Luke 3:14 - Iñupiatun (NW Alaska)

¹⁴ Iḷaŋisa aŋuyyiuqtit apiqsruqmiñiġaat, “Uvagutaasiiñ, qanuġisiñiqpisa?” Nipliutiniġai, “Aqsaknasigik iñuich nunuritñigusi naagaqaa saglutiginasigik iñuich. Apaigilugu akiḷiusiaġikkaqsi.”

Luke 3:14 ပူးပေါင်းရင်းမြစ်များ

Matthew 8:5

Jesus tikitman Capernaum-mun, aŋuyyiuqtit qaukłiata Rome-maġmium paaġniġaa apiqsruqługu ikayuqupluni.

Luke 19:8

Kiŋuniġmiñi Zacchaeus makitluni nipliutiniġaa Atanġuruaq, “Naalaġniḷḷagiñ! Qaitkisigiga avvaŋa suuraġikaġma inuqsraqtuanun. Aqsakniksimaniġuma kisupayaamik utiqtitchigisigitka sisamaullugu.”

Luke 3:10

Iñuich apiqsruġniġaat, “Qanuġmi pigisiñiqpisa?”

Luke 3:13

Uqautiniġai, “Katitchiñasi qaaŋiġḷugu piraksriusiaqsi.”

Acts 10:7

Taatna uqautianikamiuŋ taamna isaġulik qiñiġnaiġñiqsuq. Cornelius tuqłuiñiqsuq malġuŋnik savaktiŋmiñik suli atautchimik aŋuyyiuqtimik agaayyutiqaqhuni savautriruamik.

Philippians 2:15

Ilipsiḷi patchisaitchumuusi Agaayyutim qitunġaġiliutikkaŋasi, iñuuniaqhusi akunġatni qaayuġniqiruatlu killuliqiruatlu ittuami taaqtuatun. Uvluġirraaġikmatun qiḷaŋmi iñuuniaġumuusi akunġatni iñuich quliaqtuaġutilugich iliŋich Agaayyutim uqałhiñik iñuupkaitḷaruanik. Taatnaġupsi quyagisiruŋa piqutigilusi Christ aggiqpan, iḷisimagiga sakuułiġma imaiḷaaġuni inġił̣ha.

Philippians 4:11

Uqautigiŋitkiga taamna pisigilugu inuqsriułiġa. Iḷitchuŋa pisuiqsimaatlasripḷuŋa piqaġisiŋŋaġma aŋiruamik naagaqaa mikiruamik.

Titus 2:3

Taatnatuntuuq uqautilugich utuqqanaaġuqtuat aġnat ukpiqtuam irrusrianik piqaqulugich, sagluturuaŋutqunġiḷḷugich, naagaqaa tigutarriutitqunġiḷḷugich taaŋŋaġmun, iḷisautritqulugich nakuuruakun,

Revelation 12:10

Aasrii tusraaruŋa nipitullapiaqtuamik nipimik uqaqtuamik qiḷaŋmi, “Pakma tikitchuq anniqsuġiaŋa, saŋŋialu, aŋaayuqautaalu Agaayyutipta suli aŋalatchisaa Christ-ŋan, atakkii taamna patchisiqutri aniqatiuptiknik sivuġaani Agaayyutipta uvlumiḷu unnuamiḷu igitauruq atmun.