Jon, echî 13:3 - Ejagham New Testament

³ Jisos a mə́ŋe se Ńsé owe a káre yê ikom chénchén. A mə́ŋe se yê a dʉ mbâ Obhasi Ńsé, a kí chəbhé fə́ne njəm mbâ eye.

Jon, echî 13:3 ပူးပေါင်းရင်းမြစ်များ

Matiyu, echî 11:27

“Ńsé omé a mághe iyîm chénchén ka obhô obhámé. Kpe nne yót nnyo a məŋê ekpin í Mmon cháŋ, é ká chiŋi Ńsé átíŋ. Nne fə́ne kpe yót nnyo a məŋê ekpin í Ńsé cháŋ, é ká chiŋi Mmon na ane fə́ne mba Mmon a sáŋe se á mə́ŋe Ńsé owe.

Matiyu, echî 28:18

Jisos a tên biji á kpúghi ábho a sə́re ábho se, “Á kare ə̂m chénchén ikom ka ósô na ka nsi.

Luk, echî 10:22

“Ńsé omé a mághe iyîm chénchén ka obhô obhámé. Kpe nne yót nnyo a məŋê ekpin í Mmon cháŋ, é ká chiŋi Ńsé átíŋ. Nne fə́ne kpe yót nnyo a məŋê ekpin í Ńsé cháŋ, é ká chiŋi Mmon na ane fə́ne mba Mmon a sáŋe se á mə́ŋe Ńsé owe.”

Jon, echî 1:18

Kpe nne nnyo a nok oyén Obhasi cháŋ. Kən Mmon owe yót-ayorâ nnyo a ri Obhasi Mmon nâ a yimî se ane á mə́ŋe Obhasi. Mmon nnyó nâ a ri obhô-orûm obhê.

Jon, echî 13:1

Erom í Ntə̂m Osʉ́ŋ é kət ofú bhə́t. Jisos a mə́ŋe se ebhú é si nji yê a kí maghé ngun nnyí a chəbhé njəm mbâ Ńsé owe. Ka ekumi ejê ka ngun, á korá ane abhê. A korê ábho a jéghe ojeghé.

Jon, echî 17:2

We nâ o karê ə̂m ikom í ngun nnyi ndə́m se ń káre ekpin ótúm-ótúm mbâ chénchén ane mba o karê ə̂m.

Jon, echî 3:13

Məŋê ên sê nne kpe yót nnyo a nok oji ka ochî Obhasi cháŋ təm Mmon-i-ntem-nne nnyo a dʉ ágo a bhák.

Jon, echî 3:35

Obhasi Ńsé a kôt Mmon owe, a káre achot chénchén ka obhô obhê.

Jon, echî 7:29

Mme nâ m məŋê yê, ka n dʉ mbâ eye. Yê nâ a túmi ə̂m.”

Jon, echî 7:33

Kən Jisos a sə́re ane se, “Ebhú é ká kpo rap nji n kí joé na ên kən ń chə́bhe njəm mbâ nne nnyo a túmi ə̂m.

Jon, echî 8:14

Jisos a táme se, “Kpe é joé sê n kí ko biji ibhámé ntî-isê, nji ń chorá é rî ka echî. Ka nan? Ḿ məŋe mbá n dʉ na mbá ń jak, kən ên ó ka məŋé.

Jon, echî 8:42

Jisos se, “Ebhú sê Obhasi nâ a ri Ńsé owəné ka etʉri, kə́n o fôn ên okot na mme, ka n dʉ mbâ Obhasi m bák mfá. Mme asík ka biji ibhámé n sə́re bəre n kə́ bha. Yê nâ a túmi ə̂m.”

Etûm ágbán~í jisos, echî 2:36

“Deê mân ane Isrel ndə́m á mə́ŋe sê Obhasi a yîm Jisos nnyo o kúmi ên ka ego, Ntûfâm. A yîm yê fə́ne Krayis, nne nnyo a túmi se a bhá yim ngun á sém.”

1 Ane korin, echî 15:27

Á séŋe sê, “Obhasi a kî chénchén iyîm ka óséré obhê.” Á to sê chénchén ejûm é chə́bhe ka óséré Jisos Krayis, á ká səre sê Obhasi eróŋ a ri, ka a ri Obhasi nâ a yimî se chénchén iyîm mbí í jóe ka óséré obhê.

Ane ibru, echî 1:2

Kən mfá-mfá, nji é rî nâ ebhú ngun a kə́ bha oman, Mmon owe nâ á səra êt nji Obhasi a chorê. A ri Mmon nnyó nâ Obhasi a sáŋe se iyîm chénchén í jóe ibhê. É dʉ̂ fə́ne ka Mmon nnyó kən Obhasi a yîm ngun.