Revelation 15:4 - Iñupiatun (NW Alaska)

⁴ Ataniiq, kia taluġinġitkisivatin kamakkutiqaġlugulu atiġikkan, atakkii kisivich ipqitchuaŋurutin. Iñuich nunaaqqipayaaniñ aggiġisirut purvigilutin, atakkii qiñiġniġaich iluqaġmiŋ suraġautitin nalaunŋaruat.”

Revelation 15:4 ပူးပေါင်းရင်းမြစ်များ

Romans 15:9

suli Jew-ŋunġitchuat qaitchitquplugich nanġautmik Agaayyutmun iḷunŋuksrił̣hagun. Aglausimaruq Agaayyutim uqałhani, “Quyagisigikpiñ akunġatni Jew-ŋunġitchuat. Atuġisiruŋa quyyatinik atiġikkaqnun.” 2 Samuel 22:50; Psalms 18:49

1 Peter 1:16

Atakkii Agaayyutim uqałhani aglausimaruq itna, “Ipqitchuksraurusri, takku uvaŋa ipqitchuaŋuruŋa.”

Revelation 11:15

Tarani tallimat malġuiŋat israġulgich qalġuqtautiqpaŋmiñik nipliqsitchiñiqsuq. Aasriiñ sapiġñaqtuat nipit qiḷaŋmiñ itnaqtut, “Uvakŋaniñaglaan aŋaayuqautaa nunam aŋaayuqautigiliutigaa Agaayyutipta suli Christ-ŋan, aasrii ilaa aŋalatchigisiruq taimuŋa isruitchuamun.”

Revelation 14:7

Uqaqtuq nipitusriḷḷapiaqhuni, “Taluqsrisitchi Agaayyutmik kamaksruġlugu, atakkii tikitchuq sassaġnik atanniiviksraŋa. Purvigisriuŋ ilaa iñiqsiruaq qiḷaŋmik nunamiglu taġiumiglu suvliktuaġuraaqtuaniglu.”

Revelation 16:5

Tarra tusraagiga israġulik aŋalatlaruaq imiġmik uqaqtuaq, “Nalaunŋapiaqtutin atanniikavich taatna, ilvich ittuami ataramik pakmalu ipqitchuamiḷu.

Revelation 16:7

Suli tusraaruŋa nipimik tuniḷḷaġviŋmiñ uqaqtuamik, “Aa, Ataniiq Agaayyuun Saŋŋipayaaqaqtuatiin, atanniqsuutitin iḷumutuurut nalaunŋapiaqhutiŋ.”

Revelation 19:2

Atanniqsuutai iḷumutuurut nalaunŋaplutiŋ. Atakkii akiisuqpaum asiŋŋuġaa iñupayaaq nunami sayuŋałiġmigun. Taatnaqługu Agaayyutim atanniġaa anasriñŋuqsaqługu piqutigiplugich tuqqutauruat ilaan savaktaiñ.”

Revelation 19:8

Nuliaksrautaa atnuġaaksrisauruq qatiqtaamik ukił̣haaġiksaamik qaummaġiksuamiglu salumaruamiglu.” Atakkii ukił̣haaġiksaaq nalaunŋaruat savaaġigaat ipqiqsitaŋiñ Agaayyutim.

Revelation 3:7

“Israġulganunli agaayyuvium Philadelphia-mi aglagiñ itna: Tamatkua uqałiġigai ipqitchuaŋuruam, iḷumutuuruamlu, piqaqtuamlu saŋŋiqutiqałhanik David-ŋum saagaqaqtuatun aŋmautinik. Aŋmaqpauŋ kia-unniiñ iñuum umikkumiñaitchaa, suli umikpauŋ kia-unniiñ iñuum aŋmaġumiñaitḷugu.

Revelation 4:8

Aasriiñ taapkua sisamauruat uumaruat, iŋmikkullaa itchaksrallaanik israġuqaġniqsut iriłhaiñauplutiŋlu ataaniḷu siḷataaniḷu israġuŋisa. Aasrii nipliatuiñaġniqsut uvluvakpauraq unnuaqtuummaan, “Ipqitchuaq! Ipqitchuaq! Ataniq Saŋŋipayaaqaqtuaq Agaayyun killuqsautaiññiqsuq ipqitchuaŋupluni, ilaa inniqsuaq taimakŋa, ittuaġlu pakma, suli aggiqsaġumaruaġlu.”

Revelation 6:10

Iliŋich niplianiqsut nipitusriḷḷapiaqhutiŋ, “Aatai, Ataniiq ipqitchuami suli iḷumutuuruami, qakugun atanniġñiaqpigich tuqqutigikkavut iñuuruat nunami aasrii akisautiluta?”