Jon, echî 11:4 - Ejagham New Testament

⁴ Nji Jisos a yúghi otîp mbí, a chôt se, “Á bhó kpo ka emaŋé njí, kən ejík tîk é jóe é káre Obhasi. Ka obhô emaŋé njí, Mmon Obhasi tîk a fôn ejík.”

Jon, echî 11:4 ပူးပေါင်းရင်းမြစ်များ

Jon, echî 10:38

Kən nne á məŋé se ń yimá a ri etûm í Ńsé omé, deê a kam na ńjə́ne kpe a rô kam na mme. Nne á kam na etûm njí, tîk a mə́ŋe mân ka etʉri se Obhasi Ńsé a ri na mme, mme eróŋ n di na yê.”

Jon, echî 11:40

Jisos se, “To ń səre wâ bəre ó ki ḿbə́ŋé, tîk o yên ikom Obhasi?”

Jon, echî 12:28

Ńsé, yim ejík é jóe é káre mbiŋ eya.” Nji a chorê áno, eyum é fâp nnyi ósô se, “Ń yim mbiŋ amé a fôn ejík, n kí kpo yim.”

Jon, echî 17:1

Jisos a kpo man nchot eye, a yûŋ echî a kêp ósô, a góre Obhasi se, “Ńsé, ebhú é si, yim Mmon owa a fon ejík kən a yîm ejík é bhá mbâ eya.

Jon, echî 17:10

Chénchén nji m fonê a ri ejâ, chénchén ejâ fə́ne a ri ejámé. Ábho nâ á tóŋa ejík ejámé.

Jon, echî 17:5

Ńsé, yim ə̂m ḿ fôn ejík ka ochî obhâ mfá-mfá, ekpak ejík nji m fonê ebhú áji kən kpe ngun a róghé.”

Jon, echî 2:11

Nâ ndaŋa-mbá eriŋ nji Jisos a tóŋe. A tóŋe ńjə́ne ka eték í Kana ka ebhat í Gariri se ane á yén ekpatə́m ikom ifê na ejík. Ágbán abhê á bhâ kî mân ḿbə́ŋé na yê mfoné-mfoné ekíím.

Jon, echî 5:23

Se ngun ndə́m á jíghí Mmon noŋ á jígha yê. Nne nnyo á ka jíghí Mmon nâ á ka jíghí Ńsé nnyo a túmi Mmon.”

Jon, echî 8:54

Jisos se, “Ebhú sê ń woma ejík ejámé mme ḿfoné, kə́n áfo a ri chichi. Kən Ńsé omé nâ á kará ə̂m ejík. Yê títí nnyo ó səra ên áno sê Obhasi owəné.

Jon, echî 9:24

Ka osúí ntə̂m ébháe, ane echəme Farasi á kpô bhiŋ nne nnyo á jíi yê nná amə̂t ntánám, á sə́re yê sê, “Chimî ka mbiŋ Obhasi se ó bhó səre áfúbhí. Êt é məŋe sê Jisos nnyó a ri nyima-obhí.”

Jon, echî 9:3

Jisos se, “Obhí, kpe a ri obhê, kpe mbi ásé abhê, ó ká fon ejûm ó kpê na otáná-amə̂t í nne nnyó. A táne amə̂t ngun á yén ekpak ikom Obhasi í kí yim etûm ka ekpin ejê.

Ane rom, echî 11:11

Deê ḿ bə́p mân bəre nji ane Jus á kóbhe nná á gbo, nâ-ngá kpe ónyáŋe kpó cháŋ na ábho a? Kpák! Á ká gbo ekpak áji. Ogbo ábho ó yim ane nték ajéné á sem. Esémém ábho njí é yim ane Jus á kí ki ábho amə̂t ta á woma eyóŋóm erû.

Ane firipi, echî 1:11

Tîk o fôn ên ekpin nji é rî ka nnyen-i-mbá nji é dʉ̂ mbâ Jisos Krayis, kən ejík na nkat í jóe í káre mbâ Obhasi.

Ane firipi, echî 1:20

Mfoné-mfoné íkíkéré mfi í fáŋe í chiŋ ka ḿbə́ŋé amé a ri se, n kâ kô eré ka etûm ejámé. Deê ḿ fôn osoná-ḿbə́ŋé mfá-mfá títí, tîk ane á yúbhi mân Jisos Krayis kpe ḿ kpó okpó kpe n kâ kpô.

1 Pita, echî 1:21

Ka obhô Jisos Krayis nnyó, ó ki ḿbə́ŋé na Obhasi. A ri Obhasi nâ a yimî yê a nyə́me ka ekʉ̂, a káre yê ejík. Nâ ńjə́ne ó ki ên ḿbə́ŋé na Obhasi, ó məŋe ên sê yê nâ tîk a káre ên nji ó chígha ên.

1 Pita, echî 4:11

We nnyo Obhasi a karê wâ se o sə́rá otîp, sə́re otîp Obhasi. We nnyo o ri noŋ ḿgbán, tʉ̂k ka ekpak ikom mfi Obhasi a karê wâ. Nji kpe énê a kí yim ka ekpak Obhasi a karê yê, ngun tîk á káre Obhasi nkat ka obhô Jisos Krayis. Deê ejík na ikom chénchén í fôn yê ka ótúm-ótúm. Áno.

1 Pita, echî 4:14

Deê ó fôn ên ogyebhá-ḿbə́ŋé ájoé ngun á kí tu ên ka o ri ên atem-ane Krayis. Ńji é toŋe sê Ntʉgantʉ Obhasi nnyi a fonê ejík a ri na ên.