Matthew 24:29 - Iñupiatun (NW Alaska)

²⁹ “Aquuraŋagunaasiiñ uvluiñ nagliksaaqsiułhum, siqiñiq taaqsigisiruq suli tatqiq qaumaġinġiġuni, uvluġiat katagaqmiḷutiŋ qiḷaŋmiñ suli qaummatipayaaŋi siḷam nuktitaulutiŋ inimikniñ. Isaiah 13:10; 34:4

Matthew 24:29 ပူးပေါင်းရင်းမြစ်များ

Matthew 24:21

Atakkii taivrumani nagliksaaqpaurałiksraq atuumagisiruq atrigiŋisaŋa atuumaruam aullaġniił̣haniñ nunam uvuŋanunaglaan. Taatnasiq nagliksaaqpaurałiq atuummitqiŋñiaŋitchuq taavruma aquagun.

Matthew 24:8

Iluqaitñik tamatkua aullaġniisaaġigai auliyautiłhum.

2 Peter 3:10

Aglaan uvlua Atanġuruam tikitkisiruq niġiiḷautiluni aggił̣hatun tigliŋniaqtim. Taivrumani qiḷaich piiġisirut qukiġñaqtuamik tusraġnaqhutiŋ suli qaummatit qiḷaŋmiittuat siqumitkisirut iknikun suli nuna ikiniaqtuq supayaatlu nunamiittuat.

Revelation 8:12

Sisamaŋat israġulgich nipliqsitchiḷgitman, taimmaiñaq piñayuiŋich siqiñġum tatqimlu uvluġiatlu taaqsiḷiġniqsut. Tarraasrii uvlum qaummataan piñayua qaumanġiġñiqsuq, suli unnuam qaummataan piñayua qaumanġiġñiqsuq.