Jems, echî 1:3 - Ejagham New Testament

³ ka achot mmá á kí gaé ḿbə́ŋé nnyi o kíi ên na Obhasi. Ó chiŋ ên egaé njí, o kí fon ên okə́bhá-ḿbə́ŋé.

Jems, echî 1:3 ပူးပေါင်းရင်းမြစ်များ

Luk, echî 21:19

Ebhú achot mmá á kí fap na ên, gyímí ên akát á sí nsi, ka nâ ekpak nji ó kí yim ên kən ó sém ên.”

Ane rom, echî 15:4

Á séŋe chénchén achot ta ka éməné, á kâk ka nwet Obhasi á kpí êt sê e kâ fôn efup sê Obhasi á bhó yim nji a toê. Echî aŋ? Achot amê á kí yimâ êt e kə́bhá ḿbə́ŋé, á kará êt fə́ne ikom.

Ane rom, echî 2:7

Ane mba á kí kəp ḿbə́ŋé, á yimá nji é rî ka nnyen-i-mbá, sê á wóm ejík na nkat na ekpin nji é ká fon ntə̂m, Obhasi a kí karé ábho ekpin ka ótúm-ótúm.

Ane rom, echî 8:25

Kən sê é chîk ejûm é fôn, kpe jen kpe jen, é chighá áno na ḿbə́ŋé eyəré nyamḿ kən e fôn ńjə́ne.

Ane rom, echî 8:28

É məŋe sê ka chénchén achot, Obhasi a kí yim onono ó tôp ane mba á kóre yê, mba yê a sáŋe a bhîŋ ka ejûm nji yê a chimî.

2 Ane korin, echî 4:17

Echî aŋ? Mô mkpât oseŋe nnyo é yena nná ka ekîm ebhú njí, tîk ó bhak êt na ekpatə́m ejík ka ótúm-ótúm. Ejík nji é kí faŋ nji e kí bhuí oseŋe mbí obhuí.

Ane korose, echî 1:11

Deê Obhasi Ńsé na ekpatə́m í ikom ifê a karé ên ikom mfi o kí kəp ên ḿbə́ŋé kpe ka mbə́n oseŋe, o kík ên biji nyamḿ na ogyebhá-ḿbə́ŋé.

2 Ane tesaronika, echî 1:4

Nâ ńjə́ne é bhak ochot nchot eyəné ka echəme ane Obhasi kpe njə́n, é sumá obhô-ngaŋ. É suma obhô-ngaŋ ka kpe noŋ ngun á kará áno ên onyʉk na ekpatə́m oseŋe, ó ka maghé ên nchot Obhasi, o ri o kík ên ḿbə́ŋé na Jisos Krayis.

2 Ane tesaronika, echî 3:5

Deê Ńtâ Jisos a yim ên ó tʉ́ri oməŋé ên okot Obhasi na okə́bhá-ḿbə́ŋé mbi yê Jisos Krayis á kará ane.

Ane ibru, echî 10:36

Echî é nóbhe ó kəp ên ḿbə́ŋé é rî sê, ó kəp ên, tîk ó yim ên nji Obhasi a wóme ó fôn ên ekəp nji yê a chimî.

Ane ibru, echî 12:1

N kí goré ên bəre na atî-isê ḿbə́ŋé ekíím na Obhasi mba á súi ngûm, deê é bhûm ên mân chénchén iyîm mbi í kí gbʉi êt e kâ tôp Obhasi. É mághe ên fə́ne obhí chénchén mbi ó bhó wom êt é mághe achâk iyîm mmá. Deê é gyímí ên son-son, é bhéné egaé-ábhiî njí nji Obhasi a kî nná ka ochî obhə́ré. Deê é bhéné ên ńjə́ne na okə́bhá-ḿbə́ŋé.

Ane ibru, echî 6:12

Nne a kâ tʉ̂ mân njəm. Gyebhâ ên ekpin ane mba á kíi ḿbə́ŋé na Obhasi, á kəbha ḿbə́ŋé, á fôn ejûm nji Obhasi a chimî.

1 Pita, echî 1:7

Oseŋe mbí a ri egaé sê á yén ájoé ḿbə́ŋé nnyi o kíi ên na Jisos Krayis a sôn. Kpe gûl nnyi kə́n á bhíbhi, á kí gaé ńnyə́ne ka eyoóm na ngûn. Nâ noŋ fə́ne kpe ḿbə́ŋé ekíím eyəné nnyi a fâŋ a chíŋi gûl, á rî á gáe. Ó chiŋ ên egaé njí, tîk Obhasi a káre ên ekûp na ejík ka ofú ábhi mbi yê a kí toŋe Jisos Krayis.

2 Pita, echî 1:6

Fon ên énoê oməŋá-ejûm mbí, o fik ên biji. Nji o kí fighâ ên biji, kə́bha ên ḿbə́ŋé. Nji o kí kəbhâ ên ḿbə́ŋé, fon ên ekpin ka ekpak Obhasi a wóme.