Ephesians 5:21 - Iñupiatun (NW Alaska)

²¹ Kamakkutilusri avatmun pigilugu taluqsrił̣iqsi Christ-mik.

Ephesians 5:21 ပူးပေါင်းရင်းမြစ်များ

1 Corinthians 16:16

Pitchuksaaġipsi tupigitquplugich iñuich taatniittuat suli kisupayaaq ikayuqtauruaq ukpiqsriruanun.

2 Corinthians 5:11

Uvva iḷitchuġimagikput tatamnaqtilaaŋa Atanġum. Taatnaqhuta pitchuksaaġivut iñuich akuqtuitquplugich iḷumutuuruamik. Agaayyutim iḷisimagaa qanusriutilaapiaqput. Taatnatuntuuq niġiugaġigiga iḷitchuqsrianiłiqsi taavrumiŋa qauġrimmaaġiutillautapsigun.

2 Corinthians 7:1

Piqpagikkamaaŋ, piqaġniqapta tamatkuniŋa akiqsruutauruanik ipqiqsaqta uvaptiknik qaayuġnaqtuapayaamiñ timiptigun irrutchiptigunlu. Quyaliḷakput Agaayyun supayaakun atakkii taluġigikput.

Galatians 5:13

Aniqatiumaaŋ, Agaayyutim patchisaiġaasri. Taatnamik killuliqitqiŋñiaqasri kaŋiġruaqtapsigun, aglaan piqpakkutiłikun savautilusri avatmun.

Ephesians 5:22

Nuliaŋuruasii, kamagisigik uisi kamaksripmatuntuuq Atanġuruamik.

Ephesians 5:24

Atriḷugu ukpiqtuaŋuruat kamaksripmatun Christ-mik taatnatuntuuq nuliaŋuruat kamaksriḷich uimiknik sułipayaaġmikni.

Philippians 2:3

Uqaviutiqasuŋaqasi ilipsitñik suli inillaktasuŋaqasi kamanaqsitḷugusi atlaniñ, aglaan isummatigilugich atlat kamanatluglugich ilipsitñiñ.

1 Timothy 2:11

Aġnat iñuksruisaałikun atchiksualgułikunlu iḷisaqtuksraurut.

1 Timothy 3:4

ilaan kiñunni iłuatun aŋalalgulugu suli qitunġamiñun kamaksrił̣ikun tupigipkaġuni.

Hebrews 13:17

Tupigisigik iñuich aŋalatigikkasri aŋalatillusri iliŋitñun, atakkii kiggutiqaqtaksraġigaat Agaayyun pisigilusri. Taatnaqhutiŋ qaunaksrirut iñuuniałłapsitñik. Tupigigupsigiŋ savaaqtiŋ quviatchauġiutiginiaġaat, aglaan sakiqniuqtitkupsigiŋ piññautigiyumiñaitchiksi.

1 Peter 2:13

Pisigilugu Ataniq kamakkutiqaġusri iñupayaanik saŋŋiqutiqaqtuanik, Rome-maġmiut umialigigaluaqpatruŋ

1 Peter 2:17

Kamagilugich iñupayaat, piqpagilugich ukpiqtuaŋuruaqatisri, taluġilugu Agaayyun, kamakkutiqaġlugu umialik.

1 Peter 5:5

Taatnatuntuuq, nukatpiaŋuruasrii kamakkutiugaġitchi qaukłiuruanik. Iluqasri kamanaġasrugisruŋaqasri savauttutilusri atchiksuałikun, atakkii “Agaayyutim ayaksimaaġai kamanaġasrugiruat aglaan ikayuqsimaaġai atchiksuaqtuat.” Proverbs 3:34