Jon, echî 13:1 - Ejagham New Testament

¹ Erom í Ntə̂m Osʉ́ŋ é kət ofú bhə́t. Jisos a mə́ŋe se ebhú é si nji yê a kí maghé ngun nnyí a chəbhé njəm mbâ Ńsé owe. Ka ekumi ejê ka ngun, á korá ane abhê. A korê ábho a jéghe ojeghé.

Jon, echî 13:1 ပူးပေါင်းရင်းမြစ်များ

Matiyu, echî 26:45

A chə́bhe njəm a bhâ kpúghi ágbán abhê ka eyô. A bhə̂p ábho se, “O nyə́ne o yáá ên eyô, o yoá ên biji a? Ńgyê, ebhú nchane é si, á guri Mmon-i-ntem-nne mbâ ane abhí.

Matiyu, echî 28:20

Kpî ên ábho á yîm chénchén nji n sə́re ên. Məŋê ên, ên áfoné, sê n kí joé na ên chénchén ebhú ta ngun a mân.”

Luk, echî 22:53

Ka mfín na mfín, n kúmi na ên ka ókʉ́rí achot Obhasi, o rô fi ên ə̂m jen? Kən atʉ́ mmá a ri ebhú ejə́né na ebhú ikom í Satan, ntûfâm ejírim.”

Luk, echî 9:51

Mfín a kí kpiri nnyi Jisos a kí chəbhé njəm nnyi ngun Obhasi, a tími se yê a kí ji Jerusarem. A jak fə́ne.

Jon, echî 11:55

Erom í Ntə̂m Osʉ́ŋ é kpiri. Ane etî-etî á maghe á ji nnyi Jerusarem sê á jî sû biji kən á dí erom áji.

Jon, echî 12:23

Nji á sə́re yê, a chôt se, “Ebhú é si mân nji á kí karé Mmon-i-ntem-nne ejík.

Jon, echî 13:29

Echî aŋ? Juda nâ á fik ntí. Atem á kí kere mân sê Jisos á səra yê se a nam iyîm mbi ábho á wóme ka erom. Na kpe é rô joé áno, nâ ebhú tat Jisos a sə́re Juda se a karé mkpât ejûm mbâ akpák.

Jon, echî 13:3

Jisos a mə́ŋe se Ńsé owe a káre yê ikom chénchén. A mə́ŋe se yê a dʉ mbâ Obhasi Ńsé, a kí chəbhé fə́ne njəm mbâ eye.

Jon, echî 13:34

N kí karé ên ebhín efê, bəre ó kôt ên atem. Ekpak nji mme n korê ên, kot ên atem.

Jon, echî 14:28

“Ń səre ên bəre n kí ji, kən tîk n chə́bhe njəm m bák mbâ eyəné. Ájoé ó kot ên ə̂m, kə́n o kí fon ên ogyebhá-ḿbə́ŋé nji ó yuk ên sê n kí ji mbâ Ńsé omé, ka Ńsé omé a fâŋ a chíŋi ə̂m.

Jon, echî 14:31

Kən ngun á rî á mə́ŋe sê ń kot Ńsé omé. Á rî á mə́ŋe sê ń yimá áno ka ekpak nji yê a sə́re ə̂m se ń yîm. Bhák ên é jî.”

Jon, echî 16:28

N dʉ mbâ Obhasi Ńsé m bák ka ngun nnyí. Mfá-mfá n kí maghé ngun nnyí ń chə́bhe njəm mbâ eye.”

Jon, echî 17:1

Jisos a kpo man nchot eye, a yûŋ echî a kêp ósô, a góre Obhasi se, “Ńsé, ebhú é si, yim Mmon owa a fon ejík kən a yîm ejík é bhá mbâ eya.

Jon, echî 17:16

Ábho á rî noŋ mme, ane ngun asík.

Jon, echî 17:26

Ń yim ábho á məŋe wâ. N kí kət n yimá ábho á mə́ŋe wâ kən okot mbi o fonê na mme ó jóe na ábho eróŋ. Mme fə́ne ń jóe na ábho.”

