŋé obhê.

Ane firipi, echî 1:23

N di nə́mé-nə́mé ka ḿbə́ŋé. Ekʉ̂ é nôp é chîŋ, m mághe ngun nnyí, ń jóe na Jisos Krayis.

2 Ane tesaronika, echî 1:12

É gorá áno sê deê Ntûfâm owəré Jisos Krayis a fon ejík ka obhô obhə́né, ên fə́ne ó fôn ên ejík ka ochî obhê. Chénchén mbí í kí fap ka yê na Obhasi owəré á toŋe êt onobhá-eji.

2 Timoti, echî 2:12

Ájoé e kí kəbhâ ḿbə́ŋé ka oseŋe obhə́ré, tîk e kúmi fə́ne atúi-ofâm noŋ yê. Ájoé é taŋé yê, yê a kí taŋé êt eróŋ.

Ane ibru, echî 9:28

nâ noŋ fə́ne é rî na Jisos Krayis. Nji a kpóe áno ntə̂m ányi yə́t se yê a yighí obhí ane etî-etî, a kí kpo bha ka osúí ntə̂m ébháe. Kən á ka bhá se yê a bhá kpo bhup nchot obhí. A kə́ bha se yê a bhá yim ane mba á chígha yê, á sém.

Ndem~i jon, echî 3:21

“Nne nnyo á fon érûm ka achot mmá, tîk n kâm yê a kúmi na mme ka ekumi otúi ejámé. Nâ ekpak fə́ne nji mme ḿfoné m fonê érûm, n kúmi na Ńsé omé ka ekumi otúi ejê.