Jon, echî 10:1 - Ejagham New Testament

¹ Jisos se, “Deê ń sə́ré ên ka etʉri bəre nne nnyo á ka chíŋ ka mfoné nnyo-mbá kən a gyé ekam obhúi, a gyʉ̂t a ri ebhat etat a gyê, a ri nnyágha-ejʉ̂. A ri nne nnyo a kí yui nne ka ejʉ̂.

Jon, echî 10:1 ပူးပေါင်းရင်းမြစ်များ

Matiyu, echî 7:15

“Kô ên ebhú na akará-otîp Obhasi mba áfúbhí. Á bha mbâ eyəné, ó yen se anyen-ane kən ka etím á bhip á chiŋi ochíŋ.

Jon, echî 10:7

A kpô sə́ré ábho se, “Deê ń sə́ré ên ka etʉri bəre mme nâ n di mfoné nnyo-mbá njû obhúi.

Jon, echî 3:3

Kən Jisos a táme yê se, “Deê ń sə́ré wâ ka etʉri bəre nne kpe yót cháŋ nnyo a kí gye otúi Obhasi nji á nyə́ne á ká kpo ji yê.”

Ane rom, echî 10:15

Á kí yim nan fə́ne á sə́ré otîp í nchane nji á ká tum ane á jí sə́ré. Á séŋe ka nwet Obhasi sê, “Ane á kí fon ekpatə́m ogyebhá-ḿbə́ŋé á kpê na ane mba á bháe ábho na otîp ogyebhá-ḿbə́ŋé Obhasi.”

Ane rom, echî 16:18

Echî é rî sê, ntʉ́ghi ane mbá á bhó yim etûm mbâ Ntûfâm owəré Jisos Krayis. Á yíma ka obhô ekot ábho. Na ogyebhé eyum í nchot ábho, á bhik erirím ane mba á ká məŋé nchot obhí.

Tayitus, echî 1:11

É nóbhe sê ó sə́ré ábho á mághe achot áma, ka á kí chat arə́p-ojû etî-etî na achot mma á ká fon ekpíím. Kən á kpîk ḿmáne ka ntuŋ i ntí, echî é bhó yup ábho.

Ane ibru, echî 5:4

Nne nnyo á yimá biji ibhê ntûfâm nkara-agore cháŋ. A ri Obhasi nâ á kará nne ejík njí noŋ a jíghi Eron ebhú áji.

1 Pita, echî 1:10

A ri ka obhô esémém njí nâ akará-otîp Obhasi á sóghe obhô ka ngûm á bhə́p, kən á kí səre á kpek na ekəp njí nji Obhasi a kí karé ên.

2 Pita, echî 2:1

Éməné akará-otîp mba áfúbhí á rî. Ka ekpak njí jə́t, ane áfúbhí tîk á fâp ka ekam ejə́né mba tîk á kpik ane achot áfúbhí. Á kə́ bha ka ebhə̂t na okpígha-ejûm áfúbhí na ekʉ̂. Á kí taŋé kpe na Ńsé nnyo a yimî ábho á sêm. Ńji nâ é kə́ bha ábho na ekʉ̂ ka ngyím ányi.

2 Pita, echî 2:3

Ka ntuŋ ábho akpíghá-ane achot áfúbhí mbá á kí yim orʉrí etî-etî ka achot mma á púi opu á səra ane. Nne nnyo a kí taŋ ábho ta a tʉ́ri biji kpúú, yê nnyo a kí bhibhi ábho a ri mbít, a kí yen ábho.

1 Jon, echî 4:1

Atem í ḿbə́ŋé, ka yûŋ ên ḿbə́ŋé ó kí na nchot i nne kpe nnyón nnyo a kí səre se yê á kará otîp na ikom í Ntʉgantʉ Obhasi. Gaé ên nchot eye ogaé kən ó mə́ŋe ên ájoé otîp obhê ó dʉ̂ mbâ Obhasi Ebhare Ntʉgantʉ. Echî egaám ejə́né é rî sê ane áfúbhí mba á jéna á rirá ane sê ábho á kára otîp Obhasi, á jabhe ngun.