Jon, echî 13:5 - Ejagham New Testament

⁵ A kô ayép a kâk ka ékpáŋkpáŋ abhô, a róghe akát ágbán abhê esuúm a fóná na íkpáŋ mfí.

Jon, echî 13:5 ပူးပေါင်းရင်းမြစ်များ

Luk, echî 7:38

A jî gyími mbâ Jisos a kíi akát, a rʉ́rá, obhə́bhe ó təbhá Jisos ka akát. A kô mân nnyʉ̂ echî eye a fóná obhə́bhe mbí ka akát í Jisos. A kpo to a fón, a fî akát amê na okot a kô mân akʉ́ mmá a fûk ka ḿmáne.

Luk, echî 7:44

A kpíghi mân a kêp nne-nkáé nnyó a sə́re Simun se, “Ó yen nne-nkáé nnyó a? M báe ka njû eya, ó ka karé ə̂m ayép mme ń sû akát, kən yê a sû akát amámé na obhə́bhe obhê, a fôn na nnyʉ̂ echî eye.

Jon, echî 13:10

Jisos se, “Kpe énê nnyo a yumî ayép, á ka kpó fon akôp. Ayép etat a rô yumí təm akát esuúm. Chénchén ên kpe nnyo a fonê akôp cháŋ təm nne owəné yót.”

Jon, echî 13:6

Kən a kpô sí se yê a su mma Simun Pita, Simun Pita a bhə̂p yê se, “Ntûfâm, o kí su ə̂m akát eróŋ á?”

Jon, echî 13:8

Pita se, “Kpák, we asík ó bhak ə̂m akát osu.” Kən Jisos se, “Ó ro kam ń sû wâ akát, ó ro joé ḿgbán omé.”

Jon, echî 19:34

Kən nne ábho yót a jə̂m mkpe egbaŋe Jisos na érôp, agyʉ́ŋ na ayép á fə̂m fə́ne ntə̂m yə́t.

Etûm ágbán~í jisos, echî 22:16

Ó chighá mân jen? Duî ngyím, á fúk wâ ayép, á sû obhí obhâ á yíghi ka nji ó kam ka mbiŋ eye.’

1 Ane korin, echî 6:11

Nâ noŋ etʉ̂ ên o ri ebhú áji. Kən ka mbiŋ i Ńtâ Jisos Krayis na ka obhô Obhasi Ebhare Ntʉgantʉ, á sû ên á yighi ka obhí mbí. Á sâŋ ên sê o kâ fôn ên akôp, Obhasi a kô ekpin ejə́né se é rî ka nnyen-i-mbá.

Ane efesus, echî 5:26

Se yê a yim atóbhá echəme ejê, á kâ fôn ekpin akôp ka ochî Obhasi nji a kóe eyum í nnyo ejê a sû ábho á bhât na ayép.

1 Timoti, echî 5:10

A ri a joé nne-nkáé nnyo á mə́ŋe yê sê á yimá ekpin eno, a gyek abhon abhê a tóŋá nnyen-i-mbá, a fik ajéné, a jíghá ane Obhasi ekpatə́m, a nyáŋá ane mba á rî ka oseŋe, a kará biji a yimá chénchén nji é rî nono.

Ane ibru, echî 10:22

deê mân é jî é kpíri Obhasi na mfoné ḿbə́ŋé eyəré jáé nnyi e kíi na yê, efup é ka fon. É jî é kpíri yê na ḿbə́ŋé eyəré nnyi á su, nsôn é ro kpó fon sê é yim obhí. Á su fə́ne biji ibhə́ré na ayép mma á ká fon akôp ka ochî Obhasi.

1 Jon, echî 1:7

Kən ájoé ekpin ejə́ré é kí jen ka ebhát nji Obhasi yê ḿfoné a ri, nâ é fon ochəma-biji na atem. É joé ekpak njí, nâ agyʉ́ŋ mma Mmon owe Jisos Krayis, á rî ágo á suk chénchén obhí obhə́ré á yighá.

1 Jon, echî 5:6

A ri Jisos Krayis nâ a bháe ka nsi nnyí. A bháe ka mbá ayép mma á kóe á fûk yê na fə́ne agyʉ́ŋ amê mma á gbóe ka nsi. Á ka bhá ka mbá ayép a mághe agyʉ́ŋ, a bháe ka ayép na agyʉ́ŋ eróŋ. Obhasi Ebhare Ntʉgantʉ a kí toŋe êt fə́ne se achot mmá a ri ka echî, ka yê á bhó səre áfúbhí.

Ndem~i jon, echî 1:5

Ó dʉ̂ fə́ne mbâ Jisos Krayis, ntî-isê nnyo á bhó səre áfúbhí, ndaŋa-mbá Mmon ojî nnyo a nyəmê ka ekʉ̂, Ntûfâm nnyo a fonê chénchén atúi-ofâm í ngun. Deê ejík é jóe fə́ne é káre yê nnyo a tóŋe êt okot, a kô agyʉ́ŋ amê a yîm êt é sem ka obhí obhə́ré.

Ndem~i jon, echî 7:14

N sə́re yê bəre, “Ńsé, we ó məŋe.” A chôt mân se, “Ane mbá nâ mba á dʉ̂ nná ka ekpatə́m oseŋe. Á su ḿfô ábho na agyʉ́ŋ í Mmon-i-njo-mbúi nnyó, á chəbhe á bhara kpáŋ.