Jon, echî 1:4 - Ejagham New Testament

⁴ Nne nnyó a ri njû ekpin. Ekpin njí nâ é bháe na ebhát mbâ ane.

Jon, echî 1:4 ပူးပေါင်းရင်းမြစ်များ

Matiyu, echî 4:16

Ane mba mbôp nnyí á rî ka ejírim, á yen ekpatə́m ebhát. Ebhát é gbo mbâ ane mba ekʉ̂ é ko ábho osʉ́ŋ.”

Luk, echî 2:32

Nne nnyó nâ ebhát nji é kí toŋe ajéné mbá eya, é bhak na ekpatə́m ejík mbâ ane abhâ, Isrel.”

Jon, echî 11:25

Jisos se, “Mme nâ ń sʉghá ane mba á kpóe, n kará ekpin. Kpe énê nnyo á ki ḿbə́ŋé na mme, kpe a kpóe okpó, a kí fon ekpin.

Jon, echî 12:35

Jisos se, “Yê nnyo a ri ebhát, á bhó joé na ên ebhú é râp. Nne a jen mfá-mfá nji ebhát é nyə́ne na ên, o kâ kúmi ên ejírim é gbô. Nne nnyo á jená ka ejírim á bhó məŋé mbá á jak.

Jon, echî 12:46

M báe ka ngun nnyí noŋ ebhát bəre kpe énê nnyo a yuŋî ḿbə́ŋé a kî na mme a kâ kə̂t ka ejírim.

Jon, echî 14:6

Jisos se, “Mme nâ n di mbá. Mme a ri mfoné nchot Obhasi. Mme a ri ekpin. Nne kpe yót nnyo a kí si mbâ Ńsé nji á ka chíŋ mbâ amé cháŋ.

Jon, echî 3:19

Ńgyê noŋ á kí bhibhi nne nchot. Ebhát é bha ka ngun, kən ane á kóra ekpin ejírim, á ka kot ebhát, ka á yíma iyîm ibhí.

Jon, echî 5:21

Ka ekpak nji Ńsé á sʉghá áno ane mba á kpóe á chəbhá njəm ka ekpin, nâ noŋ fə́ne Mmon a kí karé ekpin mbâ kpe énê nnyo yê a wóme a karé.

Jon, echî 5:26

Nan? Ńsé nnyo a ri nâ njû ekpin a yîm fə́ne se Mmon a jóe njû ekpin.

Jon, echî 8:12

Jisos a kpô sə́ré ane se, “Mme nâ n di ebhát ngun. Kpe énê nnyo á top ə̂m a kí fon ebhát nji é kí karé yê ekpin. Ntʉ́ghi nne ányo a rô kpo yim ekpin noŋ nne nnyo a ri ka ejírim.”

Jon, echî 9:5

Nji n di mfá ka ngun, mme nâ n di áno ebhát í ngun.”

Etûm ágbán~í jisos, echî 26:23

Á sə́re sê Krayis, nne nnyo Obhasi a túmi a bhá yim ngun á sém, a ri a yén oseŋe. Sê yê nâ a kí joé ndaŋa-mbá ka enyəmə́m ka ekʉ̂. Sê á nyəmé ka ekʉ̂, a kí karé mân ebhát mbâ ane Jus, é kpê na ajéné.”

1 Ane korin, echî 15:45

Á séŋe sê, “Ndaŋa-mbá nne nnyo Obhasi a yimî ka nsi, Adam, a bhâ fôn ekpin.” Kən Adam nnyo a kpô bhá ka nsígha-njəm a ri Jisos. Yê nâ a ri ńtʉgântʉ nnyo á kará ekpin.

Ane efesus, echî 5:14

Echî é rî se a ri ebhát nâ é kí tup kpe njə́n ejûm jáé. Nâ ńjə́ne á chóre sê, “We nnyo o kí yae eyô, duî ngyím. Nyəmê ka ekʉ̂, tîk Jisos Krayis a kâk ebhát ka ekpin ejâ.”

Ane korose, echî 3:4

Jisos Krayis nâ a ri mfoné-mfoné ekpin ejə́né. Ebhú á chəbhé njəm a bhák, ên fə́ne o kí fap ên na yê ka ekpatə́m ejík ejê.

1 Jon, echî 1:1

E kí chot nchot ka nwet eyəré nnyí é kpê na nne nnyo a ri eyum Obhasi nji é kí karé nne ekpin. Nne nnyó a râŋ mbá a jóe kən kpe ngun a róghé. Êt áfoné e yûk esə́re ejê, e yên yê na amə̂t amə́ré e kêp, e kə́me yê na abhô amə́ré.

1 Jon, echî 1:2

Nne nnyó a bháe a bhâ kúmi na êt, e yên ekpin ejê. Nâ echî e kí səre ên mân mfá-mfá noŋ atî-isê nne nnyó, yê nâ a ri fə́ne ekpin ótúm-ótúm. Nne nnyó a ri kpá na Obhasi Ńsé, kən Ńsé a tûm yê se a bhá kumí na êt.

1 Jon, echî 5:11

Nji Obhasi a sə́re êt noŋ ntî-isê a ri se yê a káre êt ekpin ótúm-ótúm. E kí fon ekpin njí ka obhô Mmon owe.

Ndem~i jon, echî 22:1

Énjel nnyó a kô ə̂m mân a jî tóŋe aya mma ayép ekpin, á bhara kpe ekpak. Ayép mmá á sek ka eji ekumi otúi Obhasi na nne nnyo a ri nâ Mmon-i-njo-mbúi owe.

Ndem~i jon, echî 22:16

“Mme, Jisos, ń tum énjel omé mbâ eya noŋ ntî-isê a bhá səre nchot nnyí mbâ bichəme atóbhá abhámé. Mme nâ n di noŋ Irʉk, mme a ri Eyábhé-mmon í Debhit, mme a ri Írʉnândʉ Echî-ofú mfi í yâk kpe ekpak.”