Jon, echî 1:9 - Ejagham New Testament

⁹ Ńjə́ne nâ é rî mfoné-mfoné ebhát nji é bhâk nná ka ngûn. A ri ebhát í nchane nâ é tʉ̂k ane chénchén mbá.

Jon, echî 1:9 ပူးပေါင်းရင်းမြစ်များ

Matiyu, echî 6:23

Kən á ro joé, biji ibhâ ndə́m í kí joé ka ejírim. Ájoé mân ejâ ebhát a ri efaŋ í ngun, nâ ekpin ejâ é rî ka ejírim nji é chiŋi obhô.

Luk, echî 11:36

Ájoé mân ebhát é rî ka biji ibhâ ndə́m, eji ejírim cháŋ, biji ibhâ í sui na ebhát noŋ ngûn ḿ bara wâ ka njû.”

Jon, echî 1:4

Nne nnyó a ri njû ekpin. Ekpin njí nâ é bháe na ebhát mbâ ane.

Jon, echî 1:7

Nkara-otîp nnyó a bháe noŋ ntî-isê, a bhá səre ane nchot ebhát njí. Se ane chénchén á yúk, á kí ḿbə́ŋé na ebhát njí.

Jon, echî 12:46

M báe ka ngun nnyí noŋ ebhát bəre kpe énê nnyo a yuŋî ḿbə́ŋé a kî na mme a kâ kə̂t ka ejírim.

Jon, echî 14:6

Jisos se, “Mme nâ n di mbá. Mme a ri mfoné nchot Obhasi. Mme a ri ekpin. Nne kpe yót nnyo a kí si mbâ Ńsé nji á ka chíŋ mbâ amé cháŋ.

Jon, echî 15:1

Jisos se, “Mme nâ n di mfoné-mfoné esə́n-étí, Ńsé omé ntʉrá-tʉ́rá.

Jon, echî 6:32

Jisos a táme se, “Deê ń sə́ré ên ka etʉri bəre édî nji Mosis a karê ane-éməné abhə́né mfoné-mfoné édî Obhasi asík. Yê nnyo a ri Ńsé omé nâ á kará mfoné édî nji é dʉ̂ ka obhô obhê.

Jon, echî 7:12

Ane á kə̂t á chəmá ka nkam ka nkam á gəmá yê. Etʉ̂ sê yê a ri nnyen i nne, kən etʉ̂ sê a ri nne nnyo á jená a rirá ane.

1 Jon, echî 1:8

É to sê é ka yim obhí, áfo nâ e kí rirí biji ibhə́ré, mfoné nchot nnyi Obhasi cháŋ êt ka ḿbə́ŋé.

1 Jon, echî 2:8

Kən kpe noŋ é rî áno, n kí bhiŋ bəre ebhín efê fə́ne. É məŋe sê a ri mfoné ebhín, ka e kí yen ka ekpin í Krayis yê ḿfoné na ejə́né. É yen fə́ne sê ekpin noŋ ane á rî ka ejírim é kí manâ é jak, ta mfoné-mfoné ebhát Obhasi é roghe egboóm.

1 Jon, echî 5:20

É məŋe fə́ne eróŋ sê Mmon Obhasi a bhâ. Nji a bháe, a káre êt aron se é mə́ŋe mfoné-mfoné Obhasi. Mfoné Obhasi nchane, nâ ekpin ejə́ré é rî na yê. É rî eróŋ na Mmon owe Jisos Krayis. Ńgyê mfoné Obhasi nchane, yê nâ á kará êt ekpin ótúm-ótúm.