Jon, echî 17:5

Ńsé, yim ə̂m ḿ fôn ejík ka ochî obhâ mfá-mfá, ekpak ejík nji m fonê ebhú áji kən kpe ngun a róghé.”

Jon, echî 18:4

Jisos a mə́ŋe chénchén nji é bhâk ofáp, a chêm a kpúghi ábho, á bhə̂p se, “Ó woma ên énê?”

Jon, echî 19:28

Ḿma á kpó chiŋ, Jisos a mə́ŋe se nchot a mân. Ka ejeghém achot mma á séŋe ka nwet Obhasi a chôt se, “Ayép á kí kot ə̂m.”

Jon, echî 2:13

Ebhú erom í Ntə̂m Osʉ́ŋ ane Jus é kə́ bha osí, Jisos a yə̂p a jak Jerusarem.

Jon, echî 6:4

Nâ mfín nnyi erom í Ntə̂m Osʉ́ŋ.

Jon, echî 7:30

A kpo to a chot áno, ane á nôk yê efiím kən kpe nne nnyo a kí raŋ yê obhô cháŋ, ka ebhú ejê é nyə́ne é ká si.

Jon, echî 7:6

Nji á chóre nchot nnyí, Jisos a sə́re ábho se, “Ebhú ejámé é nyə́ne é ká si, kən ejə́né é rî kpe bhaghé ebhú.

Jon, echî 8:20

A ri ka ebhú nji Jisos á kpik ane achot ka ókʉ́rí achot Obhasi nâ a chorê achot mmá chénchén. A gyím kpít na eji á kîk ntí a chorá, kən kpe nne nnyo a raŋê yê obhô cháŋ. Echî aŋ? Ebhú ejê é nyə́ne kpá é ká si.

Ane rom, echî 8:37

Kən kpe na achot mmá fép, érûm a ri ejə́ré. E fonê ńjə́ne ka obhô yê nnyo a tóŋe êt okot.

1 Ane korin, echî 1:8

Yê fə́ne tîk a yîm o gyími ên akát á sî ên nsi ta ntə̂m a sî. Tîk é dʉ̂ áfo, á bhó yen kpe obhí ka ekpin ejə́né ka ofú Ńtâ Jisos Krayis ábhi.

Ane ibru, echî 3:14

Ń chorá áno, ka e kí chəm na Jisos Krayis ájoé é fi ka ḿbə́ŋé nnyi e kíi na yê ka eróghá-ndə́p tata é sí ntə̂m.

Ane ibru, echî 3:6

Kən Jisos Krayis a yimî etûm na ḿbə́ŋé eye fép noŋ Mmon nnyo á kebha njû Ńsé owe, Obhasi. Êt nâ e ri noŋ njû eye ájoé é ka yighí ḿbə́ŋé, amə̂t amə́ré á nyə́ne ka ejûm nji yê a sə́re se tîk a yîm a káre êt.

Ane ibru, echî 6:11

E kí wom sê kpe nnyón nne owəné, a nok ta a sí ntə̂m, a kâ yíghi ḿbə́ŋé. Ka ekpak nji, tîk nne a fôn ejûm nji Obhasi a chimî.

1 Pita, echî 1:13

Nâ fiî ên mân biji ibhə́né ka o fonê ên etûm eyimím. Kî ên ḿbə́ŋé eyəné nyamḿ. Deê chénchén íkíkéré ifə́né í jóe ka esémém ejə́né noŋ ekəp nji Obhasi a kíi ên ebhú á toŋe Jisos Krayis.

1 Jon, echî 4:19

E kí toŋe okot, ka Obhasi a râŋ mbá a tóŋe êt okot.

Ndem~i jon, echî 1:5

Ó dʉ̂ fə́ne mbâ Jisos Krayis, ntî-isê nnyo á bhó səre áfúbhí, ndaŋa-mbá Mmon ojî nnyo a nyəmê ka ekʉ̂, Ntûfâm nnyo a fonê chénchén atúi-ofâm í ngun. Deê ejík é jóe fə́ne é káre yê nnyo a tóŋe êt okot, a kô agyʉ́ŋ amê a yîm êt é sem ka obhí obhə́ré.