Revelation 18:3 - Iñupiatun (NW Alaska)

³ Babylon qaitchigai wine-mik iñuŋich nunaaqqipayaat imiliqtitlugich sayuŋałhan saŋŋiruamik wine-naŋanik. Umialiŋi nunam sayuŋaqatiginiġaat ilaa, suli tauqsiġñiaqtiŋiñ nunam umialguġvigiplugu umialgutitigun akuqtukkaŋich ilaan atugaułhagun.”

Revelation 18:3 ပူးပေါင်းရင်းမြစ်များ

Luke 7:25

Uvvasuli qiñiġasugivisi iñuŋmik atnuġallautaliŋmik? Iñuich atnuġaallautaqaġaqtuat inuqsrasuŋaqatiŋ iñuuniaġuurut inillautani.

1 Timothy 5:11

Aglaan uiḷgaġnaat nutautluktuat ikayuqtaksranun iḷaginiaqnagich, takku iliŋisa kimmutaata iḷaqatnitqigułikun Christ-miñ tunutitkisiyai,

Revelation 14:8

Atlam israġulgum maliŋniġaa uqaqhuni, “Suksraunġikkauruq, kamanaqtuaq nunaaqqiq taggisiqaqtuaq Babylon-mik suksraunġikkauruq, atakkii kinnipḷugich iñupayaat nunami killuqsaqtinniġai iŋmiñun, imiliqtitlugich iñupayaat sayuŋałhan saŋŋiruamik wine-naŋanik.”

Revelation 17:2

Umialiŋi nunam sayuŋaqatiqaġniqsut taavrumiŋa akiisumik, suli iluqatiŋ iñui nunam imiliġñiqsut imiqhutiŋ wine-mik sayuŋałhanik akiisum.”

Revelation 18:19

Iliŋisa nalluqsruġniġaat nunam apyua niaqumiknun, qiallaġmiŋ kiŋuvġullaġmiŋlu nipaalaplutiŋ, “Nakłiuŋ, nakłiuŋ. Taamna kamanaqtuaq nunaaqqiq! Iluqaġmiŋ umiaqpaqaqtuat taġiumi umialguġniqsut suuraŋigun akisuruatigun! Atautchimi sassaġniġmi suksraunġiqsauruq.”

Revelation 18:23

Suli qaumanġa kialuuram qaummaġitqikkumiñaitchuq ilipni uvakŋaniñaglaan. Nipaat uiksrautimlu nuliaksrautimlu tusraġnatqikkumiñaitchuq uvakŋaniñaglaan ilipni. Ilvich tauqsiġñiaqtitin kamanaġniqsrauniqsut nunami. Suli aŋatkuułipkun iluqaisa nunam iñui kinnigitin.

Revelation 18:7

Atqunallapiaqługu iŋmiñik kamagiruaq iñuuniugaqmiuq susrunġisaallapiaqhuni. Pakma aatchuqsiuŋ nagliksaaġutiksramik alianallapiaqtuamiglu. Atakkii uqaqtuq iŋmiñun, ‘Uvaŋa aquppiuraaġisiruŋa ataniqtun. Uiḷgaanġitmiuŋa. Iḷitchuqsriyumiñaitchuŋa alianamik.’

Revelation 18:9

Tarraasriiñ umialiŋisa nunam sayuŋaqatiqaqtuat akiisumik pisuŋnautaigun qiagisigaat alianniuġutigilugu taamna aġnaq qiñiġumitruŋ isia ikualaniŋan.