Revelation 13:6 - Iñupiatun (NW Alaska)

⁶ Taavruma aŋmaqługu qanni uqamaqłuutiniġaa pisaaŋŋatinik akitñaqtuqługu Agaayyun ilaan atqalu iñuuniaġvialu taputiplugich iñupayaat nayuutiruat qiḷaŋmi.

Revelation 13:6 ပူးပေါင်းရင်းမြစ်များ

Matthew 12:34

Ilipsi tuqunalgich nimiġiat! Uqatlaitchusi nakuuruanik atakkii pigiitchuaŋuplusi. Qanġaum uqaġiraġigaa taatnasiq ittuaq uummatmi.

Matthew 15:19

Atakkii uummatmiñ aniraqtut pigiitchuat isummatit, iñuaqtułiq, iḷaqatiqaġaluaqhuni atlatułiq, iḷaqataiḷḷuni sayuŋałiq, tigliyułiq, taŋiġiḷaakun iḷisimaraułiq, uqaniqłuktałiġlu.

John 1:14

Taamna taggisiqaqtuaq Uqałiġmik iñuguqhuni akunnaptikni iñuuniaqtuq. Uvagut qiñiġikput kamanautaa inuqtuummataitchuaq iłuaqqutrił̣ikun suli iḷumutuułikun. Taamna kamanaun piḷiun Ilaan akuqtuaġigaa aapamiñiñ Iġñituaŋułiġmigun.

Romans 3:13

Iggiaŋich atriqaqtut aŋmaruanik iḷuviġnik. Atuġaat uqatiŋ uqaqhutiŋ sagluuqtuanik, Psalms 5:9 uqałhiŋich atriqaqhutiŋ nimiġiam tuqunaŋatun, Psalms 140:3

Colossians 1:19

Agaayyun sivunniġñiqsuq iluqnauġuni iñuusukhuni ataramik iġñiġmiñi.

Colossians 2:9

Uvvatakku iluqaġmi Agaayyun iñuuruq inuqsraŋaiqhuni Christ-mi, amiami ilaan timaani.

Hebrews 9:2

Taamna Agaayyutim irvia malġuŋnik iniqaqtuq. Sivulliġmi inimi kialuuraqaġviqaqhuni niġġiviqaqhuniḷu ipqitchuanik qaqqialigaanik, taiyuutiqaqhuniasrii ipqitchuamik inimik.

Hebrews 9:24

Atakkii Christ isinġitchuq ipqitchuamun inimun savaaġikkaŋatnun iñuich, tuvrautaułhiñaqtuamun iḷumutuuruamun ipqitchuamun inimun. Aglaan Christ isianiktuq qiḷaŋmun sivuġaallapiaŋanun Agaayyutim akunniġutchiutaupluni pisigipluta.

Revelation 11:12

Aasrii tusraagaat nipituruaq nipi qiḷaŋmiñ uqaqtuaq iliŋiknun, “Qaġġisitchik,” aasrii iliŋik mayuqtuk qiḷaŋmun nuviyakun, uumiksrimiknun qiñiqtuaqtitlutik.

Revelation 12:12

Taatnamik quviasrugitchi, qiḷaak suli iluqasri iñuuruani qiḷaŋmi. Nakłiuŋ! Nagliksaaġun itkisiruq iñuŋnun nunami taġiumiḷu ittuanun, atakkii tuunġaum tikitkaasri qinnautiqpaŋmigun iḷisimaplugu sivikitchuami piviqałłi.”

Revelation 15:5

Taavruma aquagun qiñiġniġiga ipqiññiqsrauruaq ini agaayyuvikpaŋmi qiḷaŋmiittuami aŋmaġataqtuaq.

Revelation 18:20

“Qiḷaak, quviasrukpautigiuŋ suksraunġiqsaułha. Quviasrukpagitchi Agaayyutim iñuiḷḷu uqqiraqtauruasiiḷu sivuniksriqirauruasiiḷu, atakkii Agaayyutim akiisuq anasriñŋuqsaġutigigaa pisigiplugu savaaŋagun ilipsitñun.”

Revelation 21:3

Aasrii tusraaruŋa nipiqpaŋmik aquppiutaqpaŋmiñ uqaqtuamik, “Uvva, ipqitchuaq inaa Agaayyutim piqasriutiruq iñuŋnun. Agaayyutim nayuqatiginiaġai, aasrii iliŋich iñuginiaġai. Agaayyun iŋmiñik itqatauniaqtuq iliŋitñi.

Revelation 4:1

Taapkua aquatigun qiñiqtuŋa talumik aŋmaruamik qiḷaŋmi. Aasrii sivulliq nipi tusraakkaġa uqaqman uvamnun qalġuqtautiqpaktun itnaġaaŋa, “Mayuġiñ uvuŋa. Qiñiqtinniaġikpiñ sunik atuumaniaqtuanik uuma aquagun.”

Revelation 4:4

Avataani aquppiutaqpaum iñuiññaq sisamat aquppiutaqpaqaqmiut. Qiñiqtuŋa iñuiññaq sisamanik umialiŋnanik aquppiruanik aquppiutaqpaŋni, atnuġaaligaat qatiqtaanik. Niaquġutiqaġniqsut kaviqsaamik maniŋmik niaqumikni.

Revelation 5:13

Aasriiñ tusraagitka uumaruapayaurat qiḷaŋmi, siḷamiḷu, nunamiḷu, ataaniḷu nunam, taġiumiḷu—uumaruapayaat nanipayaaq—uqautiqaqtuat itna: “Nanġaun kamakkunlu, iluqaan kamanaunlu aŋalatchił̣iġlu pigigaa aquppiruam aquppiutaqpaŋmi suli ipnaiyaam taimuŋa isruitchuamun.”

Revelation 7:15

Taatnaqhutiŋ ittut sivuġaani aquppiutaqpaŋan Agaayyutim savautiplugu uvlumi unnuamiḷu agaayyuvikpaŋani, aasrii taavruma aquppiruam aquppiutaqpaŋmi tugluaqsimaaġisigai nayuutiłiġmigun.

Revelation 7:9

Taavruma aquagun qiñiqtuŋa iñugiallapiaġataqtuanik iñuŋnik kia-unniiñ iñuum kisitchumiñaisaŋiñik nunaaqqipayauraniñ atlakaaġiiñiñḷu iñuŋniñ suli uqausripayaaniñ. Qichaġniqsut sivuġaanun aquppiutaqpaum suli sivuġaanun ipnaiyaam, atnuġaaqaqhutiŋ qatiqtaanik akuqturuanik qisiqsiutiniglu tigummiugaqhutiŋ,