Revelation 18:9 - Iñupiatun (NW Alaska)

⁹ Tarraasriiñ umialiŋisa nunam sayuŋaqatiqaqtuat akiisumik pisuŋnautaigun qiagisigaat alianniuġutigilugu taamna aġnaq qiñiġumitruŋ isia ikualaniŋan.

Revelation 18:9 ပူးပေါင်းရင်းမြစ်များ

1 Timothy 5:11

Aglaan uiḷgaġnaat nutautluktuat ikayuqtaksranun iḷaginiaqnagich, takku iliŋisa kimmutaata iḷaqatnitqigułikun Christ-miñ tunutitkisiyai,

Revelation 14:11

Aasrii itchiulanġa ikniġum nagliksaaqtitauruatigun mayuqtuaġisiruq taimuŋa isruitchuamun. Iliŋich iñiqtuiqsiaġviitchut uvlumi unnuamiḷu, tamatkua putqataqtuat niġrugaaqłuŋmun atriŋanunlu, suli kisupayaaq akuqtuiruaq nalunaitmiutaŋanik atqaniglu.”

Revelation 17:2

Umialiŋi nunam sayuŋaqatiqaġniqsut taavrumiŋa akiisumik, suli iluqatiŋ iñui nunam imiliġñiqsut imiqhutiŋ wine-mik sayuŋałhanik akiisum.”

Revelation 18:18

suli nipaalarut qiñiqamitruŋ isia ikualaniŋan uqaqhutiŋ, “Piitchuq atlamik nunaaqqimik taavrumatun kamanaqtuatun nunaaqqisun.”

Revelation 18:20

“Qiḷaak, quviasrukpautigiuŋ suksraunġiqsaułha. Quviasrukpagitchi Agaayyutim iñuiḷḷu uqqiraqtauruasiiḷu sivuniksriqirauruasiiḷu, atakkii Agaayyutim akiisuq anasriñŋuqsaġutigigaa pisigiplugu savaaŋagun ilipsitñun.”

Revelation 18:3

Babylon qaitchigai wine-mik iñuŋich nunaaqqipayaat imiliqtitlugich sayuŋałhan saŋŋiruamik wine-naŋanik. Umialiŋi nunam sayuŋaqatiginiġaat ilaa, suli tauqsiġñiaqtiŋiñ nunam umialguġvigiplugu umialgutitigun akuqtukkaŋich ilaan atugaułhagun.”

Revelation 18:7

Atqunallapiaqługu iŋmiñik kamagiruaq iñuuniugaqmiuq susrunġisaallapiaqhuni. Pakma aatchuqsiuŋ nagliksaaġutiksramik alianallapiaqtuamiglu. Atakkii uqaqtuq iŋmiñun, ‘Uvaŋa aquppiuraaġisiruŋa ataniqtun. Uiḷgaanġitmiuŋa. Iḷitchuqsriyumiñaitchuŋa alianamik.’

Revelation 19:3

Iḷaqatchiqł̣ugu niplitqiksut. “Quyanaqniaqpat! Isiq ikualaruamiñ nunaaqqimiñ qunmuktuq taimuŋa isruitchuamun.”

Revelation 2:22

Uvva, inillaktinniaġitka ilaalu tamatkualu sayuŋaqatigikkaŋi nagliksaaġutiqpauraġviksraŋatnun inillakmatun siñigviŋiñun naŋirrutim. Taamna piñiaġiga isrummitqiñġisuaqpata killuliqiłiġmikniñ.