Jems, echî 3:2 - Ejagham New Testament

² Êt chénchén, nne nnyo a rok ogbo cháŋ. Kən nne nnyo ka ótúm á bhó gbo ka erə́bhe nchot ejê, á ka fon kpe akôp. Nne ntʉ́ghi ányo a kí fi biji kpe ka jen.

Jems, echî 3:2 ပူးပေါင်းရင်းမြစ်များ

Matiyu, echî 12:34

Abhon efomnté iyîm ane! O kí yim ên nan ó chôt ên nchot nnyi no nji ên áfoné a ri ane abhí? Nji é kí fap nne ka nnyo nâ nji é rî yê ka ḿbə́ŋé.

Matiyu, echî 12:37

Nji é fábhe wâ ka nnyo nâ á kí ko á tâŋ esup ejâ, á mə́ŋe ájoé ó gbo, na ó ka gbo.”

Ane rom, echî 3:10

Á séŋe sê, “Nne kpe yót cháŋ nnyo á ka yim obhí bhúghí-bhúghí.

Ane rom, echî 7:21

Nâ ekpin njí mân é chəbhe noŋ ebhín etat se kpe bhaghé ebhú n wóme ono eyimím, a ri ejûm ebhí nâ é bhâk ə̂m ka echî.

1 Ane korin, echî 9:27

Ń kam chénchén oseŋe bəre ḿ fî biji ibhámé. Ń ka wóm bəre ebhú ḿ man ka esə́rə́m ane otîp ogyebhá-ḿbə́ŋé, ekəp Obhasi é bhá chíŋ ə̂m.

Ane garasiya, echî 3:22

Á séŋe sê kpe jen ka ngun nnyí é rî ka óséré obhí. Nâ é fap sê ekpin nji Obhasi a chimî, é kí joé é káre a ri ane mba á kíi ḿbə́ŋé na yê. A chimî a káre ḿbə́ŋé ekíím nnyí sê ane á kí na Jisos Krayis.

Ane garasiya, echî 5:17

Echî aŋ? Íkíkéré ḿbə́ŋé na mfi Obhasi Ebhare Ntʉgantʉ cháŋ ka ekone. Ḿbə́ŋé na Ebhare Ntʉgantʉ á bhó kam na ntem. Ka obhô mbí, kpe o wóme ên ó yîm ên ono, ó bhó yim ên.

Ane korose, echî 1:28

Nâ ńjə́ne e kí səre ane nchot i Jisos Krayis, e tʉk ábho obhô ka otûŋ, e kók nnyen aron e kpík ane achot mmá sê é yîm kpe énê nnyo a chə̂m na Jisos Krayis a joé ka ekpak nji Obhasi á woma yê a joé.

Ane korose, echî 4:12

Epafras, nne ka echəme ejə́né eróŋ, a kí kup ên. Yê á yimá etûm í Jisos Krayis fə́ne. A kí gorâ Obhasi nnyen egoróm chénchén ebhú ka obhô obhə́né. A kí gorâ se ó gyímí ên akát á sí nsi ka chénchén nji Obhasi a wóme. Se ó kúi ên ka achot Obhasi, kpe efup ó ro kpó fon ên.

Ane ibru, echî 13:21

Deê Obhasi owəré nnyó a karé ên chénchén íkíkéré mfi no, ó bhîk ên eyimím nji yê a wóme. Deê yê a yim êt chénchén ka obhô Jisos Krayis e yimá iyîm mbi yê á yen, ḿbə́ŋé a gyébhe yê. Deê ejík é jóe é káre Jisos Krayis ka ótúm-ótúm. Áno.

Jems, echî 1:26

Nne nnyo a kí kere se yê nne Obhasi kən á ka məŋé ka ekpak nji a kí fi nnyo imê, á rirá biji, ńgyímí eye na Obhasi a ri chichi.

Jems, echî 1:4

Deê okə́bhá-ḿbə́ŋé mbí ó chóé ên ó jî ochî, ó jéghe ên ḿbə́ŋé nnyi o kíi ên na Obhasi, kpe ejûm etat é kâ kə̂t.

Jems, echî 2:10

Məŋê ên sê nne á kigha chénchén bibhín kən a gbô kpe mô ebhín yót, nne ányo a gbô chénchén.

1 Pita, echî 3:10

Á séŋe sê, “Kpe énê nnyo á wom a dí ekpin, a kí wom a yén onono ka ngun eye, a ri a maghé achot abhí echoróm, a ri a maghé áfúbhí esə́rə́m.

1 Pita, echî 5:10

Ó yen ên mân oseŋe ka mkpât ebhú, Obhasi tîk a káre ikom, a yîm ên o sôn, o fôn ên arʉk ka nsi. Yê nnyo a fonê onobhá-eji chénchén, nâ a bhiŋî ên se ó chə̂m ên na Krayis ka ekpin ótúm-ótúm.